| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
سيبك من كلام الناس ...بوجعك راسك
#اعجبتني_جدآ .............................!!!!!!!!!! من أول ما ننخلق بتبدأ وظيفة الناس الأساسية (القيل و القال و الحكي اللي ما إلو سبب)😏* ⁉️- ييي ما بتشبه إمها، ييي عيونها مش
| | LinkBack | أدوات الموضوع | انواع عرض الموضوع |
|
#1
02-08-2017
| |||||||||||||||
| |||||||||||||||
سيبك من كلام الناس ...بوجعك راسك #اعجبتني_جدآ .............................!!!!!!!!!! من أول ما ننخلق بتبدأ وظيفة الناس الأساسية (القيل و القال و الحكي اللي ما إلو سبب)😏* ⁉️- ييي ما بتشبه إمها، ييي عيونها مش حلوة زي أبوها، ييي بتشبه سيدها الأسمراني البشع! - .... بتعدي سنين وحكي كتير ⁉️- (توجيهي)، كم جابت؟ شو ناوية تفوت؟ بدك اتدرسيها* وتدفعي عليها كل هالمصاري وأخريتها للمطبخ؟ الهندسة مش مناسبة للبنت، التدريس أحسن اشي الها، اوعِك تفوت طب وتعنس ... ⁉️- (الجامعة)، ما بدك تخطبي بنتك؟ هيها تخرجت وخلصت ناوية تتخلل؟ بلاش تتبطري لتقعي على راسك، قال بدها تكمل دراسة وبدهاش تتزوج هي صاحلها عريس وقايلة لأ؟ يا حرام يمكن ما بيجي عرسان وشباب يتقدمولها فبتقول بدي أكمل جامعة وبتحجج فيها، ها شو بدها تحكي؟ ما هو يا خالتي الحلوات بتزوجوا على طول والبشعات الله يستر عليهم هم الي بضلوا للٓاخر بالجامعة، أصلا هي مش حلوة زي خواتها عشان هيك طولت، الله يستر عليها (كأنها مفضوحة بدون عريس)! ⁉️- (تزوجت)، ما حملتِ يا خالتي؟ ما في شي بالطريق؟ لسا ما حوشتوا؟ ربنا يعوض عليكِ يارب، الله يجبرك، روحوا للدكتور، تعالجتوا؟ من مين المشكلة؟ زوجك ساكت وما بفكر بالزواج؟...* ⁉️-(ولدت بنت)، الله يعوض عليها يا حرام جابت بنت، ييي هاي مش حلوة زي أبوها وإمها، لمين طالع تم البنت هيك؟ يلا البنات بسبع وجوه بكرة بتتغير وبتحلو، ان شاء الله بتزينيها بالصبيان (نعم!!)* ... ⁉️- (ولدت ولد)، ربنا مسعدها هالمقصوفة تزوجت وبكَّرت بولد، والله هالولد ما بشبه حدا لمين طالعة ملامحه هيك؟ يلا ما هو ما بعيب الشاب الا جيبته شو ما يطلع مش مشكلة! - (بعد بيومين)، مش ناوية تحملي؟* بدكيش تجيبي أخو لهالولد (المهم أخو مش أخت ها)، ربنا يعوض عليكِ بولد يارب (بكون بالأصل عندها بنت، بس هاي خارج الحسبة، البنت فوق البيعة ومش محسوبة)، اكسبيها وانتِ صغيرة وخلفيهم هلا وتريحي، صدقي يا خالتي الي بتجيبهم ورا بعض بترتاح بتلاقيهم بربوا حالهم من حالهم... ⁉️- (المبسوطة مع زوجها)، يختي قوية وحاكمة، والله زوجها زي الدبلة بإيدها، يختي بشعة وزوجها ع قد إيدها ما هو صدق المثل بخت القبايح بالسما لايح، شوفي نصيب بناتها كيف مسعودات مع انهم مش هالجمال وبناتنا حسرة عليهم، يختي قويات زي إمهم وبحكموا... ⁉️- (المنكدة مع زوجها)، ما هي نكدية وبتنكد عليه ليل نهار وتاعت مشاكل هي وأهلها، يختي الله يعينها على هالزوج المقرف شو تعبانة معه، يختى أهلها كانوا بدهم يزوجوا ويرموا ما هم* وما سألوا كويس عن الشاب، هم مش عارفين انو امه قوية، كيف يعطوهم؟ وتستمر الاسطوانات المشروخة أكثر من ذلك 😤 ما تهتمي لحدا الناس متل نار جهنم قد ما قدمتيلهم وحاولتي ترضيهم بضلهم يحكوا " هل من مزيد " .. !!! الناس ما عندهم جنة ولا نار لهيك انسيكي منهم* وخليهم آخر همك .. المصدر: منتديات بنات فلسطين - من قسم: زوايا عامة sdf; lk ;ghl hgkhs >>>f,[u; vhs; wpj;  |
| الكلمات الدلالية (Tags) |
| ...بوجعك, الناس, راسك, صحتك, كلام |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مشكلة اتعبتنا اسمها || كلام الناس || | عيون المها | زوايا عامة | 10 | 08-02-2015 02:02 AM |
| مشكله يواجها الجميع إسمها َ كلام الناس َ | غرام | زوايا عامة | 7 | 03-09-2015 06:48 AM |
| كلام الناس......! | إبنة فلسطين | الـטּـِقآشآتُ الجَّآدة والـפـوَآر..! | 13 | 09-21-2014 09:01 PM |
| خلاص بودعك وعن دنيتك آنا برحل. | HOSAM | همس القوافي , النثر و الخواطر | 10 | 06-07-2014 06:37 PM |
| مجتمع بيخاف من كلام الناس أكتر من رب الناس | رياح الصمت | زوايا عامة | 16 | 01-27-2014 12:05 AM |
الساعة الآن 04:16 PM
