منتديات بنات فلسطين - نصيحتي لكم ..لا داعي للقلق

لا داعي. للقلق. - واحد ضل عزابي حوالي 8 سنين وأول ما إتزوج خلف على طول ، وواحد تاني إتزوج وخلف بعد 8 سنين زواج 😊
- واحد إتخرج وهو عمره 22 و استني 5 سنين عبال ما لقى شغل كويس ،
وواحد تاني إتخرج وهو عمره 27 وإشتغل على طول 😊
- واحد صار مدير وهو عمره 30 ومات وهو 50 ،
وواحد تاني صار مدير وهو عمره 50 وعاش لحد ال 70 😊
_ واحد بيدعى لشخص يكون نصيبه لمدة كبيرة ونصيبه بيلف ويدور عشان يكون إله فى وقت معين ويحس بقيمته ..
حياة كل واحد فينا معتمدة على مكانه في إشي إسمه الوقت المناسب ..
صاحبك إللي في نفس عمرك أو صحابك أو الناس الأصغر منك وإللي بتشوفهم سابقينك في الشغل وفي الجيزه وفي الخلفة هما بس في الوقت المناسب تبعهم إللي أكيد راح يلف ويجي عليك في يوم من الأيام
بشكل آخر كل واحد إله نصيبه رح ياخده رح ياخده ..
"ولا يظلم ربك أحدا"
عملت إللي عليك ! .. درست ! إشتغلت ! إتقدمت لبنت الحلال ! أخدت بالاسباب !! خلص ما تسال ليش وكيف الدور راح يلف ويجيلك القصة قصة "وقت وصبر"
لعل التأخير يكون في صالحك ..
يمكن هلقيت الزمان مش مناسب ..
المكان مش مناسب ..
أنت نفسك مش مهيئ لهذا الإشي
أحسن الظن بالله وأصبر ورح تفهم الحكمة بعدين