|
امثال خيالية عجبتني...بس لا تضحكو #امثال_خيالية_100%😁😁 #لازم_تقرؤوها صار للشرشوحه مرجوحة و لابو بريص قبقاب 😏😂 دق القرفة ولا صباح السلفة 😂 لايق لام شدوق البيض المسلوق 😝 شو ماطبخت العمشا جوزها رح يتعشا من برا فرفور و من جوا دبور 😝 احفر جورة بمسمار ولا انو تناقش حمار 😁😁 دللي كنتك واكسبي ودها، لو نوت الشر مافي شي بردها 👿 كنسي بيتك مابتعرفي مين بيدوسو وغسلي وجهك مابتعرفي مين بيبوسو 🙈 حط القدر وانفخ تحتو ما اسخم من الخال الا ابن اختو 😂 رضينا فيه وبرابيرو ع كمو، لا عجبناه ولا عجبنا امو 😏😂 عاتب الاصيل ولومو واترك الواطي ليومو 😏 الضيف الأكابر بياكل وبيغادر😝 الكلام الي مو قدو اقعد عا جنب وتمك سدو 😒 اللي جوزها معا بتلف القمر باصبعا 😍 خايفة اهزك يا غربالي يوقع منك كل عزيز وغالي 😁 الحظ لام الناب و مشققة الكعاب😂 اهلي وانا غنيه وجارتي وانا سخيه وجوزي وانا قوية💃 عمر المي مابتقعد بالغربال وعمرو الندل مابينصلحلو حال😏 عمر الحية ما بتصير خية💃 الحظ للقرعه وام ناب وديلها يكحت التراب😂 الحماية بتقول لبنتها قربي من جوزك دفيه وبتقول لكنتها ابعدي عن ابني خنقتيه 😏 يلي تاريخو مليان فضايح لا يتفلسف ويعطي نصايح 😏 اكنس بيتك وقشو ما بتعرف مين بيخشو 😁 الحماية يلي بتحب الكنة إلها كرسي بالجنة 😜 الحماية يلي بتحب الصهر عجبة من عجايب الدهر 😒 دلل حماتك و اكسب ودها أحسن ما تفتحلك طاقة ما تقدر تسدها..😂 لو بدي اصرف من كيسي ما بسميك عريسي 💃 عاشر الغني بيغنيك و عاشر الجربان بيعديك😁 كل ما فتح جزدانو بترجف سيقانو😝 خبزة وجبنة وهدوء ولا عزيمة مطنطنة وشم ولا تدوء😂 الدنيا متل النورية بترقص لكل واحد شوية😂 لاتستعيري من الجارة والخضري براس الحارة😏 وقت بتنتهي المصالح بيصير الحلو مالح😏 اللي ما بيحضر ولادة عنزتو بتجيبلو جحش 😝😝😂😂 |
هههههههه نصهم ما فهمت معناهم شكرا ملاك ودي |
ايش هاد هههههه حلوين جآرتي عوآفي |
هههههه لك ايش هاد ملاك ضحكتيني والله يسسعدك ما احلى حكياتنا وامثالنا |
اقتباس:
احسن بلاش فضايح هههه |
اقتباس:
كأنك ما شفتي شي هههه |
الضيف الأكابر بياكل وبيغادر هههههههه هَي هذي الأَمثال التووب سِمعتوا يا ضيوفنا صيروا اكابر �� الله يهديهم بس يلسقو عدنا بس يجو هههههههه عَوافي ضحكتيني ي ورده |
طلعت ما بعرف شئ بالامثال الي بعرفهم ولا شئ بالنسبة لهدول يعطيك العافيه دمت بخير |
اقتباس:
هههه شفتوو ’ هو وآحد بس عادي قلت خليه هع |
اقتباس:
رح يلزقو اكتر نورتي |
اقتباس:
بس الاقيهم يسعدك |
ههههههههههه حلوين حبيبتي يسلمو ودي |
امثال رائعة اشكرك على الطرح المميز والاختيار الجميل والانتقاء الموفق والنشاط الدأوب لكِ تحياتي وتقديري |
الاقتباس غير متاح حاليا امثله راااائعه يسلموا اديكي |
مع اني بحب الامثال معظمها جديد علي شكرا الك ملاك لروعه انتقائك طبتي وطاب سحر انتقائك |
تقبل حضوري في صرحك الجميل مع خالص الاحترام زهور الياسمين لشخصك تحياتى |
خبزة وجبنة وهدوء ولا عزيمة مطنطنة وشم ولا تدوء😂 امثال رائعه وجميله ومنها فعلا بضحك مشكوره على الموضوع والمجهود الرائع الوطن والغربه |
نورتم جميعا كل التحية لكم |
| الساعة الآن 11:42 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.