منتديات بنات فلسطين - لو عايزه تهربي العريس تعالي وانا بفهمك

https://i.ytimg.com/vi/ooowtdwvHcs/hqdefault.jpg

لو عايزه تهربي العريس تعالي وانا بفهمك
نبدأ الخطة والتكتيك
ما تبيني لاهلك انك مش رضيانه
عشان يزبط الفلم والاكشن
من يوم ما تعرفي انه بدو ييجي
لحتى تاريخ اليوم المشؤوم
اوعي تتحممي خلي الروايح تهلهل ههههههه
من الصبح فيقي وبلشي افرمي بصل
وقشري توم وكتري منهم
طبعا انتي بتساعدي الماما يعني
فش حدا رح يشك فيكي
طبعا اليوم جاي العريس والطاقم المرافق اله
عشان يشوفو عروس الغفله الاموره
بتضلي نايمه لقبل الموعد بساعه
ولا كانه في اشي وانك مبسوطه وموافقه
والامور ماشيه تمام وما حدا يشك فيكِ
اجو اهل العريس بتفوتي بتتأنزعي بمشيتك
وبتسلمي على امه ببرود بطرف ايدك
وبتسحبيها بسرعه كانك قرفانه منها
وبتضلي رايحه على على غرفتك
ال يعني عشان تزبطي حالك
وهلا منيجي للميك أب
عشان احلا مناسبه
الكحل حلو بخلي العيون بجننو
بس خلي الكحل في عين اكتر من التانيه
وهي بتضمني انهم يشوفوكي حوله رسمي
كريم الاساس حطيه بس عالشفايف
عشان يبان معك فقر دم
يا عيني عليكي مسكينه
الشادو طبعا بخبي بلاوي من العآهات
احنا بدنا البلاوي تظهر
عشان هيك كتري الشادو الاسود
واخلطيه مع شادو اصفر
رح يطلع اويز
متل السخله الي راجعه من السفر
هيك ببين انه عندك كوليرا او بلهارسيا
هلا اللبس بدنا احلى موديل
اخضر على لون الخيار
وبلوزه حمرا على لون الحب
يعني الوان الطيف
والبسي شاله ستك فكيزه
الي من الف وتسع مية وخشبه
من العصر الطباشيري الحجري
رح تطلعي توووحفه
هلا بتروحي عالمطبخ عشان تجيبي القهوه
وارجعي وامشي بكل ثقه عند العريس واهله
لا تعملي فيها ثقه كتير بلاش ابو العريس
يقول هالبنت خبره ليش طيب طفشو العرسان الي قبل ابني
ويلعب الفار في عبه
احنا بدنا الفار يلعب في عب العريس نفسه
امسكي صينة القهوه اطلعي بعيون العريس واجحريه
واضربيه هديك النظره الثاقبه
واحولي بعيونك وارفعي حواجبك لفوق متل ام فوزي
هيك بكون اكل المقلب وصابته صدمه من اول نظره
هلا رح ينسى القهوه من هول ما رأى
وحيقول شو هالمصيبه هاي
روحي غرفتك وزبطي شعراتك خليهم طايرين بالهوا
متل شجره البلوط وقت هبوب الريح
وتعالي اقعدي جبم ام العريس
وبلشي اهرشي براسك هرش هرش
تخيلي في حديقه من البق والسيبان في راسك
لو عرفتي تعملي كل شي تمام
انا بأكدلك رح تسمعي منهم كلهم
يلاااااا قوموو
وابوكي بحكيلهم بدري يا جماعه شرفتونا
وهيك العريس واهله فلسعوو وطاروو
شو هالعروس منيله بستين نيله
طيب افرضي كل المواصفات الي عندك عجبت العريس
لانه مو راضي حدا يعطيه شو بدك تعملي
هيك بتكون الخطه ما نفعت معه
رح اعملك طبخه تانيه ونشوف حل جديد لمشكلتك
او احكيلك
اتزوجيه وتوكلي على الله هو في عرسان اليوم
الله يستر عليكي وعلينا
ههههههههه
https://pbs.twimg.com/profile_images...a_400x400.jpeg