|
لراغبي الفوز القصه الثانيه محقق كونان اعزائي الاعضاء نرفق لكم القصه الثانيه ارجو من جميع الاعضاء التفاعل والاجابه والتحليل وتجنب الاجابه المختصره والاعتماد على الذات :- في صباح يوم الثلاثاء جاء رجلٌ إلى قسم الشرطة يريد مقابلة المحقق احمد ، أُؤذن له بالدخول على المحقق . الرجل : صباح الخير ياحضرة المحقق . المحقق احمد : صباح الخير ياسيدي ، تفضل بالجلوس ....ياأبا احمد هات لنا كأسان من الشاي. خيراً إنشاء الله ياسيدي . الرجل : لقد سمعت إطلاق رصاص هذا الصباح في وقت مبكر في المنطقة الصناعية من البلدة والآن أنا جإت لأُبلغ عن ذلك . المحقق احمد : في أي ساعة بالضبط !! الرجل : تقريباً الساعة السادسة........................نعم السادسة تماماً . المحقق :آها نعم ، هيا بنا لنذهب إلى الموقع الذي سمعت فيه الإطلاق. # وصلوا جميعاً إلى موقع الإطلاق . قال المحقق احمد : من أين سمعت الصوت ....أقصد من أي جهة تقريباً ؟؟ الرجل : من هذه الجهة ....لا أدري ..بلى من هذه الجهة نعم نعم !! المحقق احمد : فتشوا في الجهات كلها وهذه الجهة جيداً ...هيا بسرعة ...حاولوا تغطية المنطقة كاملة . # بعد وقت ليس بالطويل ، جاء العريف وكان يحمل بيده شيئاً لم يستطيع المحقق التعرف عليه من بعد . العريف : سيدي لقد عثرنا على جثة وعثرنا على هذا المسدس بجوارها . المحقق احمد : أتصلوا على الإسعاف الآن ... بسرعة . # نظر المحقق في المسدس ، وأمعن النظر فيه ، وإلتفت إلى الرجل . الرجل : أتريد شيئاً مني ياحضرة المحقق ! المحقق احمد : بالطبع فنحن الآن أمام جريمة قتل وأنت الآن شاهد فيها. الرجل : شاهد كيف وأنا لم أرى القاتل . المحقق احمد : بلى رأيته ، ألم تنظر لنفسك في المرآة يوماً . الرجل : طبعاً . المحقق احمد : إذاً فقد رأيت القاتل . الرجل : أنا شاهد ولستُ قاتل .!! المحقق احمد : أنت الإثنان معاً . # وفي نهاية التحقيق أثبت أن الرجل هو القاتل وبإعترافه بعد مواجهته بالدليل القاطع. السؤال هو : _ كيف عرف المحقق احمد أن الرجل هو القاتل ، وكان متأكداً من إستنتاجه؟؟؟!!! القضيه بين ايديكم ارجو التحليل اقناع القارىء بالاجابه |
المحقق احمد : بلى رأيته ، ألم تنظر لنفسك في المرآة يوماً . الرجل : طبعاً . المحقق احمد : إذاً فقد رأيت القاتل . ... هاي الجملة غريبة ! حسب توقعاتي اللغز بهاي الجملة ما بعرف ممكن المسا ارجع و اعطي تحليل تحياتي لكك |
لأنه حدد التوقيت بالضبط الساعة 6 وعادة لما الواحد بيمر بظروف متل هي ما بيجي ع راسو انو يطلع ع الساعة ويحددها بهي الدقة ولأنه كمان حدد الاتجاه وبعدين خاف فرجع بكلامه وحدد اتجاه تاني ان شالله صح شكراً ميما |
يمكن من خلال بصمة الاصبع |
يلا بلشو حموا لبكره رح انزل بكره قصص واقعيه رح تكون صعبه |
اممم هو كان متلبك اصلا ومرة حكى انه ما بيعرف اي ساعة تم اطلاق النار وبعدها حدد الساعة تماما ولما اخدوا يحددو جهة الصوت برضو اولها تردد وبعدها حدد من وين كيف بده يعرف اي ساعة والجهة ازا مش هو القاتل وفي هون شغلة لفتتني نظر المحقق في المسدس ، وأمعن النظر فيه ، وإلتفت إلى الرجل . شاف المحقق شي ع المسدس اكد انه هالشب هو القاتل والمحقق بالعادة ما بيتهم حد الا ليكون متأكد بس ما بعرف شو الشي الي ممكن شافه بانتظار التحليل الصح |
ليكون المسدس فيه كاتم للصوت وهو حكاله طلع الصوت من هاي الجهه والا كيف عرف انه هو القاتل محقق شاطر وذكي والقاتل اهبل انا هيك باعتقادي ان شاء الله يطلع صح |
كل الدلائل بدل ع انه هو القاتل من خلال اجوبته وكأنه بس بده بس يدلهم على مكان الضحية مثلا لما سأله المحقق اي ساعة سمع الرصاصة وجاوب عليه الرجل هون الرجل : تقريباً الساعة السادسة........................نعم السادسة تماماً عامل حاله مش عارف اي ساعه وبعدين بأكد كلامه كأنه الواحد وقت ما يسمع صوت طخ بروح بطلع ع الساعه ويعرف الوقت بالزبط شو هو مش بكون يعني ملبك وبحاول يعرف شو يلي صار جوابه التاني لما سأله المحقق عن الجهة يلي سمع منها الصوت الرجل : من هذه الجهة ....لا أدري ..بلى من هذه الجهة نعم نعم !! كمان اتردد بالاجابة وبعدين اكدها عند الساعة السادسة صباحا يكون وقت كتير بدري ما في ضجة بالمكان صوت الرصاصة بكون الها صدى وصعب جدا تحدد الجهة يلي جاي منها الصوت من الجملتين السابقين عرف المحقق انه عم يكذب والجمله هاي بنظري اهم شي بكل الموضوع ويلي من خلالها عرف المحقق انه هو القاتل نظر المحقق في المسدس ، وأمعن النظر فيه ، وإلتفت إلى الرجل وبعتقد يلي اكتشفه المحقق انه المسدس كاتم للصوت هيك تحليلي للقضية |
ما شفت شو كتبت مؤيد الي ساعه بكتب وبحلل وجوابنا نزل بنفس الوقت ههههه |
هههههههه تحليلك حلو لونلي بس انا بعتقد سبقتك متل ما سبقتك ميما خلي الجواب عند المحامي بس كمان ما رح يروح تعبك هيك |
للامانه بقرأ بالاجوبه بلمس فيها بصمات ذاتيه بغض النظر عن صحه الجواب من عدمه كلمه تقال ميما ،مؤيد ،لورنلي تستحقوا لقب محققين |
طب كيف عرفتو انه كاتم صوت في شي بدل ع هيك بالقصة ! |
اقتباس:
مين قلك كاتم صوت خلينا نشوف ابداعات البقيه |
مهو بدي جواب منهم مش منك انه ع اي اساس حكو كاتم صوت اطالب بتوضيح لو سمحتو هههه |
اقتباس:
انا طول عمري بحب التحقيقات في الجرائم وهيك امور وكان نفسي ادرس تحقيق جنائي لكن للاسف في القدس وتحت الاحتلال ما بزبط هالشي لهيك عدلت عن دراستها ودرست شي تاني |
اقتباس:
|
اقتباس:
بكره بشوف اذا بتقدري تحلي القصه الواقعيه رح اطرح قضيه مسكتها من فتره استدعيت احد شهود الاثبات سالتو سؤال جواب السؤال كان براءه المتهم اشوف مين رح يعرف السؤال بس للامانه خلي رأسك يكبر بطلعلك تحليلاتك ممتازة جدا |
اقتباس:
ما رح يكبر |
أحكيلك والله قبل ما اقرا الرد بدي اكتب نفس الجواب أحكيلك خلي الاجوبه خاص وبعد فتره نزل الاجوبه هيك ما اخذنا وقتنا |
اقتباس:
|
عزائي الاعضاء بعد ان اطلعنا على ما قدمه ثله من الاعضاء المميزين وقبل ان نجيب عن الاسئله وبيان الفائز لفت انتباهي عدة ملاحظات وهي :- 1- ما زال بعض الاعضاء يحتفظون بمستوى عال من القدره على التحري والتحليل وخاصه ,ميما ,مؤيد ,لونلي اذ اثبتو للمره الثانيه قدرتهم المعتمده على مجهود ذاتي على تحليل وقائع القصتين وحل المساله المطلوبه مع بيان الاسباب التي دفعتهم الى النتيجه . 2- اتمنى من بقيه الاعضاء التفاعل والمشاركه فالغرض من القصه ليس الفوز وانما التفاعل ومعرفه اكثرنا قدره على التحليل . 3- بناءاً على رغبه الاداره وبعض الاعضاء سابدأ بسرد قصص واقعيه لكي يتسنى للجميع البحث عن النتيجه بمجهود ذاتي . الاجابه على القصه :هي ان المسدس كان مزود بكاتم الصوت ورداً على استفسار الاخت ميما كيف تم استنتاج ذلك هو :نظر المحقق في المسدس ، وأمعن النظر فيه ، وإلتفت إلى الرجل . الفائز هو : لونلي هارد ارجو من الاداره اغلاق القصه وساقوم بعرض قصه واقعيه جديده بعد قليل : |
انا جاوبت قبلها محمد ركب نظارات ههههههههه ولا يهمك مبروك لونلي تحليلها مستفيض وجميل يغلق للانتهاء |
| الساعة الآن 04:54 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.