|
فضية بس بدون زعل ولا فلسفة مسالخير جميعا بصراحة انا ترددت لحتى انزل هاي القضية عشان الاعضاء اللي من القطاع ما يزعلو مني ولا يصير سوء تفاهم هالشغلة عالفيس بوك كل يوم بشوفها حبيت اطرحها لحتى اعرف الصافي من اهلنا بغزة منشور عم يتناقل بنفس الصيغة منسوخ والحسابات بتتغير عالجروبات نفس المنشور بنزلوه بس كل مرة باسم شخص مفاده انو هم بحاجة لمصاري وما معهم ياكلو واللي بدو يساعدهم يدخللهم عالخاص ويبعتلهم مصاري عن طريق كرت جوال ببيعوه وبياخدو حقو وفعلا من عيلة زوجي بعتولهم مبلغ ع رقمهم بحجة انه فقرا انا قلتلهم انا ما بصدق هيك طرق للصدقة بعد اللي شفتو من التعليقات على هيك منشور لا تزعلو مني اهلنا بغزة هالشي شفتو بعيني نفس المنشور نزلوه اكتر من ناس رايكم اهم من كلشي وانتو ادرى بهالمواضيع |
امممم انآ رح احتفظ برأيي يمكن ازآ احكيت يكون قآسي لكن رح اتآبع آرآء الجميع تحيآتي جآرتي |
انا ما بدي يصير زعل وما طرحت شي من عقلي كلو شفتو والله وازا بدهم بصور المنشور |
اقتباس:
و انآ بشوف منشورآت من هالنوعية هاي كمآن بسس متلك برضو خآيفة رأيي يكون فيو عنصرية و حد يزعل مني :136: |
انا رح جاوبك بكل صدق ملاك طبعا اهلنا وحبايبنا في غزه كل الاحترام الهم وضعهم صعب جدا واحنا سندهم وعزوتهم والي بقدر يساعد حدا ما يقصر بشرط واحد انه يكون متأكد من الشخص يعني بعرفه من مده وفي بينهم كلام هون بكون قدر يوصل المساعده لمن يستحقها لكن هيك منشورات بتسيئ لاي شخص بنزلها ولعلمك مو شرط يكون من غزه الي ببعتها ممكن يكون من الضفه وبدو يبتز الناس باسم اهلنا في القطاع المحاصر وين ما كان بتلاقي المنيح والعاطل ملاك وظنو بالناس خيراً |
تركت التعليق لاهل الشأن صح صريحة واتجرأت اطرحه بس بدنا نعرف السبب او هل هو نوع من الاحتيال والنصب من بعض النفوس المريضة فئة اقلية بقصد |
يعني قصدك بدّعوا الفقر عشان ياخدوا مصاري؟ |
مش قصة بدعو الفقر القضية بالمبدأ ومتل ما حكى مؤيد بجوز يكونو من الضفة ليشوهو سمعة اهل غزة واستغلال الناس |
ملاك فش انسان عنده كرامه ممكن يعمل هيك هي اقليه محدوده جدا ما حدا بأكد انهم من غزه وممكن يكونو عصابه محتاله احنا منعرف اعضاء وناس كتير من غزه نرفع لهم القبعه احتراما بعتقد وصلتك الفكره وما بدنا نسيئ لاي حدا لانه الموضوع بصراحه ممكن يزعج البعض |
شوفي لاقولك بداية انا من المرات القليلة الي اترك فيها الأكل أفوت واجاوب على موضوع لانه الحكي والرد والكلام ملحوق عليه ^ ^ بس للأمانة واسمحيلي احكي بالعامية شوي بما اني من اهل غزة ومن سكانها واعيش فيها واعلم كل صغيرة وكبيرة عنها انا لا أرى اي ازعاج لطرحك هيك موضوع على العكس تماماً انا مستاء جداً من إنتشار هده العادة السيئة في الحقيقة لا يٌخفى على أحد ان قطاع غزة يعيش تحت حصار ظالم وخانق والأوضاع الإقتصادية والمعيشية تحت الصفر ولا يٌخفى على أحد ان هناك عائلات وأسر فقيرة لا تملك قوت يومها واحياناً لا يملكو شربة ماء ولكن للأسف الشديد هده الأسر الفقيرة والمستورة والعفيفة النفس لا تفعل هده الأمور ولا تحاول دغدغة مشاعر الأخرين والإيقاع بهم من خلال إيثارة شفقتهم هناك من يستغل الأوضاع السيئة في تمرير مخططاته الشيطانية وتحقيق مأربة وأهدافه الدنيئة فنسمع عن هده القصص ونرى تلك الوقاحات كلمة اخيرة اود ان اقولها بالموضوع هناك الكثير من القافلات الإنسانية التي تأتي لقطاع غزة لمساعدة المحتاجين والفقراء نحن نسمع عنها بالأخبار ونجدها تٌباع بالأسواق يعني اصحاب الجميعات الخيرية والإنسانية واصحاب السلطة والنفود حرامية لهيك لا تستغربي من انتشار متل هيك حالات |
| الساعة الآن 03:55 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.