|
حط حالك ع الصامت حط حالك ع الصامت لما تزور انسان مريض عم يتمنى الموت بكل ثانيه من شدة الألم و انت مبسوط و فرحان و ماعندك علّه.. فحطّ حالك *ع الصامت لما ابنك يتخرج من الجامعه وابن جيرانك يلي بعمره استشهد فحس بغيرك و لا تنشر خبر نجاحه ع جميع مواقع النت و حطّ حالك *ع الصامت لما تولد بنتك و تجبلك حفيد حلو ولذيذ.. خبّي فرحتك بقلبك ولا تصيري وكالة ناسا و حسّي بيلي فقدت جنينها أو ما أراد رب العباد انها تنجب و حطّي نفسك *ع الصامت لما يكون عندك جمعه ظريفه و تطبخي أكلات طيبة مو ضروري تصوريها وتنشريها ع الفيس بوك وتحرقي قلب العالم يلي مشتهيه تاكل الاكل و مشتهيه اللّمه و الجمعه و تنطرقي هديك العين حطّي نفسك *ع الصامت لما بيجيكي ابن الحلال و يكتب كتابه عليكي مو ضروري تصوري المحابس وتحطي اصبعتك واصبعته وامة لا إله إلا الله تعرف من ع الفيس و تلت أرباع البنات يحترق قلبها على هالشوفه ومن بعدها العريس فجأه بيكرهك و بيطرقك يمين طلاق وساعتها يا حسره و يا ندامه حطّي حالك *ع الصامت لما بتزوري الحرمين و بتنزل دمعتك من جلال و جمال و رهبة المكان مو ضروري تفقسي حالك كم صوره و تنزلي خمسين ألف بوست ع الفيس بوك وانتي على اخر طرز واقفه جنب الكعبه المشرفه أو تحت القبّة الخضرا وتعالوا شوفوني ما أحلاني و أنا صاحبة دين.. و من قلب الدنيا ما.عاد تقدري تمسكي قرآنك و لا تقرأي أورادك و غمامة سودا على قلبك و يا حيف و يا ندم... *حطّي حالك *ع الصامت لما الله يكرمك و تطلع سياحه لشي بلد والناس هﻷ عم تموت مو ضروري تطق تطق صور بكل معلم سياحي من معالم البلد وعلى بوستات يمين وشمال و يلي ما دري يعرف.. خلّيك *ع الصامت نصيحه مني إلكم بهالايام الصعبة بتفرح خلّيك ع الصامت بتزعل خلّيك خليك ع الصامت بتسافر.. بتتزوج...بتطلق.. بتمرض.. بتاكل.. بتشرب.. بتشتري سياره جديده.. !!!!! خليك ع الصامت *هاد غير انه حرام و ما بيجوز و العين بتاخد حقها من الحجر.. كمان الناس كلها مخنوقة و ما عندها للفرح مطرح وما عاد عندها استعداد تسمع قصصك ومغامراتك لذلك.. خلّيك ع الصامت *افرح مع ربك و ازعل مع ربك وبكل أحوالك مع ربك.. وحده الضارّ النافع.. و ما بيقدر اي شخص يغيّر شيء في ملك الله إلا بإرادة الله عز وجل |
ماأجمل تلك المشاعر التي خطها لنا قلمكِ الجميل هنا لقد كتبتِ وابدعتِ كم كانت كلماتكِ رائعه في معانيها دائمآ في صعود للقمه |
كل الاحترام الك |
دائما متميزة في الاختيار سلمني على روعه طرحك نترقب المزيد من حديدك الرائع دمتي ودام لنا روعه مواضيعك جزآكي الله خيرا |
مشكوورة كتير الملاك ع ادراجك الجميل تحياتي |
وتحياتي لكم مشكورين عالمرور الجميل |
فعلا مو لازم نعمل من الحبه قبه وكل شي ننشره ونعمل منه حفله في ناس مشتهيه اي شي ومحرومه من كتير اشياء موضوع مهم وراقي اشكرك ملاك |
وتحياتي وشكري الك مؤيد |
مسآءْ مُخْتَلِفٌ ب رفقةَ أنتقآئك أحترتْ أَيُّ الْجُمَلِ أَقْتَبِسُ ف كُلُّ شَيْءِ هنآ جَمِيلَ شكرآ ب حَجْم التَّرَفِ الَّذِي يَحْتَوِيكْ لَگ أكآليلْ مِنَ الْوَرْدِ وَوَدِّ لآينتهيْ |
شكرا عالمرور |
طرح ممييز وغني بمضمونه فعلا خليك بكل شي صامت سايلنت هادء تشكراتنا على الطرح الراقي |
العفو قيصر نورت |
بنظري هاي خصوصيات و مش لازم نحكيها للناس و نتباهى فيها في ناس بتصيب بالعين و ناس مشتهية عوافي |
مشكوره ملاك بعض الخصوصيات الافضل نحتفظ فيها لانفسنا والبعض الاخر اما بنعمه ربك فحدث اكيد العين موجوده وبذات الوقت ان الله يحب ان يرى اثر نعمته على عبده |
حكيك جميل يسلمو ملووكة عواافي |
العفو نورتو جميعا |
صح الكلام هو الصمت الحل الأمثل لكل حالااتنا |
صحيح شكرا الك سارة |
| الساعة الآن 09:45 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.