|
معاناتي مع الحمام ايام الطفوله لما كنا ازغار كنا نكره الحمام ليش ؟؟؟ لانه أمهاتنا الله يرحمهم والعايشات الله يطول بعمرهم كانو يعذبونا تعذيب لما يحممونا .. الله العليم لما تقولي قوم عالحمام أنصرع من الخوف .. تقول قط محشور بغرفه تبدأ رحلة العذاب من تشليح الاواعي .. تشلحني البلوزه تقول بتنتّف بريش جاجه .. وآذاني كل أذن بجهه . طول ما بتتحمم بدك تظل قاعد مفحج .. طيب يما والله رجليّ وجّعوني .. عالسريع بتناولني كف وبتقولي سكّر ثمّك .. بالنسبه للميّة لازم تكون تحت درجة الغليان بنتفة . يا يُما لحمي ذاب ( انسلخت ) !! بيجي الكف الثاني .. لما تفرك راسي اقسم بالله تقول بتفرك بمصباح علاء الدين عشان تطلّع المارد وراسي بلولح يمين ويسار تقول دالية أيام الشتا مع هبوب الريح والمشكله لما ينزل صابون عوجهك وبدها تقيمه بتغير ملامح وجهك .. غير حرقة العينين المشكله إنها الصابونة ( المفتاحين أو الجمل النعامه ) أقسى من الحجر .. والفرك فيها الموت اهون منه نيجي لعند ما تمسك منخارك وتقولك " ننننفففففف يمآ بتصير تنف من آذانك .. لأنه كل مجاري التنفس مسكرة فقرة التلييف : ليفه اصليه تقول خريس سلكه بتمسك الليفة وبتفركها بالصابونة وهي تشد عليك تقول لحام بسن بسكاكينه للدبح طبعا ربنا حامينا .. والا فركها للجسم بجيب شلل رباعي .. طيب .. هدّي اشويّ يا حجه أنا حاسس كأنك بتبشري بجبنة .. طبعا الحمام بالدور .. والكبير قبل الزغير .. ولما أسمع اخوي الكبير ببكي وهي بتحممه .. أنا بالغرفة الثانية بصير أبكي من الخوف ونفسي اهرب من الدار بعد الحمام بتطلّع عحالك في المراية والبخار قاعد بطلع من جسمك كانك طنجرة ضغط مفتوحة . الاصابع بكونو مجعلكات ومطعوجات ولون جسمك أبيض واحمر من كثر الفرك . تعال لتلبيس الأواعي .. راسك قد قبة البلوزة خمس مرات وبدها تدخل راسك خاوه .. بتلبس أول بلوزه وثاني بلوزة .. ويا ويلك إذا فلتت الكم لما تقولك امسك كمّك مشان تلبسك لبلوزة الثانية . نيجي لتمشيط الشعر .. وحفاظا على تنظيف الراس من القمل والشوائب .. بتغرز المشط براسك وببلش الحراث وطبعا في احتمال إنه أسنان المشط يوصلو مخك _________________ الله يرحم هذيك الايام الي بضحك بكون مجرب نسيت اقول انه ما في دش الحمام من الطنجره أو التنكه مباشره هههههههههههه t140t140t140 |
هههههههههع الله كان يسترنا و الله كان عذاب بس لما نطلع بنكون جداد يسعدكك ههه |
هههههههههههههههههههه انا ما بتذكر صار معي هيك اشي ههههه عوافي مؤيد |
اقتباس:
ههههههههه من العيد للعيد يعني نورتِ ام الامير |
اقتباس:
خلص صدقتك مهو ايامنا ما كان في جاكوزي نورتي يافا |
هههههههههههههههههههههههههه ضحكتني من قلبي الوصف رهيب مش ع ايامي هاي الشغلات شكرا مؤيد |
اقتباس:
مهو ما في عندكم حمام تركي يوم التلاتا انا لحقت اواخره كانو يجتمعو النسوان كل تلاتا ويجيبو معهم جبنه اكل ومخلوطه وكنافه تقولي رايحين رحله والمشكله لما تحكي الام يا ام فلان خدي هالولد حمميه ههههههه هون تبلش المرحله التانيه من العزاب |
نسيت اهم مقوم من مقومات الحمام ببور الكاز الي كان يجيب طرش للواحد يقعد تلات ايام يسمع صوته براسه والله زر النيله بلا كلور بلا فانيش والصابونه النابلسيه الي غصب عن الدنيا لازم ترغي كيف بعرفش وشبشب البلاستك الي اذا احتجيت وانت تحت التعذيب قصدي وانت تتحمم يعمل اختام ع جنابك قال يامبرز وبودره وجاكوزي وبقولك واو الحياه أأسيه |
ههههههههههههههههههههههه والله بكيت انا وزوجي من الضحك نتذكر هذيك الايام ههههههه والله ايام راحت الله يرحمها ذكريات بتجنن ❤ |
ههههههعلشان هيك ابنى بيكره احممو بس بالاحدث ههههه فعلا والله تسلم ابو كريم امهاتنا قدوة بكل شى هههه |
| الساعة الآن 10:08 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.