![]() |
هل يمكن للسلحفاه الخروج من صدفتها؟ هل يمكن للسلحفاه الخروج من صدفتها؟ http://www.bntpal.com/vb/img/bntpal_1479480858_734.jpg السحلفاة ما تطلع من الصدفة، الصدفة جزء من هيكلها العظمي ما تقدر تطلع منه، مثل واحد يقول تخيل اذا طلّعوك من عمودك الفقري ولا قفصك الصدري، راح تقول شفيه هذا يخورها ! بالضبط، لما نتخيل السلحفاة تطلع من صدفتها احنا قاعدين نخورها شوفوا صورة الهيكل العظمي للسلحفاة: http://www.bntpal.com/vb/img/bntpal_1479480857_751.jpg يعني التجويف داخل الصدفة فيه الأحشاء الداخلية للسلحفاة، والأحشاء هذي متصلة مباشرة بالصدفة مو مفصولة، القشور أو الدروع اللي نشوفها مصفوفه جنب بعض هذي لازقة على جسم السلحفاة الأصلي ماكو تجويف أو فراغ بينهم بين بعض. الصدفة مقسمة جزئين: 1- طبقة خارجية اللي تكون على الظهر – the carapace: the upper convex shell. 2- طبقة داخلية تكون جهة البطن – the plastron: the lower concave shell. القسمين مربوطين ببعض بجسور عظمية السلحفاة تقدر تتحكم فيهم عشان تصكر الطبقتين على بعض وتدخّل راسها وريولها للحماية من الحيوانات وأي خطر. لما تسوي جذي يعني مثل تدش داخل جسمها، مو تدش داخل صدفة فارغة. مرات القشور الخارجية تطيح بسبب مرض جلدي أو التهاب في البشرة بس هالحالات نادرة حيل، مرات يصير تنكسر الصدفة -يعني ينكسر العظم- لما تدوسها سيارة وحزّتها يبيلها وقت علما تتعالج وترد على وضعها الأول. http://www.bntpal.com/vb/img/bntpal_1479480857_786.jpg http://www.bntpal.com/vb/img/bntpal_1479480858_132.jpg http://www.bntpal.com/vb/img/bntpal_1479480858_592.jpg معلومات سريعة: 1- أصداف السلاحف البرية تكون أثقل من السلاحف المائية، وأصداف السلاحف المائية تكون مسطحة أكثر عشان تساعدها على السباحة. 2- لون الصدفة يعكس حالة السلحفاة الصحية، مقدار الكالسيوم اللي بأكلها وشكثر تتعرض للشمس وحالة الكبد والكلية وغيره. 3- الدروع أو القشرة اللي عالصدفة هذي تتبدل خلال حياة السلحفاة، القطع تطيح ويطلع مكانها غيرها. 4- تربية السلاحف عملية خطرة لاشتهارها بنشر مرض السالمونيلا، البكتيريا اللي تسبب المرض موجودة في أمعاءها الداخلية وتطلع مع خروج السلحفاة وتنتقل للبشر إذا ماكو منتبهين. 5- السلحفاة تدفن بيضها برمل الشاطئ عشان تسخن بأشعة الشمس وتفقس السلاحف الصغيرة، يعني مو نفس الدياي يقعدون عالبيض، بس تدفن البيض وتمشي ولا تدري عنهم خلاص تروح، والسلاحف لما يطلعون سبحان الله من روحهم يدشون البحر بسرعة قبل لا تاكلهم الطيور أو أي حيوان ثاني. 6- السلاحف تتغذى على الورود والأعشاب والفواكه والفطر والأسماك والزواحف الصغيرة. 7- أكثر سلحفاة ملونة يسمونها Painted Turtle هذي صورتها: http://www.bntpal.com/vb/img/bntpal_1479480858_564.jpg http://www.bntpal.com/vb/img/bntpal_1479480858_368.jpg http://www.bntpal.com/vb/img/bntpal_1479480859_964.jpg f |
بعرفها من زمان هادي المعلومات وجدت الكثير منها وبحجم كبير ع البحر وكنا نحنطها يسلموو ع نقلك تحياتي |
كثير حلو ادراجك شكرا كثير ع الافاده الحلوة عوافي |
معلومات جميلة مشكور على الادراج تحياتي |
اقتباس:
وردكم المفعم بالحب والعطاء دمتم بخيروعافيه |
اقتباس:
وردكم المفعم بالحب والعطاء دمتم بخيروعافيه |
اقتباس:
وردكم المفعم بالحب والعطاء دمتم بخيروعافيه |
الساعة الآن 02:50 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.