حياة وعايشينها (١)

(١) , حياة , وعايشينها

كنت أشوفه لعمي وضعه كثير منيح وبعطي غيرنا كثير؛ بس احنا ولاد اخوه شايفنا مش لاقيين ناكل ولا متعرف علينا


كنت اضل اسأل ايوي ، يابا بما انك وضعك صعب ما تطلب من اخوك، يقلي ابوي لا ، الله لا يعيزنة لحدا ...


لما كبر اخوي ونجح بالتوجيهي وبدنا ندخله الجامعة، كان محتاج يندفع قسطه وابوي وضعه صعب و كرامته ما سمحتله يطلب من عمي، بس انا كنت الكبير، رحت اتصلت على عمي حكتله وضعنا صعب، يا ريت لو تساعدنا شوي


ما بنساها قالي مش ضروري يتعلم نزلوا يشتغل معك ومع ابوك !
بس يا عمي اخوي هاد شاطر وجاب بال90 ...
قلي بردلك خبر .... وغاب وما بين ... ما رجع اتصل ، ضليت مهموم طول الفترة، انا بعرف اخوي نفسه يتعلم، وصار همي اشتغل لحتى اجيب زيادة بس عالفاضي ..


كنت قاعد مع صحابي، وسمعت واحد بحكي انه في ابن حلال بتبرع لطلاب الجامعات، وبمدحوا في ...


حكتله امانة احسب حساب اخوي، الشب ما خيبلي طلب؛ واخد من الميزانية تاعت التبرعات واعطاني ، كان بدو يحكيلي ادعي للي تبرع بس انا رحت بسرعة وقلتله برجعلك ...


ركضت عالدار يابا ، انحلت مشكلة اخوي ، هاي ابن حلال اتبرعله بالقسط، اخوي صار ينط من الفرحة وامي تزغرت !


بفتح عالفيسبوك ببعت لصاحبي الله يجزي كل الخير لي تبرع، ما قلتلي بعرفه انا؟
قلي صاحبي انا بعرفوش للزلمة بس بخليك تحكي مع الشب لي بعتلي المساعدات ...


رحت احكي معه، بعتله، رد علي الشب بالاسم الي تبرع، قلي نزل بوست شكر لأله !
وقفت عند الاسم كثير ، قريته مرة ومرتين وثلاث


عند الرابعة كان نفسي اكسر الموبايل ...
هاد عمي ما غيره؟ الي الله منعم علي ؛ وطلبت منه وكسر بخاطري ...
متبرع ب 20 قسط ل 20 طالب جامعي !
بلعت الغصة، كان نفسي ارمي المصاري بوجهه، قديشه منافق ورياء كل حياته، احنا القريبين ما ساعدنا بس للغرباء وعشان يبين كريم اعطاهم .!
اتصلت علي ةقلتله الله يباركلك ولا يحيجنا لالك قسط اخوي برجعلك!
انصدم قلي شو؟
قلتله التبرعات الي وزعتهم وصلنا منهم!.... وشكرا يا عمييي وسكرت الخط


فات اخوي الجامعة، والحمد لله تفوق باول فصل، وحصل على منحة ، وضل بس مصروفه الجامعي، واول ما خلص طلعتله منحة عاوروبا ، ليكمل ماستر، وقرايبنا ما تدخلوا الا يخوفوا ابوي علي ويقضوها يحكوا هناك بلاد صياعة وهمل ، ويراقبوا حياته لما سافر ،وهناك اشتغل شغل منيح كتير ،


وصار وضعه ممتاز ويبعتلنا،
واول شي عملو حول لعمي المصاري ، عمي استصغر حاله كثير ، صحيح عمي ما انكسر وضل وضعه غني، بس ولله صار يحترمنا ، ويتصل يسأل على اخوي، لأنه معظم البضاعة بجيبها من هناك !ولما صرنا اغنيا صاروا كل العيلة بحبونا وبزورونا وبتفقدونا


واخوي ابن اصل معمروش قله لا !


انا الي نفسي افهمه ، ليش معظم القرايب مع الغرباء مناح ومع الي بقربولهم ولا فيهم خير، ولا هي الشغلة مظاهر ورياء وبس !
وانا عارف انها الدنيا حتلف وتدور وترجعلوا الحاجة الي احتجناها اله ... بس احنا ما رح نقصر معه


احسنوا للقريب قبل الغريب


بقلم /



هديل قاسم

المصدر: منتديات بنات فلسطين - من قسم: قصص أدبية , روايات , حكايات , تاريخ الأدب والأدباء

المشاركة الأصلية كتبت بواسطة ra7al فعلا القرايب بالاسم بس بيفيدو الغير ومش مستعدين يفيدوك بشي الله لايحوج حدا لحدا قصة حلوة واعجبتني كتير يعطيكي العافية رفيقة

المشاركة الأصلية كتبت بواسطة حبيب العمر انا بحكيلك السبب في عنا حسد بين الاقارب ما حدا بدو ابن اخوه او جاره يكون احسن منه ولا احسن من ولاده هاي اسمها جشع وطمع وللاسف منحب نبين انه احنا كرما ويا ناس تعالو شوفوني انا بعلم طلاب في الجامعه معلش احكيلك شي زكرتيني اول ما دخلت الجامعه كان وضع ابي مو منيح وكنا كتار في البيت بجد وكانك بتحكي قصتي مع فرق بسيط طبعا كان اخوي الكبير بيشتغل ويدوب ملحقين عالمصروف جبت معدل 95 علمي ورحت مع ابوي الجامعه نسجل كانت سنة الاجتياح 2002 والوضع زفت عند الكل طلبو منا 500 دينار اول قسط ابوي ما معه غير 400 حيلته وحويلته طلبنا مقابله مدير الجامعه كان يومها رامي الحمد الله رئيس وزرائنا هلأ هههههه قال لابوي لو سمحت اخرج انت وخلاني عنده حكالي اسمع يا ابني قول لابوك يخلي مصاريه معه اول قسط رح نسامحك فيه وانا رح ادفع النص وعلى الجامعه النص وبس تحط رجلك بالجامعه الا وانت متخرج لا تخاف اي شي بدك ياه تعال عندي يا الله شو كبر بعيوني هالرجال الله يبيض وجهه وما كذب خبر ضليت اجيب معدل منيح واخد منح اشي من السعوديه اشي من قطر لحتى خلصت رحت تشكرت المدير وقتها وحكيتله انا مديون الك حكالي لا يا ابني هادا واجبي ورح ساعدك كمان بالشغل وطلعلي فيزه للامارات وهادا الي صار معي يعني ربنا ما بنسى حدا ما بعرف ليش حكيتلك القصه بس حبيت فضفض لانه تاثرت بالقصه الي طرحتيها مشكوره يا خيتي @رفيقة ٱلقمر