|
هل أصبح السؤال عن الوضوء حرام و الصلاة حرام ؟ في صبية نزلت بوست وسألت (يا جماعة كيف بنتوضا) ! انا فعليا استغربت ، صبية بعمر ال١٦ بتسأل عن وضوء!!؟ قررت ابعثلها خطواته ، كونه حسيت انها سؤالها جاد و حكيت لو انها بتمزح هينا بعثنا و بعثنا مو خسرانين ، ثم سكرت موبايلي،بعد ساعتين بس رجعت للبوست تاعها ، لقيته ٨٠٠ كومنت و الف share, كلها بمعنى السخرية ، و التنديد فيها و بدينها، و مزح و تخويت.. أكثر اشي لفتني صراحة : امرأة عاملة منشن لزوجها و كاتبة فيه (الحمدلله انه ربينا صح تصور هيك سوسو ) ؛ " انا استنتجت انه سوسو هي بنتهم " . في كومنت ثاني لشب، صورته توحي بشاربين و لحية رتيبة ؛ كاتب " لو انك ما بتتسرمحي ليل نهار كان عرفتي الصلاة و الوضوء يا كافرة " انا رجعت لاقرأ انا شو بعثتلها ، لقيتها كاتبيتلي "شكرا الك بس يا ريتني ما سالتون" و بعدها لفهمت انه هي طول عمرها مغتربة و عايشة عند زوج امها و امها غير المسلمة، و قبل أسبوع أهل والدها بالاقناع جابوها تعيش معهم ، و انشغالهم بمعاملاتهم اشغلهم عن تعليمها اركان الدين و هي حبت تسال هالسوال لصاحباتها! أنا ما كنت حزين عليها، قد حزني على التفاهة و السخرية الي فئة كبيرة من مجتمعنا عايش فيها ؛ بتذكر د.خليل الزيود مرة قال عن آية ("وأَمَّا السَّائِلَ فَلا تَنْهَرْ") حيث قال انه السائل بالاية ليس المتسول فقط، بل عامة السائلين ، السائل عن علم و عن حكم و عن حاجة ؛ السائل من قال كيف و لماذا و استنجد بك !! كيف و احنا أبسط آيات بالقرآن ما بنفهمها و بنوصل للتكفير و قذف المحصنات و غيره و غيره ... 《فهل أصبح السؤال عن الوضوء حرام و الصلاة حرام ؟》 ارتقوا_عافاكم_الله اه ملاحظة:الزوجة الي حكت لزوجها الحمدلله ربينا صح ، لما اطلعت عبر وفايلها كانت مصورة فيديو لأولادها و هم بيرقصو و بيغنو decspasito و كانت مفتخرة انهم حافظين كلماتها و صاحباتها بيسمو عليهم حلوة تربية سوسو يا خالتي ..... ام سوسو منقول |
السلبيه للاسف هي اللي بتتحكم ف كتير عقول حتي من ضمن الناس اللي انتقدتها قلت شاب مربي لحيه يعني فاهم امور الدين كويس ومع ذلك شتمها وقالها ياكافره هذا وللاسف مجتمعنا المفروض نرتقى شويه بافكرنا وبعدين السؤال مش عيب ولا حرام مهما كان والله عصبت انا ميرسي ليك مؤيد |
اقتباس:
انقلبت الامور على عقب وصارت الناس لو صلت ركعتين بتفهم في الدين او ضامنه الجنه يمكن هاي البنت افضل منهم عند الله لانها بدها تتعلم وغيرها عم يتنأوز عليها شكرا لاضافتك ساره |
ع الاقل ضميرها حي طالما وعيت ع حالها وع غلط ورجعت لربنا والسؤال عن هيكا امور لا عيب ولا حرام بس للاسف في ناس عاملة حالها ملائكة والله اعلم وبالنسبة لامها هاي خسارة فيها تكون ام تبا ع هيكا امهات الحمدلله في خير بالامة اذا في ناس مثلها ربنا ههداها ويهدي الجميع يعطيكك العافية خيوو بجد قصة معبرة رغم اني انقهرت من امها وردها |
هاد عنا اكتر شي بدهم شغلة ليتسلو فيها بكومنتات ما انزل الله بها من سلطان بس ما بيعرفو شو طبيعة الحياة اللي الناس هايشينها وخلاا تنزل هالسؤال هلأ نجي للصح في ناس بتهبلو بهيك اسئلة للفت نظر المستخدمين للفيس لحتى ياخد تعليقات كتيرة مش اكتر بس كمان في ناس الله اعلم بظروفها الله يقص لساناتهم انشالله بدهم الناس تضل بلا دين |
لا حول ولا قوة الا بالله الله يهدي الجميع والله الي بيسأل ليفهم ويتعلم أفضل من الناس الي عامله فيها علماء وهي ما بتفقه شي يسلمو مؤيد على الطرح الهادف تحيتي واحترامي |
موضوع راقي وجميل الف شكر للتميز |
| الساعة الآن 10:18 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.