سيف ومرض السرطان

#1 09-06-2017

السرطان , صدف , ومرض

سيف ومرض السرطان

كان حملي بسيف وولادته جداً طبيعيين,
بس بعد شهر صرت ألاحظ إنه بطنه صار حجمه يكبر يوم عن يوم.
بالبداية فكرت إنه ممكن يكون بسبب تغييري لنوع الحليب
أو ممكن بسبب الغازات بس الموضوع صار يزيد
وأخدته على دكتورته يلي كانت متابعته من ولادته
وحكتلي إنه الوضع مش طبيعي.
بعد الفحوصات تبين إنه حجم الكبد كان كتير كبير لعمره
وكان الطبيعي المفروض يكون 6 سم بس كان 18 سم,
كملنا بالفحوصات وطلع في عنده كتلة فوق الكلية
وكان الورم منتشر على الكبد.
حكولي يومها إنه لازم دغري آخده على مركز الحسين للسرطان.
أخدته هناك وخبروني الدكاترة إنه الورم خبيث
(ما إنه انتقل من مكان لمكان وكان لازم يبلشوا بالكيماوي
عشان ما يتفاقم الوضع
أعطوه نص جرعة وكانت مخففة لإنه كان صغير كتير
عمره 35 يوم وأخدوا خزعة من الكبد.
بعد يومين صار عنده صدمة جرثومية
لإنه مناعته نزلت وما تحمل الكيماوي.
كان حجم بطنه ضاغط على الحجاب الحاجز
وعمل عنده ضيق نفس وإلتهاب بالرئة
فاضطروا يحطوه على جهاز تنفس مع تخدير كامل.
خلال هاي الفترة صارت عنده كتير مضاعفات.
مرت علي أيام كانوا يقولولي فيها الدكاترة
إنه سيف ما رح يكمل ال 48 ساعة.
توقفت الكلية، توقف الكبد وضغطه كان كتير بنزل
وصارت دقات قلبه فوق ال 200.
خلال ست أشهر كان كتير يوقف قلبه وكانوا
يعملولوه صدمات كهربائية وينعشوه قدامي.
لما كان يصير هيك كنت كتير قوية وواقفة مع الدكاترة خطوة بخطوة
وما أرضى أطلع من الغرفة مع إنه كان ممنوع.
بعد ما يخلص الإنعاش وترجع أموره طبيعية كنت أنهار.
بس كنت دايماً أذكر حالي إنه هاد مش وقتي أزعل وأنهار،
لازم أوقف على رجلي عشان سيف ،
إذا ما كنت قوية بهاد الوقت سيف رح يضيع مني.
بعد ست شهور الورم بلش يختفي بالتدريج,
خلصنا من الورم بس ما اتحمل جهاز التنفس ولدرجة
إنه عمله ألياف في القصبة الهوائية.
كان الحل الوحيد عشان يرجع يتنفس لحاله
إنهم يفتحوله فتحة رغامية برقبته ليعرف يتنفس بدون جهاز.
كانوا بدهم يفتحوله معدته كمان
بس خبروتن إنه ما رح يقدر ياكل بشكل طبيعي،
وإنه لو صحي ما رح يعرف يتحرك
بس أنا ما يأست وقلتلهم رح يقدر يتحرك ورح يقدر ياكل كمان.
كانوا الدكاترة يحكولي خلص روحي
هو ما بعرفك ولا صاحي عليكي أصلاً،
كنت أرد وأحكيلهم إنه ابني وهو حاسس فييّ جنبه وبده ياني!
كنت أقعد جنبه ساعات وأيام خلال هاي الست أشهر،
أحكي معه وأقرأله قصص وأغنيله.
كنت أحكيله عن الألعاب يلي رح ياخدها
والأشياء يلي رح نعملها بس يصحى.
وفعلاً سيف صحي وضلينا وراه لحتى تعود يمشي وياكل لحاله.
كبر، وصارت حركته ونشاطه طبيعيين وباكل طبيعي.
سيف هو معجزتي بالحياة!
سيف صوته ما بطلع إلا إذا سكر الفتحة الرغامية بإصبعه
وهو اكتشف هاد الإشي لحاله.
حابة الناس تشوف إنه سيف طفل طبيعي ،
ما تستغربوا وتخافوا بس تشوفوه.
سيف عنا بالبيت زيه زي الأطفال التانين،
ذكي وأزعر ومحبوب وبتحرك كتير.
صار وقت إنه يدخل الروضة بما إنه عمره خمس سنين.
وأنا بعرف إنه سيف لازم تروح معه مرافقة ومتفهمة هاد الإشي.
قبل فترة رحت على روضة مشان أسجله مع مرافقة،
المديرة قالتلي إنه رح يكون صعب عليها تقبل.
أنا ما كان عندي مشكلة واتقبلت قرارها بس يلي دايقني
لما راح سيف يلعب بالساحة مع الأولاد
وصاروا يتطلعوا عليه بطريقة غريبة
وما رضيوا يلعّبوه معهم. بعرف إنه عدد الأطفال
والناس يلي بتنفسوا عن طريق الفتحة الرغامية
قليل بالعالم فما بالك بالأردن؟
بس ما بدي الناس تشوف سيف مختلف بسبب الفتحة يلي برقبته،
شوفوه مختلف لأي اشي تاني بس مش لهاد السبب.
سيف حارب لحتى يضل عايش على الرغم من صغر عمره,
سيف بطل ومعجزة."..
الله يشفيهم جميعا . قولو امين

المصدر: منتديات بنات فلسطين - من قسم: قصص أدبية , روايات , حكايات , تاريخ الأدب والأدباء

sdt ,lvq hgsv'hk w]t

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
البقدونس لمقاومة السرطان !!	ЙǑŏƒ	صِحِتِكـَ تِهُمٍنٍآ	14	08-18-2016 09:14 PM
الكشف عن آلية ظهور الفصام ومرض التوحد لدى القرود	همسه احساس	عالم الحيوان والنبات	4	07-26-2016 10:27 AM
الزوجه الوفيه ومرض زوجها؟؟	رفيقة ٱلقمر	قصص أدبية , روايات , حكايات , تاريخ الأدب والأدباء	6	04-07-2016 06:04 AM
السرطان وحدوة الحصان !	غرام	عالم الحيوان والنبات	9	04-08-2015 11:42 AM
مرض السرطان .. الوقاية خير من العلاج	سفير القلعة	صِحِتِكـَ تِهُمٍنٍآ	8	02-13-2014 12:38 AM

سيف ومرض السرطان

= 500) this.width = 500; return false;" /> كان حملي بسيف وولادته جداً طبيعيين, بس بعد شهر صرت ألاحظ إنه بطنه صار حجمه يكبر يوم عن يوم. بالبداية فكرت