منتديات بنات فلسطين - الكلمة الحلوة بتلاقيها بآخرتك

لما تشوف زفة عرس 👰 مرت في الشارع او من باب بيتك صلَّ على النبي وقول الله يبارك إلهم ويجمع بينهم على كل خير❤
♡♡

ولما تشوف أب مروح أخر النهار تعبان والشغل هاد حيله وحامل كيس خبز وثلاث كياس خضار سود وماشي فقول : يارب باركله بخبزاته واطرح الشبع بمعدة أولاده😊

♡♡
لما تشوف مره حامل ! ابتسم وقول الله يجعل ذريتها صالحه 💐

♡♡
لما تخلص معاملتك وتلتفت مشان تطلع وتترك وراك طابور .."عملاق"..احكي.."يارب تتيسر معكم وتخلصو مثل ما خلصت"☺

♡♡
لما تدفى بالليل ..قبل ما تنام ..خد نفس وقول..يارب....دفّي كل المسلمين❤

♡♡
لما تطلع من عند دكتور ويحكيلك انو وضعك اتحسن
ادعي ربك يشافي كل مريض🌸

♡♡
ولما ترجع على بيتك وتلاقي امك محضرة الأكل ! ابتسم ! وقول يا رب الله لا يحرمني منها وادعي لكل أمهات المسلمين

♡♡
ولما تمر جنازة أقرأ لصاحبها الفاتحه وادعيلوا بالرحمه❤

♡♡
ما بتعرف شو هاي الدعوة شو بتعمل !
يمكن ترد عنك مصيبة !
يمكن تفكلك أزمه !
يمكن تشفي امك او ابنك
رح تتفاجئ يوم القيامة...بالزفة ، وأبو العيال ، وطابور البنك ، والجنين ...ببتسمولك..وبيهدوك..حسنات وبيدعولك !

خلي لسانك دايما ينطق بالخير للمسلمين وربنا رح يردلك الخير ^^😍
الحبيب المصطفى بقول "
دَعْوَةُ المَرْءِ المُسْلِمِ لأَخِيهِ بِظَهْرِ الغَيْبِ مُسْتَجَابَةٌ عِنْدَ رَأْسِهِ مَلَكٌ مُوَكَّلٌ، كُلَّمَا دَعَا لأَخِيهِ بِخَيْرٍ قَالَ المَلَكُ المُوَكَّلُ بِهِ: آمِينَ وَلَكَ بِمِثْلٍ "

لا تنسوني بدعوه :)♥♥