|
مذكرآت ◘ فتآة أسعدهآ الفرح ~ وأنهكها الوجع ~ صار الوقت يلي انساك فيه ...صار الوئت انسى كل شي عشتو معك ... أنا ماكان عندي حدا بالدني لابيّ ولا ام ولا حتى اخوات ...كنت انت يلي موجود بحياتي انت كنت بيي وامي وخيي ,,, انا ماكنت أقدر ابعد عنك كنت حب ضنلي حدك انا من 18 سنة كنت يتيمة ...ولكن ب25 شباط(فبراير ) 2013 انولدت من جديد وبين إيديك ... كان شعور حلو كتير ..بتفتكر وئت ماتلاقينا لقيتني عم ابكي لوحدي قربت حدي ومسحت دمعتي وئتها حسيتك قريب مني اوثقت فيك كتير بوئتا مابعرف كيف فتحتلك قلبي ...بلشت ابكي وخبرك قصتي ..قلتلك بتعرف انو صار عمري 18 سنة وكل عيد ميلاد كان بيمر عليي كنت لوحدي لا ام ولااب ولا خيي ولاحتى اصحاب كانو يحتفلو فيي كنت كل عيد ميلاد ائعد على الساحل واتخيل انو عندي عيلة وبيحتلفو فيي ولكن كان هالحلم 30 ثانية بس كانت أجمل 30 ثانية من وئتا صرت حب الأحلام صرت حب نام كل ليلة لحتى احلم احلام حلوة .. كنت مااعرف كلمة مستحيل ...كنت دايما اتخيل وعندي كان شعور قوي انو هيجي يوم وكون سعيدة يجيي يوم وإطلع فيه من هالميتم يلي بكل جدران في قصة وبكل وجه طفل في غصة .. بس بوئتا انت مسكتلي ايدي وئلتلي من هون وطالع انا راح كون حدك راح كون عيلتك ..انا ابتسمت وقلتلك كيف وانت مابتعرفني إلا من هلأ ولأ لتكون بدك تعطف عليّآ واتألمت لما سمعت ئصتي ..بوئتا وقفتني وقلتلي لأ موهيك .. انا بعرفك وكتيير منيح الله سخرني لكون حدك ... إمبارحا حلمت بهالمكان وبالحلم شفت بنت صبية عم تبكي ومحتاجة حدا يكون حدها مسكتي ايدي وقلتيلي ساعدني لكون اقوية انقذني تحتى يصير عندي عيلة انا قمت من حلمي مفزوع فقررت وصار عندي شغف انو روح لهالمكان وفعلا اول مارحت على الساحل اتذكرت ملامح الصبية يلي كانت بالحلم كنتي انتي شفتك من بعيد كنتي بنفس الئعدة حتى بنفس الملابس قررت حقق هالحلم ويكون حقيقة ..بوئتا قلتلي ماتخافي راح نكون سوا ومع بعض راح نكون عيلة وانا راح كون امك وبيك واخواتك وكل شي بحياتك انا صدقتك ومن وئت ماصرت معك صرت اسعد انساني بالدني شفت اهتمامك فيي ماحدا اهتم فيني من قبل ئد ماانت اهتميت فيني بتتذكر 1/1/2014 شو عملتلي اول سنة إلنا كنا فيها مع بعض ... إحتفلت في حبنا واحتفلت ب19 أعياد ميلادي وجبتلي 19 هدية ... كانت من اجمل مفاجات حياتي من الفرحة بكيت بعمري ماراح انسي هالشي ...انت كنت أجمل معجزة بحياتي واجمل هدية سخرها القدر إلي.... عشت معك 4 سنين وكأنو كأنن شي ميت سني كنت تعرف شو بحب وشو بكره بتتذكر وئت ما اتزوجتني شو قلتلي قلتلي راح نسيكِ كل أيامك راح تعيشي معي بهنا وراح افرشلك الدني ورد مابكذب عليك لما انا كون حدك وبين احضانك كنت حس بالأمان كاني عم اسمع موسيقى كلاسيكية هادية يالله مااجمل حياتي كانت معك بوئتا دعيت الله انو هالسعادة تضل فيني وانو مانفترق بيوم ..كنت آّمن بالأحلام من وانا طفلة بس لماكبرت بطلت حب إحلم لإنو إجآ وئت كآنت هالأحلام فيه مجرد سيناريو بفيلم كإني ماكنت يلي عم عيشو حقيقي للحديث بقية إن شاءالله تعجبكم بإنتظار أرائكم ~ خربشآت ليلية ~ لاتمسني بصلة 15/12/2016 |
بلشتي بـِ >> صار الوقت لإنسآكك فيوو بسس بقية الكلآم قصة حلوةة كتير معقول طلع كزبة .؟ ناطرةة البقية .~ |
بدآية جميلة اسلوبك رآئع بالكتآبة وبانتظار البقية عوآفي ي عسل |
قصة حلوة خصوصا احساس قلمك وانتي بتكتب بحس حالي عم بتابع شي فلم او مسلسل بانتظار البقية يعطيكي العافية |
بتعرفي رأيي باسلوبك بشدني كتير ولانه كلام بلعاميه بحسسك انك عايش القصه او الحدث لكن نفس تفكير البريئه البدايه كانت طلب النسيان وبدعها شفت قصه حب جميله وتكللت بالزواج وما عرفنا سبب الخذلان يمكن في المره الجاي تكملي باقي فكرتك احسنتِ التعبير شاعره كل الشكر الك يا طيبه |
أتمنــــى لكـ من القلب .. إبداعـــاً يصل بكـ إلى النجـــوم .. سطرت لنا أجمل معانى الحب بتلك الردود الشيقة التي تأخذنا إلى أعماق البحار دون خوف بل بلذة غريبة ورائعة دمت لنا ودام قلمك |
اقتباس:
اي صحيح بلش بصار الوقت لانساك هيا بتفتكر بين حاضرها ومستقبلها بتتذكر هلأ وزمان كانت بتحكي مع حالا انو صار لازم تنسا وبلشت تكتب وتسرد قصتها وكيف كانت قبل ماتشوفو وكيف الله بعتلها اياه ان شاءالله كون وصلت الفكرة صح يعطيكي العافية ي قمر ع المرور الراقي اسعدني حضورك |
اقتباس:
الجمال هو انتي غاليتي ميما يعطيكي العافية ع المرور نورتيني |
اقتباس:
كلامك ومرورك كتيير بحبهن يعطيك العافية ع المرور لروحك الورد نورتني |
اقتباس:
اكيد رأئيك بهمني ي مؤيد هيا بتفتكر بين حاضرها ومستقبلها بتتذكر هلأ وزمان كانت بتحكي مع حالا انو صار لازم تنسا وبلشت تكتب وتسرد قصتها وكيف كانت قبل ماتشوفو وكيف الله بعتلها اياه ان شاءالله كون وصلت الفكرة صح يعطيك العافية ع المرور الراقي اسعدني حضورك |
اقتباس:
يسلمووو ع المرور الراااقي والجميل اسعدني حضورك نورت |
~ تكملة ~ مذكرآت فتاة أسعدهآ الفرح ~ ..وأنهكها الوجع يوم الاحد كنت محضرتلك مفأجاة حلوة ولكن ردة فعلك بهالمفأجاة كسرتني ..لما قلتلك وئتا انو راح يصير عنا طفل وراح نكون عيلي ردة فعلك كانت قاسيي عليي كتييير قلتلي انا مابدي خلف هلأ مني حاضر ليكون عندي طفل مافيكي تجيبي هالطفل .. حسيت حالي عم بحلم هيدا مو جاد يلي حبيتو يلي وعدني انو مايتركني يلي وعدني انو راح نكون عيلي سوآ شعور صعب كان عليي ..تركتني وبوئتا فليت من البيت اسبوع ماكنت اعرف عنك شي كنت متل الخوتة قلقانة ليكون بعد صارلك شي..... ولما رجعت مو لحتى تكون معي رجعت لحتى تطمن انو روحت الطفل اولا وكانت ضربة قويةِ لإلي قلتلك انا كنت فكر انو صارلك شي خفت تتركني وماترجع وكل همي انت كنت متل الخوتة فتش عليك وانت راجع لحتى تعرف ازا خسرت الطفل اولا كان قرارك حتمي وجدي بانو اخسر هالطفل بوئتا قلتلك طالما رايد هالشي انا راح روح هالطفل ولكن بعد مااخسرو ماراح تشوفني هون كلشي بينا راح ينتهي بطلت البنت الضعيفة يلي كانت تقعد عالساحل وتبكي لأ هلأ صرت قوية وراح اتمسك بطفلي وماراح خليه يتييم متلي راح اعطيه حنان الام والاب ماراح اشعرو بعدم وجودك بوئتا كذبت عليك وقلتلك اني روحتو لحتى ارتاح وانت ترتاح تركتك ورحت وكونت لحالي عيشة تانية مع طفلي بس ماتخاف كنت كل ليلة خبرو قصتنا وخبرو ئديش انت كنت منيح وئديشك اجمل انسان شفتو وعرفتو بحياتي كلأ كان صعب عليا بعد اني استمر بهالحيات من دونك اتعودت على وجودك معي كانت صدمة كتتير كبيرة عليي خسارتك لاني بعدني بحبك وبعدني مش متخيلة حياتك من دونك ..تركت كل شي كان يذكرني فيك حتى بطلت امشي بالشوارع يلي كنت روحا معك رحت وعشت بمكان بعيد كتيير لحتى ماشوفك ولحتى مااعرف أخبارك ...بلشت يوم عن يوم اتعود على حياتي الجديدة بلش بطني يكبر يوم عن يوم كنت اشتغل واتعب كتيير بس كنت سعيدة وكنت كل يوم اشكر الله لانو اعطاني طفل وهوة يلي خلاني عيش وصير قوية ..بتعرف ي رجا انا مابكرهك ولا عمري راح اكرهك لانو مافي وحدة بتقدر تكره بيا واخواتا وعيلتا بس انا انكسرت وانخذلت من انسان ماكنت متوقعة منو هالشي ...كنت بعدني صبية ولكني كبرت قبل اواني فهمت الحياة وكاني عشت شي ميت سني فيها كل حدا شافني وسالني عنك عن زوجي كنت قلن انك متت تحتى اقدر عيش تحت مااسمع كلام جارح من حدا .. بتعرف شو بتتذكر لما قلتلك اني بطلت حب نام بطلت حب احلم ليلة امبارح حلمت فيك حلمت انو معك طفل وعم تندهني وانك محتاح إلي كتيير كنت جاي صوب بيتي عم تنده عليا قمت من نومي خوفاني ليكون هالحلم حقيقة حاولت ماصدق حلمي استغفرت ربي ونمت تاني يوم صحيت من نومي وفجآة بسمع صوت حدن قريب منك جسمي كلو إرتعش صرت قرب شويي شويي صوب الشباك كنت عم وهم حالي انو معقول حلمي عم يتحقق ...بس جواتي كان في احساس خوف وقلق قربت صوب الشباك وفجآة لقيتك انت واقف عند بيت قريب من بيتي عم تضحك للحظة فكرتك جايي صوبي وعم تضحكلي فجاة انا ابتسمت من دون وعي لكن بعد ثانية راحت هلبسمة لقيتك مو جايي إلي شفتك مع صبية تانية والأدهي من هيك كان معكن طفل ... فجاة لفت الأرض فيني حسيت توازني انخل لو كنت جيت إلي وتحقق حلمي كنت راح سامحك لاني بعدني بحبك بس هلأ لو جيت ومتت قدآمي بعد يلي شفتو خلص راح جرب انساك راح بطل حبك ... طالما رايد يكون عندك طفل ليش قبلت تجيب منا طفل مومني شو كان ناقصني انا بطل عندي ثقة بحدا انت خليتني اتجرد من كل المشاعر يلي فيني صار عندي برود ئدام الرجال كلهن بس خلص وعد هي اخر مرة اكتب عنك لاني عنجد كل مااكتب مية غصة وغصة بتيجيني قلبي بطل يتحمل كل هالوجع من هون وطالع راح بطل احزن راح اكتب لطفلي راح نعيش انا وهو وحدنا وراح نكون اجمل عيلة واسعد حدا بالدني ..... لآ تمسني بصلة |
بصراحه كتير تاثرت بالقصه غم انها خياليه كمان ما اجت من فراغ لانها بتعبر عن كتير حالات من الواقع انا الي بعرفه الي بيحب انسانه وبتحبه لا يمكن بيوم يتخلى عنها الا لو كان اصلا ما في حب خاصه إنهآ تكون حامل منه طفل هادا اكتر شي بيسعد الانسان لكنها بتضل قصه وان شاء الله ما حدا يعيش هاللحظات اشكرك شاعرتنا احساسك وخيالك واسع استمري |
اقتباس:
اسعدني حضورك النرجسي مؤيد وفعلا حلو كتيير الواحد يتمسك بالحب لو كان الطرفين حبهم صادق مش مزيف والله يرزق الجميع حب صادق خالِ من التزييف يعطيك العافية ع المرور نورتني |
| الساعة الآن 10:40 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.