|
سيبك من كلام الناس ...بوجعك راسك #اعجبتني_جدآ .............................!!!!!!!!!! من أول ما ننخلق بتبدأ وظيفة الناس الأساسية (القيل و القال و الحكي اللي ما إلو سبب)😏* ⁉️- ييي ما بتشبه إمها، ييي عيونها مش حلوة زي أبوها، ييي بتشبه سيدها الأسمراني البشع! - .... بتعدي سنين وحكي كتير ⁉️- (توجيهي)، كم جابت؟ شو ناوية تفوت؟ بدك اتدرسيها* وتدفعي عليها كل هالمصاري وأخريتها للمطبخ؟ الهندسة مش مناسبة للبنت، التدريس أحسن اشي الها، اوعِك تفوت طب وتعنس ... ⁉️- (الجامعة)، ما بدك تخطبي بنتك؟ هيها تخرجت وخلصت ناوية تتخلل؟ بلاش تتبطري لتقعي على راسك، قال بدها تكمل دراسة وبدهاش تتزوج هي صاحلها عريس وقايلة لأ؟ يا حرام يمكن ما بيجي عرسان وشباب يتقدمولها فبتقول بدي أكمل جامعة وبتحجج فيها، ها شو بدها تحكي؟ ما هو يا خالتي الحلوات بتزوجوا على طول والبشعات الله يستر عليهم هم الي بضلوا للٓاخر بالجامعة، أصلا هي مش حلوة زي خواتها عشان هيك طولت، الله يستر عليها (كأنها مفضوحة بدون عريس)! ⁉️- (تزوجت)، ما حملتِ يا خالتي؟ ما في شي بالطريق؟ لسا ما حوشتوا؟ ربنا يعوض عليكِ يارب، الله يجبرك، روحوا للدكتور، تعالجتوا؟ من مين المشكلة؟ زوجك ساكت وما بفكر بالزواج؟...* ⁉️-(ولدت بنت)، الله يعوض عليها يا حرام جابت بنت، ييي هاي مش حلوة زي أبوها وإمها، لمين طالع تم البنت هيك؟ يلا البنات بسبع وجوه بكرة بتتغير وبتحلو، ان شاء الله بتزينيها بالصبيان (نعم!!)* ... ⁉️- (ولدت ولد)، ربنا مسعدها هالمقصوفة تزوجت وبكَّرت بولد، والله هالولد ما بشبه حدا لمين طالعة ملامحه هيك؟ يلا ما هو ما بعيب الشاب الا جيبته شو ما يطلع مش مشكلة! - (بعد بيومين)، مش ناوية تحملي؟* بدكيش تجيبي أخو لهالولد (المهم أخو مش أخت ها)، ربنا يعوض عليكِ بولد يارب (بكون بالأصل عندها بنت، بس هاي خارج الحسبة، البنت فوق البيعة ومش محسوبة)، اكسبيها وانتِ صغيرة وخلفيهم هلا وتريحي، صدقي يا خالتي الي بتجيبهم ورا بعض بترتاح بتلاقيهم بربوا حالهم من حالهم... ⁉️- (المبسوطة مع زوجها)، يختي قوية وحاكمة، والله زوجها زي الدبلة بإيدها، يختي بشعة وزوجها ع قد إيدها ما هو صدق المثل بخت القبايح بالسما لايح، شوفي نصيب بناتها كيف مسعودات مع انهم مش هالجمال وبناتنا حسرة عليهم، يختي قويات زي إمهم وبحكموا... ⁉️- (المنكدة مع زوجها)، ما هي نكدية وبتنكد عليه ليل نهار وتاعت مشاكل هي وأهلها، يختي الله يعينها على هالزوج المقرف شو تعبانة معه، يختى أهلها كانوا بدهم يزوجوا ويرموا ما هم* وما سألوا كويس عن الشاب، هم مش عارفين انو امه قوية، كيف يعطوهم؟ وتستمر الاسطوانات المشروخة أكثر من ذلك 😤 ما تهتمي لحدا الناس متل نار جهنم قد ما قدمتيلهم وحاولتي ترضيهم بضلهم يحكوا " هل من مزيد " .. !!! الناس ما عندهم جنة ولا نار لهيك انسيكي منهم* وخليهم آخر همك .. |
موضوع جميل مشكورة على الادراج تحياتي الك |
ارضآء الناس غاية لاآ تدركك انآ جديد بطلت اهتم لكلاآمهم حبيت الموضوع انآ كمآن صبآحوو |
كل الى كتبيته صحيح مية بالمية توجيهى نجحت ولا مانجت تزوجت خلفت ولا لسة ازا جابت بنت بيزعلو ازا وازا كتير مجتمعنا قاعد للقيل والقال ومابيرحم حدا مشكورة بجد كلامك واضح جدا |
اقتباس:
يسعدصباحك |
اصلا النآس مو شآطرة غير بالحكي وشو مآ عملت رح يحكوا ف طز بكل حدآ بيحكي كلام واقعي جدا اشكرك |
كلـآم نآس لـآ بقدم ولـآ بآخر مشكورة عآلموضوع آلحلو مآ ننحرم |
على راي المحشش الناس بدها مصلحتي اكتر مني طيب خدوها وحلو عني ههههههههه وقصه حجا وابنه وحماره اكبر دليل ما بخلو حدا من كلامهم كلام الناس وارضائهم غايه لا تدرك رغم فكاهيه الموضوع الا انه للاسف واقع مشكوره ملاك |
اقتباس:
الله يسعدك مينو |
كلام الناس لا بيقدم ولا بياخر ومن الاخر ومع احتراماتي كلام بجزمتي موضوع رووووووووووووووعه |
ههههههههههههههه شو هالوصف هاد اللي كتبو ابدع بجد عوافي ملاك |
اقتباس:
هيك هيك ما رح نخلص من كلامهم نورتي ريتال بمشاركتك الحلوة |
اقتباس:
شكرا الك ميماا |
اقتباس:
شكرا الك |
اقتباس:
يسعدك مؤيد الناس ما بترحم |
اقتباس:
مع الاسف بنتأثر بكلامهم كل التحية الك |
اقتباس:
شكرا رحال لمرورك |
الاقتباس غير متاح حاليا صدقيني الا هالشيء تحياتي |
| الساعة الآن 10:27 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.