| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
البنت جعفر ما في مستحيل في الحياه
اصلاً عادي انا بحب ينادوني جعفر اه والله قد ماكنت اكرهه هاللقب صرت احبو ! بتعرفو ليش ؟لاني صرت اعرف مين انا وواثقه بحالي ومو اي كلمه صارت تأثر في
 |
| | LinkBack | أدوات الموضوع | انواع عرض الموضوع |
|
#1
07-15-2017
| ||||||||||||||
| ||||||||||||||
البنت جعفر ما في مستحيل في الحياه اصلاً عادي انا بحب ينادوني جعفر اه والله قد ماكنت اكرهه هاللقب صرت احبو ! بتعرفو ليش ؟لاني صرت اعرف مين انا وواثقه بحالي ومو اي كلمه صارت تأثر في انا وعيت هو صحيح الواحد بطول ليفهم بس مصيرك تفهم انا اسمي رشا عمري حالياً 24 مابدي ادخل بتفاصيل شو بشتغل او دراستي لقدام بتعرفو بنرجع بالوقت لعمر 16 يعني قبل 8 سنين لما كنا عايشين مع ابوي الي مجوز غير امي وحده ثانيه طبعاً انا وامي وجودنا وعدمو واحد ابوي مش شايفنا ولابهتملنا بسبب انو امي ماخلفت غيري وطبعاً انا ما عمري عجبتو بسبب لون بشرتي السمراء وماعندي جمال مثل اولادو وبناتو الي من المره الثانيه الكل يعلق علي من مانولدت يعني منبذوه ماحدا من الولاد كان يرضى يلعب معي بس كنت اقرب روحي ياسوداء هسا بتوسخينا اروح على البيت وانا اعيط الاقي امي ارمي حالي بحضنها يما ليش مابحبوني ليش مابدهم يلعبو معي ليش بحكو عني وسخه انا غسلت ايدي ! كانت دايماٌ تجاوبني نفس الاجابه ! همه مابيشوفو يابنتي ؟ انا لا يايما والله بشوفو لا مابشوفو لو بشوفو كان شافو قلبك الابيض همه بس بشوفو بعيونهم اما قلوبهم فاضيه او ماعندهم احساس الي بشوفك بقلبو هو الوحيد الي بشوف ضلك متذكره هالحكي بس خلص قلبك لما ينجرح من اقرب الناس وخاصه ابوك الي مابيرضى يقرب عليك ولايحكي معك ولايسألك لما كان يقعد مع اولادو ويضحكو وصوت ضحكتهم توصل للغرفه الي عايشه فيها انا وامي كنت احكي هو ليش مابكون معنا هيك بس بعد ماكبرت بطلت اسأل لما صرت اشوف دمعه امي وهو بدلع بمرته ثانيه كرهتو كرهتو من جوا قلبي كان عايش حياته ولاكأنه موجودين يرمي علينا مبلغ بتصرفو بنتو بطلعه بس يجي دورنا يبطل معو ! مع ذلك انا وامي كنا راضيين وانا ماشفت بحياتي مره مثل امي وماشفت بقناعتها وطيبة قلبها قديش عمل فيها كانت تضل ساكته وماترضى تدعي لا وحتى انا لما ابلش احكي كانت تسكتني تحكيلي عيب ابوكي ! ضلك احكي ابوي هذا ابو بعمل هيك ؟ حتى عندي 3 خوات ولاكأنهم خواتي عدواتي يضلو يتمسخرو بس اروح ع المدرسه اجت السمراء رورحت السمراء مصدقه حالها بتدرس ولك انتي سمراء ليش بتدرسي مابقبلوكي بالجامعه ويضحكو البنات علي وانا زي الهبله اه هبلا اقعد اضل اعيط واتحسر واكرهه بحالي حتى وجهي كنت ماطلع عليه بالمراي واقعد بزاويه اعيط قال مارح يقبلوني بالجامعه لاني سمراء ؟ صار عمري 17 وصار لازم اتقدم للتوجيهي امي كانت حاطه كل املها فيي تضل تحكيلي انجحي انجحي مشان تطلعي من هون لاتضلي مثلي امسكي بهالخيط واوعك تتركي لو تركتي بعمرك مارح ترجعي تمسكي وكنت حاطه كلامها بعقلي واعطيتها وعد انجح ونطلع انا وياها مو لحالي وحطيت تخصص علمي كان رغبت امي اصير دكتوره وبنفس الوقت بنت ابوي قدي هي طلعت ماكملت زي خواتها لما رجعت كملت شطف عن امي الي قايمه بالبيت وقتها طلعو مع امهم شو يارشا مكمله توجيهي ويضحكو مصدقه حالها هالسوداء جعفر تنجح ياحرام شكلها بتحلم كثير هي مسكة دلو المي ورمتو علي اصحي ياجعفر للواقع تحلميش اخريتك تنظيف زي امك وافركي منيح هناك / مش حكيت عدوات هذول! بس انا بحب اشكرها هي فعلاً صحتني مانسيت لشقة المي كل ماكنت ايأس واقعد اعيط ارجع اكمل واكمل تحولت احلامي بس منافسه اثبتلهم اني بنجح وخاصه ابوي الي قال انا مالي دخل فيها مش بكره تبلوني ادفع للجامعه ! سمعتو لما حكى لاامي هيك وثاني يوم امي كانت جايبتلي الكتب وتحكيلي ابوكي جابهم بتضحك علي ،،، لا ماجابهن انتي الي جبتيهم هالمره شو بعتي لتصرفي علي وارجع ابلش الموال واقعد اعيط ! وارجع اقوم ادرس ويضل الكرهه بقلبي يكبر اتجاههم ليوم نتائج الي نجحت في بتذكر وقتها رحت على المدرسه ركض اشوف ناجح اولا بس كنت عارفه من جوا اني ناجحه الله مابضيع تعب حدا لقيت حالي بقائمة الاوائل اول اشي 96 هو اناا ماتوقعت هيك اجيب وماحدا كان متوقع بس حلو لقب السمراء جابتها الاولى اه والله حلو الانتصار بس بعدنا ببداية طريق ماشافو اشي ابوي ضل صافن وعيلتو بذكر بوقتها نامو بكير ابصر مالهم كانت امي ناويه تعملي حفله بس ماقبلت انا ماعندي صاحبات ولاحدا يجي علي وحتى ادفع امي مبلغ مشان انبسط ؟ خلص بكفي وجودك معي يما والله بكفي مرت فتره وصار القبول بجامعات وانا رحت اول مره ضعت كنت اشوف كل ابو جايب بنتو او ابنو معو وبسجلو انا راحت معي امي لما طلعلي طب امي بطلت تسيطر ع حالها قعدت وصارت تعيط وتحكيلي والله رفعتي راسي وحققتي حلمي / لا يما بعدني بأول طريق مابتعرفي اذا بقبلوني؟ هي لا انتي قدها وشو ماصار رح تكملي دخلت جامعه وابوي مادفع علي ولاقرش امي كان معها قلاده ذهب باعتها بدون مااعرف واعطتني المصاري ادفع انقهرت وقتها كيف هو برمي بالمصاري ع ولادو وانا مارضي يدرسني بس صار حمل علي اذا بصير اشي و بطلع من جامعه غير اموت من القهر لانو هاي اخر قطعه من ذهب امي ضل كل همي الدراسة ماتعرفت ع حدا لا لانو مابعرف يمكن كنت ماخذه فكره انو ناس بتبعد عني من شكلي ! وقتها دروت ع شغل مسائي اصير اجلي بمطعم لما صرت اتاخر بنات ابوي طلعو حكي اني بروح مع شباب وابوي صدقهم وطرنا من دار تخيلو بنص الليل قال ماعندو بنات مثلي يوسخو سمعتو امي الا اشوي كان رح يصير فيها اشي ماكان النا خيار الا خالي قعدنا عندو كم يوم وتحملنا بس لمتى يتحمل من حالي رحت دورت ع غرفه بس مشان نعيش فيها ومانثقل ع حدا لقيت بعد الف مرمطه غرفه ودفعت من شغلي وقعدنا فيها بطلت انام الليل اتحولت رجل الي شغل دراسة بليل اضل صاحيه ادرس اركض ع جامعه مشان ماتاخر ادور ع شغل اضافي اهم اشي ماخلي امي تعتاز اشي لانو هي ماحرمتني وانا صغيره من اشي بعد فتره اسمعنا انو بنتو لاابوي رايحه مع شب بسياره وحاطه سمعتو بالارض ماحكيت الا كما تدين تدان ،، بعد الف شغله جمعت مبلغ وطلعت بدار اكبر لانو متنا من الرطوبه والعفن وامي مره كبيره مرق 5 سنين وانا بجامعه وصار لازم اتدرب بمستشفى ! هناك كان تغيير بحياتي لما تعرفت ع مؤيد الي خلاني ارجع اثق بحالي هو حلو كثير كان محبوب بالمستشفى وكل بنت تحاول معو بس هو ثقيل ماكان ينتبه لحدا صرت اتدرب عندو اول اشي ماكان يحكي معي بالمره يعاملني زيي زي غيري بعدين بيوم لما صرت بدي اروح لاني تاخرت ع شغلي وهاي مش اول مره لانه هددني رح يطردني اذا ماجيت ع موعد انا حكيتلو /هو من باب للفضول شو بتشتغلي؟ انا بجلي هو ضحك بتجلي بالدار امك بدها اياكي انا لا انا بشتغل بمطعم ،،صفن وحكى دكتوره وبتشتغلي ليش رديت عليه هيك الحياه بدها )وروحت ! بعد كم يوم وانا بالمستشفى كان في ولد صار يأشر علي ويحكي ماما شوفي هاي المره سمراء كثير انا ماقدرت وقتها كنت ميته تعب تعبانه ع قد مااشتغلت رحت قعدت وصرت اعيط بغرفه لحالي فجاه اندق الباب كان مؤيد انا مسحت دموعي وقمت دكتور انا اسفه تاخرت هو لاعادي بس ليش بتعيطي ليكون من الي حكاه الولد ! انا لا هو لااه قومي امسحي دموعك شكلك مابتطلعي على مرايه وع جمالك انا والله انصدمت اول مره حدا بحكيلي هيك كلام حلو بس مابنكر اني انبسطت وقتها كلمه حلوه بترفعك للسماء كملت اليوم وانا مبسوطه وكاني ماتعبت مر شهر كامل وصار لازم اتدرب عند حدا ثاني وقتها دكتور صار يحكيلي اعطيني رقم ابوكي انا سكتت طيب معك رقم امك ؟ حكيتلو اكيد معي ليش هالسؤال ! حكالي هاتي وراح بعد اسبوعين روحت من شغلي لقيتو قاعد مع امي اول اشي تفاجئت بعدين عرفت انو جاي يطلبني انا راح كل تفكيري انو شفقان علي عشان هو حلو وانا لا وبس طلع الحقتو بحكيلو شفقان علي؟ هو مين حكى انا بدي اياكي ليش بدك مثلي انت حلو والف وحده بتتمناك هو بس انا بتمناكي انتي انا قلبت زر بندوره بطلت اعرف ارد هو وبالمناسبه ترا والله لو الف العالم مااشفت احلا منك وحكيت لاامك فتت ع امي لقيتها مبسوطه وبتحكيلي شفتي الناس الي بشوفو بقلوبهم ؟ حكيتلك انتي روحك ا حلا من الف وجه ! وهو فعلاً كان محسسني اني ملكه بتعاملو معي دلالاني دلال عوضني عن كل تعب الي شفتو بحياتي وحتى امي صار يحكيلها ماما اما عيلة ابوي اخر مره سمعنا عنهم كان ابوي مراهن ع دار بالقمار وخسرها والعيله تفككت بعد ما بنتو حطت راسو بالارض ومره شافني بس كان بالمستشفى وصار يحكيلي يابنتي يادكتوره ؟ قلتلو عفواً بعرفك ياعمو مين حضرتك ؟؟؟ الله عوضني بأنسان شاف جمال روحي قبل وجهي وعوضني بالتعب الي تعبتو انا وامي وهي صرت دكتوره وعرسي رح يكون بعد 4 شهور أنا لا أؤمن بكلمة مستحيل لأنها ليست مذكورة في القرآن أنا أؤمن بكلمة إن الله على كل شيء قدير لِ رهف_فريحات المصدر: منتديات بنات فلسطين - من قسم: قصص أدبية , روايات , حكايات , تاريخ الأدب والأدباء hgfkj [utv lh td lsjpdg hgpdhi gh  |
|
07-15-2017
| #2 | |
  
 |
نعم أن الله ع كل شيء قدبر كلام الناس بدمر حياة اشخاص ولكن الشاطر يلي ما بيهتم علشان يعيش قصة جميلة جدا سلمت يداك دمت بخير مؤيد | |
| |
|
07-15-2017
| #3 | |
| صراحةً قصة جميلة جدا جدا .. ولها كتير من العبر .. أشكرك علي القصة مؤيد .. هه اسمك بالقصة طلعت هه يعطيك العافيه دمت بود | |
 |
|
07-15-2017
| #4 | |
|
ما في شي مستحيل قصصة جميلة جدا اشكرك ع الادراج ودي | |
| |
|
07-15-2017
| #6 | ||
| اقتباس:
ولا انسان كامل خالي من العيوب والي موجود عندك يمكن مفقود عن غيرك والعكس صحيح اشكرك للمرور ابتسامه نورتِ | ||
| |
|
07-15-2017
| #7 | ||
| اقتباس:
ما حطيت اسمي هيك القصه موجوده ههههههههه يسعدك ربي محمد نورت يا طيب | ||
| |
|
07-15-2017
| #8 | ||
| اقتباس:
نورتِ ميما اهلا بحضورك | ||
| |
|
07-15-2017
| #9 | ||
| اقتباس:
يسعدك ربي خيتي نورتِ يا طيبه | ||
| |
|
07-15-2017
| #10 | |
 
|
القصة رآئعة جداً كتير حبيتهآ و حلوو الإنسآن يتعلم العبر منهآ و فعلاً مآ في شي مستحيل الجمآل مش كل شي و ربنآ ازآ اخد شغلة بعضو عنهآ تحيآتي | |
| |
|
| الكلمات الدلالية (Tags) |
| لا, مستحيل, البنت, الحياه, جعفر |
« قصة اليوم : ‘المليونير الذي فاته القطار‘ .. انظروا كيف كانت نهايته!!
|
الصفقة الرابحة قصة في فصول الفصل الاول »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هل يغفر الرجل للمرأة ماضيها ؟؟ | عيون المها | الـטּـِقآشآتُ الجَّآدة والـפـوَآر..! | 5 | 08-24-2015 06:31 AM |
| إستشهاد الأسير جعفر عوض .. | ~ Mai ~ | ะ» فِلِسطِيـטּ وآلقَضِيـةٌ |▪●™ | 12 | 04-10-2015 06:15 PM |
| حكاية جعفر وقاسم | إبنة فلسطين | ะ» فِلِسطِيـטּ وآلقَضِيـةٌ |▪●™ | 9 | 09-03-2014 05:12 PM |
| الفرق بين البنت السورية-و البنت الفلسطينية 2013 | اسير بالوطن | النكت والطرائف | 12 | 01-08-2014 06:15 PM |
| طريقة عمل بوظة التوت والحبوب2014- خطوات عمل حلى التوت والحبوب | ناثرة الورد | װ..مطبخ بنات فلسطين]●ะ< | 7 | 10-08-2013 06:38 PM |
الساعة الآن 06:10 PM
