|
"الملاك البريئ" في لقآء صحفي ~ يسعد مساكم كيفكم عضوة جديدة في لقاء صحفي لقاؤنا اليوم مع عضوة متألقة بحضورها جميلة بتواجدها تمتاز برووح جميلة رحبوا معي بالعضوة الملاك البريئ اهلا وسهلا بك في هذا اللقاء الملاك البريئ رح تسيري باللقاء حسب الفقرات التالية : فقرة التــعريف اسم النك نيم للع ـضو ؟ الاسم الحقيقي؟ واذا ماتحب تقول اسمك في هاي الفقرة عادي تاريخ الميلاد؟ الاقامه؟ العمر؟ التحصيل الدراسي؟ ............... فقرة المنـــتدى ماذا يعني لك منتدى(بنات فلسطين)؟ اقرب صديق لك في المنتدى؟ لماذا اخترت هذا الاسم؟ أي قسم تدخل اليه باستمرار؟ كلمه بحق المدير ؟ كلمه تود ان تقولها الى أي عضو بالمنتدى؟ هل تعرف احد قريب لك من المنتدى؟ عضو عاجبك توقيعه؟ عضو مثقف؟ عضو تتابع مواضيعه بأستمرار؟ عضو تعجبك ردوده؟ عضو تواجده بيسعدك؟ اعطي الألقاب التالية لعضو: روح بنات فلسطين : ملك\ة بنات فلسطين: قمر بنات فلسطين: شمعة بنات فلسطين: ................ فقرة الحــب هل انت مغرم؟ هل الرومنسيه للانثى فقط ام الرجل له جانب منها؟ هل انت عاشق؟ هل تفدي بروحك لمن تحب؟ ما الفرق بين الإعجاب والحب بالنسبة لك؟ هل تعتبر بهذا الزمن الحب حقيقي؟ هل تضحي من اجل من تحب؟ هل الحب يستحق التضحيه؟ هل يمكن أن يكره الأنسان الشخص بعد أن أحبه؟ أيهما أخلص في الحب ادم ام حواء؟ كلمه تود ان تقولها الى من تحب؟ ................ علاقاتكـــ اقرب شخص لك من؟ علاقتك مع امك؟ علاقتك مع اباك؟ ومن الأقرب اليك؟ هل انت غيور من احد؟ هل انت تغار على احد؟ علاقاتك بأصدقائكَ؟ نظرة الناس اليكــ؟ هل تندم على علاقتك مع احدالأشخاص؟ ................ فقرة اسود وابيض (اجب بضد او مع)والسبب هل انت مع او ضد تعدد الزوجات؟ هل انت مع او ضد المرأه تطالب بحقوقها؟ هل انت مع او ضد التطور المستمر ؟ هل انت مع او ضد النت؟ هل انت مع او ضد حب النت؟ هل انت مع او ضد دخول المرأة في السياسة؟ هل انت مع او ضد الاختلاط؟ هل انت مع او ضد مقولة "الغاية تبرر الوسيلة" ؟ ................ فقرة الـــقناع هذه الفقره يتم فيها الع ـضو بارتداء القناع والاجابه من وراء القناع أي ليس من شخصية الع ـضو لو قتلت تقتل من؟ لو احببت تحب من؟ هل انت صريح؟ هل تحب نفسك؟ هل انت مغرور؟ هل تحب الالم لغيرك؟ هل تعلم بأن جميع الناس يكرهوك؟ هل تعلم ان جميع الناس يحسدوك؟ ................ مواقف مررت بها تحدث لنا عن : موقف مضحك؟ موقف حزين؟ موقف مفاجئ؟ موقف اسعدك لدرجة البكاء؟ ......... بتمنالك استضافة ممتعة عسولة ودي |
اختيآر رآئع لجآرتي الملآك البريئ رح تآبع اللقآء عوآفي ميماآ |
حلو اختيارك لشخصيه جميله متل الملاك البريئ ان شاء الله تقدر تفوت نت وتشارك معنا لانه اجوبتها رح تكون روعه كل الشكر الك ميما ولمجهودك واختيارك |
اختيار رائع مثل الملاك مميزة و راقية موفقة ملاك يعطيك العافيه ميماا |
اقتباس:
بتنوري |
اقتباس:
لبكرة بتجاوب مش اشكال العفو نورت |
اقتباس:
نورتي |
اختيارك لشخصيه راقيه ومميزه الوطن والغربه |
اختيار حلو للملاك بانتظارها اكيد يسلمو ميما يعطيكي العافية |
اختيار موفق برضو بنتعرف عليها عن قرب يعطيكي العافية ميماا |
اقتباس:
الله يسعدك |
اقتباس:
نورتيني قمرتي |
اقتباس:
ربي يعافيك نورت |
أختيآر رآئع .. سأكون متآبعة ♥ |
اول شي يسعد مساكم يسلمو ميما على الاستضافة الحلوة وبعتزر عالتاخير ورح جاوب عالاسئلة بالترتيب الليلة راجعة |
فقرة التــعريف اسم النك نيم للع ـضو ؟ الملاك البريئ الاسم الحقيقي؟ واذا ماتحب تقول اسمك في هاي الفقرة عادي اسمي ملاك تاريخ الميلاد؟ 23/1/87 الاقامه؟ فلسطين...بيت لحم العمر؟ 29وكم شحطة التحصيل الدراسي؟ جامعة غير مكتمل تخصص خدمة اجتماعية ................ فقرة المنـــتدى ماذا يعني لك منتدى(بنات فلسطين)؟ كلشي..صداقة اخوة...بيتي...متنفسي اقرب صديق لك في المنتدى؟ حبيب العمر لماذا اخترت هذا الاسم؟ بحبو وفي غنية لعمرو دياب اسمها الملاك البريء بحبها أي قسم تدخل اليه باستمرار؟ منافذ الروح وعبق المشاعر والنقاشات كلمه بحق المدير ؟ يعطيك العافية يارب وانشالله بمجهودك بيكبر اكتر المنتدى كلمه تود ان تقولها الى أي عضو بالمنتدى؟ ربي يحميكم ويخليكم وتضلو تحبو بعض ع طول هل تعرف احد قريب لك من المنتدى؟ هئ م بعرف عضو عاجبك توقيعه؟ مش عارفة في كم عضو توقيعهم حلو عضو مثقف؟ كماني المزاج وقصي عضو تتابع مواضيعه بأستمرار؟ ما بتابع حدا انا الموضوع اللي بيعجبني برد عليه عضو تعجبك ردوده؟ في كمشة اعضاء ردودهم تجنن خاصة بالنقاشات متل قبانية الهوى ..امير الغرباء ...البريئة عضو تواجده بيسعدك: حبيب العمر ...البريئة ..لونلي هيرت ي رب ترجع باقرب وقت ..رحال..وسام...امير القلوب اعطي الألقاب التالية لعضو: روح بنات فلسطين : الادارة ككل ملك\ة بنات فلسطين: رفيقة القمر قمر بنات فلسطين: ريما غزة شمعة بنات فلسطين: ميما ................* |
فقرة الحــب هل انت مغرم؟ نوعا ما هئ بس ع الاغلب جربت هالشي هل الرومنسيه للانثى فقط ام الرجل له جانب منها؟ الرومنسية لا تقتصر عالانثى فقط بل للرجل نصيب منها بس مو الكل متل ما حكى رحال حقو مش ناقص هههه هل انت عاشق؟ هئ هل تفدي بروحك* لمن تحب؟ مش عارفة بس ازا بحب بقدم كلشي للحبيب ما بتغلى عليه الروح بنفس الوقت روحي غالية وما بفرط فيها لاي حد شو ماكان ما الفرق بين الإعجاب والحب بالنسبة لك؟ الاعجاب اول مراحل الحب ويمكن ما يكون من مراحل الحب يعني مو شرط اعجب بشخص اني ممكن حبو هل تعتبر بهذا الزمن الحب حقيقي؟ في بنسبة قليلة هل تضحي من اجل من تحب؟ بضحي بس الاقي الشخص اللي بستحق التضحية هل الحب يستحق التضحيه؟ بستاهل اكيد هل يمكن أن يكره الأنسان الشخص بعد أن أحبه؟* مستحيل يتحول حب لكره مو من فراغ عم بحكي هاد الحكي أيهما أخلص في الحب ادم ام حواء؟ الاخلاص ما فينا نحصره بآدم او حواء المخلص مخلص سواء حواء او آدم * كلمه تود ان تقولها الى من تحب؟ ربي يبعتلك ايام حلوة وكلها فرح وسعادة وتضل مبسوط على طول ................ |
علاقاتكـــ اقرب شخص لك من؟ اخي الكبير وماما علاقتك مع امك؟ ممتازة علاقتك مع اباك؟ ومن الأقرب اليك؟ الله يرحمه كان يحبني كتير التنين نفس الشي بس اسراري بحكيها لامي هل انت غيور من احد؟ بغار لحتى اصير احسن ...كلنا بنغار لا تكزبو هل انت تغار على احد؟ بغار بس ما ببينها علاقاتك بأصدقائكَ؟ حاليا معنديش اصدقاء نظرة الناس اليكــ؟ محبوبة والي شعبية احم احم بالرغم انه في ناس بكنولي الشر بس الحمد لله علاقتي بغيرهم ممتازة هل تندم على علاقتك مع احدالأشخاص؟ بندم لانهم ما بستاهلو هاي العلاقة ................ |
فقرة اسود وابيض (اجب بضد او مع)والسبب هل انت مع او ضد تعدد الزوجات؟ ضد عن تجربة لانه في ظلم لطرف ع حساب طرف هل انت مع او ضد المرأه تطالب بحقوقها؟ مع لانه الاسلام بحد ذاته ضمن حقوقها هل انت مع او ضد التطور المستمر ؟ مع هل انت مع او ضد النت؟ مع وضد لانه في فائدة وبنفس الوقت بضيع وقت وبخرب علاقات بين الناس هل انت مع او ضد حب النت؟ مع وضد لانه مش دايما بكون ناجح هل انت مع او ضد دخول المرأة في السياسة؟ ما بحب السياسة ف ضد هل انت مع او ضد الاختلاط؟ ضد لانه حرام هل انت مع او ضد مقولة "الغاية تبرر الوسيلة" ؟ حسب مرات مع ومرات ضد ................ |
................ مواقف مررت بها تحدث لنا عن : موقف مضحك؟ بتصير معي بس تطلعلي شي قطة بالطريق وانا طبيعتي بخاف من القطط وبصير اصرخ واصيح* خاصة بالليل والدنيا عتمة وتكون القطة سودة وعيونها بضوو ضوي ي مامي شو بتخوف خلص بخاف منهم والكل يقعد يضحك ال يعني شو يعني قطة بتخافي منها خليهم يضحكو هههههه المهم انا ما اتلمس وتصيبني شي خوفة بعيد الشر عني يوؤ موقف حزين؟ المواقف الحزينة ما بقدر انساها لانها عالقة بالذهن شو بدي اتزكر لاتزكر خليها بالقلب احسن شي موقف مفاجئ؟ موت الوالد كان مفاجئ للكل موقف اسعدك لدرجة البكاء؟ موقفين هم وقت ما اخدت نتيجتي بالتوجيهي وكنت ناجحة يومها بكيت كتير من الفرحة ووقت صرت ام ومسكت البيبي بايدي يومها ما بنساه |
فقرة الـــقناع هذه الفقره يتم فيها الع ـضو بارتداء القناع والاجابه من وراء القناع أي ليس من شخصية الع ـضو الاجابات رح تكون بالعكس حسب ما فهمت لو قتلت تقتل من؟ شخص بعيد عني (هاي في منها بعملها مجرمة صايرة* ) لو احببت تحب من؟ بحبش حد (تصدقونيش) هل انت صريح؟ لا(تحكيش هيك لانه الكتاب المفتوح مو راضي يتسكر ) هل تحب نفسك؟ لا (ولك بموت عليها تؤبشني حالي) هل انت مغرور؟ اي (مش متخيلة كون هيك) هل تحب الالم لغيرك؟ كتير (تخلونيش اعيط) هل تعلم بأن جميع الناس يكرهوك؟ اه (مش معقول لاني حبابة مش مجاملة بس هيك بيحكولي ) هل تعلم ان جميع الناس يحسدوك؟ اه(مش مصدقة عشو بدهم يحسدوني بالله) |
هيني جاوبت بسرعة شايفة مشطرني بتشكر كل الاعضاء اللي رد ورحبو بالاستضافة يسعد اوقاتهم |
ههههههه ع فكرة انا كمان بخاف من القطط وهاتي يستوعبوا انهم بخوفوا جد بصيروا يضحكو علي هههه حبيييت اجاباتك كتييير ملاك وحبيت صراااحتك وجرأتك في بعض الاسئلة بتشكرك لقبولك دعوووتي وفرحت كتييير بتواجدك الحلوو الله يسعدك نورتيني |
اجابات رووعة بتشكرك كتير ع ذكر اسمي وبتشكر ميماا ع الاستضافة الحلوة يعطيكم العافية ربي |
اجابات رائعة ملاك يعطيك الف عافيه يسلموا ميماا ع الموضوع الرائع |
كنت عارف رح تكون اجوبتك حلوه حبيت ذكر اسمي اول شي وانا بعترف انك اقرب صديقه الي بس القناع مو لابئلك بدونه انتي احلى ههههههههههه اجوبه جميله وصريحه يسعدك ملاك وشكرا لميما لاستضافتك |
نورتو والله بتعرفني مؤيد ما بقدر اكزب لو حطولي الف قناع ببين عليي اني كزابة وانا بتشرف بصداقتك يسعدك يارب |
تسلمي حبيبتي الملاك انتي قمر ومنورانا يارب يسعدك ويوفقك اجابات حلوة مثلك يسلمو ياقلبي ودي |
| الساعة الآن 02:35 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.