منتديات بنات فلسطين - امثال شعبية مضحكة

منتديات بنات فلسطين (http://www.bntpal.com/vb/)

- النكت والطرائف (http://www.bntpal.com/vb/f22/)

- - امثال شعبية مضحكة (http://www.bntpal.com/vb/t62996/)

امثال شعبية مضحكة

وصلتني شوية امثال والله شيء بيضحك
أكثرهم أول مرة اعرفها واسمع فيها 😁😁😁😁😁😁
استعدوا والمثل يلي يعجبك حطي بتعليق😜😜😉😉

1-يلي مالو بنات ...ماحدا بيعرف إمتى مات
2-أبو البنات شايل ع كتافو حسنات
3-يلي حظها قوي بتجيب البنت قبل الصبي
4-البنت هدية ...والصبي بلية
5-الحياة بدون أخت متل الشارع بلا زفت
6-ابني هوه ابني لحتى يتجوز وبنتي هيه بنتي طول العمر
7-عشر أصهرة ع باب داري ولا كنة تكشف أسراري
8- خود المعجعجة وضمها وخلي السنكوحة بحضن امها
9-النذل يلي متعود عالوخامة مابتناسبو بنت الشرف والشهامة
10- القرش مابيخبي الشرش والخروق مابتخبي العروق
11-لا تاخد ارملة خدها مشموم شو ماعملتلها بتقلك مو متل المرحوم
12-يلي بدها يسعدها زمانها تجيب بناتها قبل صبيانها
13-عشنا وشفنا ومابقى شي يدهشنا
14-لو ماكان الطول ميهوب مااخترعو للقصيرات كعوب
15-دللي كنتك واكسبي ودها لان إذا نوت عالشر مافي شي بيردها
16-البيت اللي مافيه بنات مافيه حناين
17-سودة والخدم حواليها وبيضا وكل الشغل عليها
18- قصي من لسانك وزيدي ع التنورة منو بتدفي سيقانك ومنو بتضلي مستورة
19- سودا زرقا وقاعدة عالتخت وبيضا شقرا مالها بخت
20-خود السمينة واوعى تخاف منها مخدة ومنها لحاف
21-ابن الأصل لو طعميتو خبز حاف بيصون وقليل الأصل لو طعميتو لحم كتاف بيخون
22-فكرناهن رخاص طلعو مجانا
23-بنت الأصل بتخلي كوخها قصر
24-دنيا ماعليها عتب فيها المصدي وفيها الدهب

هههههههههه
بس ما فهمت شو يعني خود المعجعجة وضمها وخلي السنكوحة بحضن امها
شو معجعجه وسنكوحه هههههه
شو هالمصطلحات الغريبة

شكرا

العجعوجة هي المليانة صحة
والسنكوحة هي الضعيفة ههههه عرفتي شو فايدة الصحة

ههههههههه وماله حضن امي بجنن

ههههههههههه احلا حضن

هههههههههههههه
منين جايبتيهم يئطع شرك
فرطت من الضحك عليهم

ال شو
8- خود المعجعجة وضمها وخلي السنكوحة بحضن امها
20-خود السمينة واوعى تخاف منها مخدة ومنها لحاف
ههههههههه
زكرتيني بنكته
بحكيلك ياها بعدين
هههههههههههههه
يسعدك ملاك

الدفا عفا مؤيد هههههه

فهمك كفاية

جبتهم من هداك المكان عرفتو ههههه

انا رايي يتجوز تنتين
وحده نحيفه للصيف
وحده سمينه للشتا
ههههههههه

ههههههههههههههههه
حلوين كتير
يسلمو دياتك ملاك
تحياتي

يحلي ايامك همسة

يسعدك ربي