|
اقتباس:
حلو تعرفنا عليكي من خلال هاي الاجابات الله يشفيلك ابنك يارب وتفرحي فيه |
@dark devil تعى جاوب |
اقتباس:
هلقيت شفت الموضوع عدي باجي بالاجوبة والموضوع :11: يسعدك مقدما ويسعد الي استضافني :1: |
اقتباس:
بتنور ب اي وقت |
اقتباس:
هيني حاجي واشحط الاجوبة معي :11: بس يا رب ما تقطع ad1 |
اقتباس:
|
فقرة التــعريف اسم النك نيم للع ـضو ؟ دارك ديفل الاسم الحقيقي؟ واذا ماتحب تقول اسمك في هاي الفقرة عادي عبد الفتاح او عبود تاريخ الميلاد؟ 13/12/1994 الاقامه؟ فلسطين - غزة - النصر العمر؟ 24 التحصيل الدراسي؟ بكالوريوس تربية انجليزي ................ فقرة المنـــتدى ماذا يعني لك منتدى(بنات فلسطين)؟ تاني منتدى فتتو بحياتي وكان بيني وبين المنتدى رحلة طويلة جدا بتبدا من ايام المنتدى القديم بسنة ال 2009 تقريبا اي قبل 10 سنين اقرب صديق لك في المنتدى؟ مافي حد محدد بس من المنتدى القديم عندي اصدقاء جدا مقربين و بشوفهم وبطشطش معهم لماذا اخترت هذا الاسم؟ هو الاسم المعتدم الي بعالم النت وبحبو بيعبر عن اشياء كتير عني أي قسم تدخل اليه باستمرار؟ النقاش اكتر اشي وبعده بيجي قسم ابداعات الاعضاء وبعدهم قسم الصور كلمه بحق المدير ؟ حبيبي المدير اظن لسا المدير خميس ؟ ازا المدير خميس ف ان شاء الله تجينا فرصة نتقابل متل ما تقابلنا اخر مرة و ازا مش خميس ف الله يصبرك ع هيك مسؤولية ويوفقك بالمنتدى كلمه تود ان تقولها الى أي عضو بالمنتدى؟ للكل بقول ديرو بالكو ع بعض لانو جو المنتدى واصدقاء المنتدى ممكن يضلو للعمر معكم هل تعرف احد قريب لك من المنتدى؟ لا عضو عاجبك توقيعه؟ كل شخص عندو زوق مختلف ومميز بالتوقيعات وكلهم حلوين للأمانة عضو مثقف؟ هارب , البريئة , ميما عضو تتابع مواضيعه بأستمرار؟ مورفين , الملاك البريء عضو تعجبك ردوده؟ مورفين عضو تواجده بيسعدك الملاك البريء اعطي الألقاب التالية لعضو: روح بنات فلسطين : البريئة ملك\ة بنات فلسطين : الملاك البريء قمر بنات فلسطين : ميما شمعة بنات فلسطين : انجيلينا جوللي ................ فقرة الحــب هل انت مغرم؟ كنت من فترة بسيطة و تسنجلنا هل الرومنسيه للانثى فقط ام الرجل له جانب منها؟ الرومانسية للشخصين ما بتقتصر ع طرف واحد وحلاوة الرومانسية لما تكون متبادلة بتفاهم وود عقلاني مش عاطفي وبس هل انت عاشق؟ اه هل تفدي بروحك لمن تحب؟ بفدي بكل منطقي وعقلانيتي للي بحبه مع اني شخص كتير عقلاني ومنطقي ما الفرق بين الإعجاب والحب بالنسبة لك؟ الاعجاب بيكون بأي شخص وبشيء محدد فيه , شخصيته او عيونه او ستايله او غيرو الحب بيكون بشخص واحد واعجاب بكل شيء بالحبيب حتى الامور السيئة كل محب معجب بس مش كل معجب محب هل تعتبر بهذا الزمن الحب حقيقي؟ نادرا ما تلاقي حب حقيقي بهاي الفترة ونحنا صرنا بفترة الحب السريع الي ما بيقضي وقت طويل بالاستمرار هل تضحي من اجل من تحب؟ اذا كان يستحق التضحية طبعا اختياري لحبيبي حيكون بشكل عقلاني ومنطقي وفكري صحيح لما يكون في منطقية بعلاقتنا واحس انه شريكي وحبيبي بيستحق التضحية طبعا حضحي هل الحب يستحق التضحيه؟ طبعا بستحق لاننا انوجدنا و ما حسينا بجمال الحياة وطعمها الا بالحب ولولا الحب ما حد بقي سعيد على الارض الحب يشمل العاطفة والاصدقاء والحياة نفسها هل يمكن أن يكره الأنسان الشخص بعد أن أحبه؟ لا صعب حتى لو اذاه الي حبه أيهما أخلص في الحب ادم ام حواء؟ ع حسب الشخصية اوقات ادم اكتر اخلاص واوقات حواء اكتر اخلاص كلمه تود ان تقولها الى من تحب؟ الي بعنا خسر دلعنا ................ علاقاتكـــ اقرب شخص لك من؟ صديقين "عبود , عوني" كتب مفتوحة على بعض واكتر من اصدقاء لا وجود للمجاملات بيننا و بنبني علاقتنا على الصراحة والثقة والتفاهم والتشابه الفكري الكبير للحياة علاقتك مع امك؟ صديقتي اكثر من ام علاقتك مع اباك؟ ومن الأقرب اليك؟ سندي و مساعدي في طموحاتي و درعي الكبير الاثنين اقرب الي من بعضهم لا تمييز بينهم بتاتا هل انت غيور من احد؟ لأكون صريح عندي غيرة من الناس النشيطة الاجتماعية الممتلأة بالنجاحات والثقة لانو عندي قلة حيلة بهيك امور .. هل انت تغار على احد؟ لا طبيعي الاشي علاقاتك بأصدقائكَ؟ انا انسان بيقدر الصداقات اكثر من الحب والعلاقات العاطفية ان سمحت لصديق بالدخول على حياتي ف معناه انه اختار البقاء للأبد بجانبي كان شب او بنت و الصداقة بالنسبالي هي شيء انقى واكبر واكثر ديمومة و جمال من الحب نظرة الناس اليكــ؟ شخص ايجابي متفائل ضحوك قوي الشخصية هل تندم على علاقتك مع احدالأشخاص؟ ابدا ان كانت علاقتي سيئة بأحد بتكون تجربة تعلمت منها شيء ................ فقرة اسود وابيض (اجب بضد او مع)والسبب هل انت مع او ضد تعدد الزوجات؟ ضد وبشدة متل ما شريكتي حبتني واخدتي و بتحبني اكون الها جسديا و عاطفيا انا مفروض ابادلها بنفس الشيء تماما هل انت مع او ضد المرأه تطالب بحقوقها؟ مع طبعا انا مطالب لحقوق المرأة اكتر من المرأة نفسها لأنو المرأة لولاها ما تكونت مجتمعات و امم كاملة المرأة اقوى و اكتر تحمل للمسؤولية من الذكر هل انت مع او ضد التطور المستمر ؟ مع طبعا التطور شيء طبيعي و من وحي الطبيعة يعني الشخصية لا اراديا بتطور مع الوقت بدون و عي من صاحبها حتى كلنا لو نظرنا لنفسنا قبل سنوات وقارنناها حنلاقي انفسنا تطورنا جدا بدون ارادتنا هل انت مع او ضد النت؟ مع طبعا النت فيه كل شيء وين انت بدك بتروح بدك علوم و ثقافة وفهم حتلاقي بدك كلام فارغ حتلاقي كل شيء موجود بعالم النت لهيك وجوده شيء جميل بالحياة هل انت مع او ضد حب النت؟ مع طبعا اذا كان فيه امكانية الوصول للواقع ف مع لانو حب النت اصلا بيعتمد على الشخصيات اكتر من الشكليات بعد التوافق الفكري والشخصي لما ينتقل الحب للواقع بيكون حب جدا رائع اما لو بقي ع النت ف لا مصيرو الانتهاء هل انت مع او ضد دخول المرأة في السياسة؟ مع طبعا بما انو الرجال اله الحق بالدخول بالسياسة يبقا المرأة الها نفس الحق و ع فكرة انجح الدول الكبرى زعيمها امرأة هل انت مع او ضد الاختلاط؟ مع طبعا المجتمع عبارة عن ذكور و اناث والحياة كلها ذكور و اناث منع الاختلاط من اغبى و اكتر الامور تعقيدا الاختلاط ولا عمرو كان مخيف ومش معنى اني سمحت الاختلاط يعني سمحت باقامة علاقات جنسية بين الطرفين ومو معنى الاختلاط انو حيكون في فرصة للجنس ابدا الاختلاط اسمى واقوى و افضل وانقى من هيك امور الاختلاط هي المشاركة ببناء مكان وكيان ووجود قوي وثقة اكبر بين الاشخاص والمجتمع نفسه هل انت مع او ضد مقولة "الغاية تبرر الوسيلة" ؟ لا طبعا لانه ببساطة ممكن الوسيلة تكون سيئة والغاية تكون جيدة وقتها وسيلة القتل من اجل الانتقام مش غلط و وقتها وسيلة العنف من اجل السلام مش غلط و وسيلة النفاق من اجل الحب مش غلط لهيك الغاية ما ب تبرر الوسيلة ................ فقرة الـــقناع هذه الفقره يتم فيها الع ـضو بارتداء القناع والاجابه من وراء القناع أي ليس من شخصية الع ـضو لو قتلت تقتل من؟ الجهل لانه اكتر الامور الي بتؤدي للهلاك وهو الي بيأدي للفساد وللفقر وللظلم وكل شيء لو احببت تحب من؟ الوحدة بين اطراف المجتمع والحرية بين الجميع هل انت صريح؟ جدا لدرجة بتحسني غبي من كتر صراحتي هل تحب نفسك؟ عندي رضى عن نفسي وعندي حب لنفسي لكن شخصيتي بنقصها الكثير لتكون متل ما انا بحلم هل انت مغرور؟ بالعكس الناس الي بتعرفني بتعاني عشان تحسسني اني شخص كويس ومنيح متل باقي الناس مش شخص سيء هل تحب الالم لغيرك؟ ابدا بحط حالي مكان الي قبالي قبل ما اعمل اي شيء بفتعله تجاهه هل تعلم بأن جميع الناس يكرهوك؟ يمكن خانهم التعبير وحسو بالكره لانهم مو قادرين يحققو امور انا محققها هل تعلم ان جميع الناس يحسدوك؟ يمكن لاني بعرف بعض الناس بيحسدوني لانهم قراب مني يمكن بحسدوني لانو عندي تحكم بانفعلاتي و بشخصيتي وعندي شخصية متماسكة ................ مواقف مررت بها تحدث لنا عن : موقف مضحك؟ اغلب المواقف المضحة بتصير بيني وبين اصدقائي واهلهم لما ابين قدام اهل صحابي اني شخص كتير كويس و مؤدب و اني محترم و ما الي على الامور السيئة واني الصاحب الي بيحبو كل ابو وام لابنهم ف بيصفن فيا صاحبي الصفنة تعت انو مين هاد الي قدامي كيف قلب قدام اهلي هيك هاد مش صاحبي هاد مش الي بعرفو من كتر ما هو مؤدب موقف حزين؟ اكتر موقف مؤثر الي كان وفاة اكتر من حيوان بحبه الي و النخلة الي بحبها الي عمرها 65 سنة وقعت وماتت موقف مفاجئ؟ لما اجيت وشفت انكم عاملين تهنئة لعيد ميلادي بوقت كنت ببحث عن اي شيء حلو احسو حسيت كانها علامة ع اني ابقى واللتصق بهالمكان لانو ممكن الاقي امور حلوة وهيك موقف اسعدك لدرجة البكاء؟ جاري البحث عن موقف زي هيك ما شاء الله الاسئلة كتيرة وبتتعب حسيت حالي حكيت عن حياتي كلها بالاستضافة جدا حلوة الاسئلة واجبتها بكل صراحة وشفافية حبيت الموضوع جدا وحبيت الاستضافة وكل شيء بهالمكان تحياتي الك كتييير |
الناس الي انذكرت هنا نسيت احطلها منشن هي المنشن هنا @البريئة ! @الملاك البريئ @انجلينا جولي @ميمآآ @هارب @مُورفِينْ يا رب تزبط التاجات :132: |
اقتباس:
ههههههههه اسمي بس @هارب @انجلينا جولي @الملاك البريئ @ميمآآ @مُورفِينْ |
يسلمو الله يبعتلك ايام حلوة و سنين احلى |
| الساعة الآن 11:27 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.