لا تزعل
 

*إذا استطعت قراءتها بصوت طفلة بريئة ، فافعل" :58:


كتير مرات بقعد بيني وبين حالي وبسألها ، لي نحن بنزعل لما حد بنحبه يموت ، إنو نحن هيك هيك شوي وراح نشوفه ، حتى لو الشوي هاي كانت 50 أو 60 سنة ، مش بالنهاية راح نشوفه ؟ نفترض إنو راح اشتغل بمكان بعيد عنا وما عنده انترنت يحاكينا ، نفس الشي والله.
وكمان ممكن إنو جسمه يتحول لشي حلو يضل معنا كتير ، مش ممكن ينبت منه وردة تخلي هالدنيا أحلى ، أو ممكن يعطينا شجرة الناس بعد أكم سنة يتخبوا بظلها والعصافير توكل منها ، وحتى ممكن بعد فترة طويلة طويلة يتحول لنفط ، النفط اللي كتير حروب قامت وآلاف الناس ماتت عشانه ، والله عز لو يتحول لنفط.
طيب مش ممكن كمان يعطينا هاد اللي اسمو غاز الهيليوم لما يتحلل ونستخدم هاد الهيليوم ببلون وينبسط عليه ولد صغير ، أو حتى يعطينا غاز النيتروجين والعلماء يستخدموه بالأدوية زي ما حكولنا بالمدرسة ، وينقذوا أحباب لناس تانية ما بقدروا يتحملوا زعل خسارة حد بحبوه.
والله الموت مش النهاية ، الموت بداية لشي حلو كثير ، وممكن يكون بداية لحياة ناس تانية ، بس نحن أنانيين بدنا اللي نحبهم يضلوا معنا عطول وما يفيدوا غيرنا.




:81:

ادراج جميل
ما ننحرم

طولي بالك انتي

وينو الرمز هاد :)


عووافي هبوش

كلنآ الها ..
لآ تزعل ع غآلي ..
عند ربو الواحد أحسنله ..
ربنآ يرحم جميع أمواتنا ..
الدنيآ مش كبيرة إلا بنظر يلي سايق حالو فيها وعاجبته
ان شاء الله ربنا بيجمعنا بأحبابنا وكل مين فقدنا بالاآخرة
بالجنة

اهلا وسهلا يا حج
نورت

حضورك أجمل
نورتي ♥

ههههههههههههههه
نسيتو :89:

يعافيك يا حج
نورت