عطرينا بأنوثتك / لقائي مع اميرآت بنآت فلسطين ~

03-30-2017

اقتباس:

المشاركة الأصلية كتبت بواسطة lonely heart

- اوصفي طفولتك كيف كانت ؟
كانت طفوله حلوه كتير وسعيده استمتعت فيها وعشتها بكل ما فيها
كانت احلى مرحلة بحياتي

- شخصيه كرتونيه كنتٍ تحبينه ؟
سالي /فله / ريمي / ساندي بل / كونان / الجاسوسات

- موقف حصل بطفولتك ومانسيتيه ؟
مرة وانا صغيره كنا رايحين على يافا وبالوقت يلي كانوا اهلي بعملوا اكل
كنت براقب قطه وصرت الحقها واجري وراها بدي امسكها
بعدت عن اهلي كتير وضعت عنهم وصرت ابكي
تلموا علي الناس واجت الشرطه قرروا ياخدوني معهم لقسم الشرطه خفت كتير وصرت اصرخ واعيط اكتر واحكيلهم بدي ماما
المهم لحظة ما كانوا بدهم يدخلوني السياره شافني اخوي وما صدقت شفته انبسطت كتير
كله من القطط هههه

- صديقات الطفولة .. هل لهن مكان في حياتك الان ؟
في عندي صديقة من الطفولة وهي ينت جيرانا ولحد الان نحنا اصدقاء وفي بيناتنا تواصل

- هل كنتي مهتمة ب الميك اب والآناقة بطفولتك ؟
الميك اب لا
بس كنت احب اهتم باناقتي من صغري ع قولت ماما كنت كتير اضل اغير اواعيي واهتم بلبسي

\
صديقاآت حَوآآآءِ ❤

- هل وجدتي الصديقة التي تفهمك ؟
الحمد لله نعم

- كم عدد صديقاتك المقربين لديك ؟
تنتين

- صفه جميله في صديقتك ؟
انهم شخصيتهم قريبة من شخصيتي وبفهموني ومرحات ومخلصات وبحبوني ودايما واقفين معي

- هل تأمنين صديقتك على اسرارك الخاصه ؟
في بعض الاسرار بشاركها مع صديقة وفي اشيا بحب احتفظ فيها لنفسي وما بشاركها مع اي حد

\
عالم حواء الخاص
تسريحة حوا ء❤
ما في تسريحه معينه بحب شعري يكون منفول ما بحب اربطه

- ماهي مستحضراات التجميل التي تعتمدين عليها لتكمل جمالك كحواء ؟
اكتر شي بستعمل بدي لوشن بعد الحمام ومنظفات البشره

- هل تجيدين عمل الميك آب لنفسك في المناسبات الكبيرة ؟
ما بحب المكياج ونادرا جدا ما استعمله في المناسبات بس وبكون ناعم كتير

- هل تتبعين الموضه بكل حالاتها سواء مناسبه او غير مناسبة ؟
بحب الموضه وبتابعها لكن بلبس الشي اللي بلبقلي
/
سرير حواء ❤

- اشياء تفعليها قبل النوم ؟
بقرأ سورة الملك والواقعه واخر سورة الحشر وبعض الادعيه

- هل تقفين امام المراة بعد الاستيقاظ من النوم ؟
شي طبيعي المراي بتكون قدامي لما اغسل وجهي وافرشي اسناني

- ماذا يوجد عند طاولة سريرك ؟
روايات ومصحف ودبدوب وابجورة

- هل تنامي بالمكياج ؟
ما بستعمله لحتى انام فيه

\

اعماق حواء ❤

- لنختبئ قليلا خلف الاسوار ماالذي يربكك التفكير فيه ؟
لما ماما تتعب

- عندما تنظرين الى المستقبل البعيد كيف ترين نفسك ؟
انسانه ناجحه حققت الشي اللي كانت تحلم فيه

- ماهو أصعب إحساس واجهتيه في حياتك ؟
اصعب احساس كان يوم وفاة اختي

- متى تخفين دموعك ؟
للاسف دمعتي هينه بسرعه بتنزل ولو حاولت اخفيها بختنق فيها
صراحة ما بحب حد يشوفها بحاول ابعد لحتى ما حد يشوفني ببكي

- كيف هو الشعور حين تكونين حبيسة المنزل ؟
ملل وخنقة وضيق

- يقال ان حواء كتاب مفتوح ماهو تفسيرك لما يقال ؟
حواء كتاب مفتوح لمن فتحت له قلبها ويستطيع فهم مشاعرها

- ماهو السؤال الذي يحيرك ولا تجدي له إجابه ؟
كيف ممكن الرجل يحب اكتر من وحده بنفس الوقت

اذكري لنا حاجه في غرفتك ❤
ماتستغنين عنهاآ ~
سريري ومخدتي

تكرهينهاآ ~
ما في شي بكرهه بغرفتي

تحبينها ~
كل شي بحبه بغرفتي

رتبي الكلمات حسب الاهميه ❤

الميك آب - العطوووور - الجوال - الابتساامه - الأناقه - اللابتوب
الابتسامه
الاناقة
الموبايل
العطور
اللاب توب
الميك اب
\
مطبخ حواء ❤

- هل تجيدين الطبخ ؟
نعم بعرف اطبخ كتير شغلات

- ماهو اكثر طبق تجيدين عمله ؟
المقلوبه والمسخن

- مارأيك في هذه المقولة { اقرب طريق ل قلب الرجل معدته } ؟
مش الكل وما بتنطبق على الجميع

- نصيحة او كلمه توجهينها لحواء ..

كوني أنتِ ولا تحاولي تقليد غيرك تصرفي بلباقة وحافظي على نفسك وابتسامتك واناقتك وانوثتك
ولا تجعلي أحد يكسرك او بشعرك بالضعف
كوني قويه وواثقة بنفسك

كانت الاسئلة كتير حلوه وممتعه
شكرا حبيبتي ميما على الاستضافة الحلوه
والموضوع الجميل

حبييت اجاباتك كتير
بتدل ع شخصية واعية وفهمانة جدا
يسعدك ي ربي وينولك الي ببالك
بتشكرك لتواجدك ي اميرة
نورت

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
.Prt Sc لـ بنآت فلسطين ،،	وَطنْ،،!	ะ» رُكُن آلصۈرٍ ..!	3694	06-29-2020 09:58 PM
[ آسئلةة صريحةة ل شبآب و بنآت منتدى بنآت فلسطين ] ☺	Smile Nnoush	الـטּـِقآشآتُ الجَّآدة والـפـوَآر..!	49	06-24-2015 09:12 PM
~ Mai ~ .... سجين بنآت فلسطين	البريئة !	الـטּـِقآشآتُ الجَّآدة والـפـوَآر..!	46	03-07-2015 01:58 PM
نبض ... سجين بنآت فلسطين .~	البريئة !	الـטּـِقآشآتُ الجَّآدة والـפـوَآر..!	51	02-20-2015 11:13 PM
نبض ........ سجين بنآت فلسطين	البريئة !	الـטּـِقآشآتُ الجَّآدة والـפـوَآر..!	25	06-29-2014 04:49 AM