منتديات بنات فلسطين - بَثْ مُبآشر مِن قلبّيْ !

اليوم وأنا رايحة ع درس الفيزيآ أول يوم ، خطر ببالي كتير شغلات ، خطر ببالي كل حدا عم يراهن ع فشلي
ويقول " توجيهي صعب وإنتي عندك ضعف ملحوظ بالرياضيات من وين بدك تصيري دكتورة ؟ "
تذكرت كل حدا عم يقول " والله لتكوني من أوائل قطاع غزة وأنا رح يكون عندي دوشة يوم توجيهي تبعك هههه "
فكرت كتييير بشغلات ، فكرت كيف سنة كاملة بس بتكون أملك ع ربك وع دراستكك ، فكرت بكتير حاجات مكنتش شيفاها قبل،
تذكرت الأستاذ فتحي كلوب لما حكالي إنه " تسنيم لا يتحكم فيها رجل طاغي "
و تذكرت الأستاذ مجدي لما ضحك وحكا
" إنتي الإنسان الناقص الوحيد الكامل بنظري ! " وإجا ببالي مس أسماء لما حكتلي " لازم تكوني محامية إنتي يلي متلك برجعو الحق لأصحابو " تذكرت كل حدا بحبني حكالي " رح تكوني دكتورة مخ وأعصاب مجنونة رسمي ههههه "
حسيت إنه لأ !
إنه الحياة مش مجرد مشاعر جواتي أساسها كله احتياج وملأ للفراغ ، الحياة مش مجرد سرير دافي و رغبة جوانا ،
الحياة مش مجرد أكل ونوم ولعب ونت .. الحياة مش مجرد أحلام غبية ،
الحياة بأول رواية رح تنشرها ، بريحة الورق لما تشمو وهو جديد ويكون من كتابتك ،
الحياة بأول مرافعة قانون قدام قاضي وأنا برجع حق إم ضاع مع زحمة الحياة ، الحياة بأول عملية أورام في الدماغ
رح أعملها لشب بتستناه حبيبته وإمه وأهله يمسك إيدي ويقول " شكراً إنك عاطيتني حياة "
الحياة وأنا بأسجل أوراقي لكلية الطب أو المحاماة ، الحياة لما أشتري أول شال للجامعة ، الحياة لما أفرح ، أفرح لحالي ..
لحالي وعشآني أنآ بس .. عشآن محدش بحبني قدي ، محدش جبني زيي ، محدش معي غيري ،
الحياة لما ينادو طلو الغوالي لأهلي بيوم التكريم ، الحياة شَرف .. مَجد .. سمآ .. حرية !
توجيهي أكبر تحدي إلك ولقلبك ولأحلامك ، توجيهي أكتر شي لازم تحطو قدامك لتقدر تكفي ،
توجيهي حياة .. أه حياة ومبالغش أبداً ، توجيهي إشي عظيم كتير .. متل الجسر يلي رح يورجيك الوجه التاني للعالم ،
التوجيهي لما الأستاذ إيهاب و بشير آخر السنة يضحكو ويقولو هادي كانت طالبة عندي ،
أنا مش ضعيفة بالرياضيات ، أنا فهمي مش بطيء بالفيزيا ، أنا قد كل الأوائل ، أنا بعرف ربنا منيح كتير..
الطريق يلي بمشيها لأوصل عنده حفظاها كتير مرقتها قبل هيك،،وهالمرة رح أمرق فيها وأضيع حالي هناك !
أنا الأولى ورح أضل بس لشغلة وحدة .. لأنه أنا هيك ، أنا وطن ، أنا مش مجرد إنسانة عادية ..ومش مبالغ أو بمحدح او طماعة بحالي ،
أنا وطن حنون وامرأة رائعة .. أنا مش مجرد ورقة ع تقوم ، أو تاريخ بالسجلات ، أنا الدكتورة و المحامية والناقدة والكاتبة ،
أنا إللي بقدر أكون أم و عيلة .. أنا إللي محدا متلي ،أنا الخسارة الوحيدة،ومش مهم إزا هلأ أو بعدين الناس تعرف..
المهم إنه بس أتطلع ع حالي بالمراي رح ضل قول بعد مليون سنة " تسنيم متل السمآ وأعلى ! "

توجيهي حبيبي http://www.bntpal.com/vb/img/bntpal_1502646315_897.png