|
شو بدنا نطبخ بكره / تأليفي قالتله يا ابو مصطفى شو بدك تتغدى اليوم حكالها اي شي مناكله ونحمد الله حكتله شو يعني اي شي ساعدني عشان اعرف اختار خلص اعمليلنا ملوخيه اليوم ييي علينا من اكم يوم اكلنا ملوخيه طيب اعملي مسخن لسا من اسبوع عملنا مسخن يوم اجو اهلك عنا والدنيا شوب ما بنفع المسخن طيب اعملي كوسا وورق عنب وحطي عليهم شقف لحمه بلا بتحكي جد لسا بدي اسلق لحمه واحشي كوسا واتعب والفلف ورق ما انت عارفني مش فاضيه ارحمني يا زلمه بضل انسانه انا شو هادا يااه طيب اي اشي سهل عليكي اعملي مجدره سهله وخلصينا ما بحب المجرده طيب اسمعي يا مره اعملي سلطه او فتوش او تبوله عم تتمسخر ابو مصطفى هاي اكله ببتاكل عالغدا ؟ اتخوت يلا اتخوت ما انا مسخره عندك مهو الي ايده بالمي مش متل الي ايده بالنار وانت قلبك بارد يا زلمه منين جايب طوله البال مش عارفه ولا عم تنكت يعني طيب اسمعي احكي من عندك اقتراحات وانا بختار شو رأيك ؟ يا الله وانا لو كان عندي اقتراحات كان سألتك ؟ طيب خلص مناكل علبه سردين او علبه تونه وحبتين زيتون معهم زر بندوره منيح هيك طيب بلا فزلكه خلص الحق علي لاني سالتك اصلا خلص بعمل بكره معكرونه وبقلي شويه بطاطا جمبهم ولك برافو عليكي شو هالافكار الي عندك ايون هيك بدي ياكِ هي الي انت شاطر فيه اتخوت يلا **** تاني يوم اتصلت فيه عالشغل الو ابو مصطفى حبيبي جيب معك اشي بارد نشربه لو بكون فيه صودا بكون احسن عشان نهضم لاني طلبت من المطعم كينتاكي وتشيكن هات وبيتزا مش حكيتي بدك تعملي معكرونه ليش غيرتي رايك برضو كمان فكره حلوه على عيوني بجيب الي بدك ياه مهو ما فضيت اليوم شغل وغسيل وتكنيس وتحفيض واجو جاراتي عنا وما فضيت طيب بدك كولا ولا ميرندا ولا سفن اب اي شي المهم صودا حبيبي حاضر ولا يهمك مع السلامه **** برجع الزوج من الشغل بقعد مع الولاد عالسفره والكل بستناه وبطلع من الكيس الميرندا وبحطها عالسفره شو هادا يا زلمه ما ابخلك بس ميرندا جايب بمد ايده جوا الكيس وبطلع الكولا طب وين السفن اب الي حكيتلك عنه بمد ايده وبطلع سفن اب من الكيس بتحكيله اكيد هو انت حاسس فينا ضلك هيك طير مصاريك واخر الشهر بتصير تعيط وين راح الراتب الزوج وجهه متل الجمر وعم ياكل ويشد على سنانه الا بتحكيله ابو مصطفى حبيبي ما حكيت شو اطبخلكم بكره هههههههههههههههههه الزوج اغمى عليه وهو الان في العنايه المركزه واجاه شلل نصفي وما اظن يقوم بالسلامه ههههههههههههه بصراحه الفكره اخدتها من مكان بس كتبتها باسلوبي وطريقتي وهاي ام مصطفى البغله هههههههههه |
راح فيها أبو مصطفى أسلوب رائع وجميل الله يساعد أبو مصطفى لو محلوا بيردها عند أهلها يعطيك عافيه حبيب وكتر منها ههههه بالفعل بغله الوطن والغربه |
اقتباس:
بالفعل هبله كمان خلص القصه الجاي بخليه يطلقها ولا يهمك هو اصلا عشان الولاد مخليها نورت يا غالي |
هههههههههه المشكلة قراتها قبل فترة بس مش ام مصطفى وحدة تانية يا ابو التأليف انت |
اقتباس:
ههههههههه ولك كتبت تحتها الفكره اخدتها من مكان وعملتلها اعاده سناريو هههههههه يعني بطريقتي في شعراء بكتبو قصيده لنزار قباني ويجاروها بقلمهم ما في مشكله المهم منوره |
اقتباس:
ما هو ذاكر انوا عدلها :36: هههههt07 الوطن والغربه |
بعرف ههه بس لازم اصدمه |
اقتباس:
شفتي طلعت برآءه ههههههههه حبيبي يا وطن هاي الك لحالك بس لا تطعمي حدا https://www.supermama.me/sites/defau...?itok=qonKd7d6 |
اقتباس:
مصدوم وحياتك على طول |
تقبل حضوري في صرحك الجميل مع خالص الاحترام زهور الياسمين لشخصك تحياتى |
| الساعة الآن 08:39 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.