|
ورقع وراها يا كبير ههههههههه سمعت انو في نسوان عقارب بتفوت الوحده ع أكاونت جوزها عالفيسبوك وبتكتب تعليق لحالها يعني مثلا بتكون كاتبة بوست لجوزها صيامًا مقبولًا يا أحلى شريك بالدنيا ، بحبك ❤ طبعا جوزها مش فاضي ولا معبرها ولا طايق يكتب اشي ولا عارف اصلا شو بدو يكتب و بحبش الجو هاد اصلا بس مشكلتو الوحيده انو ( الباسوورد ) مع مرتو بمر عالبوست نص ساعه ، وفش حدا معبرو ، وهي خافف عقلها ، فش عليه غير لايك من ( زهرة السفرجل ) و في لايك خبيث من اخت جوزها هاد معناه انو اخوي مش معبرك يا عقربه طبعا هي بتصفن شوي ، وبتحط الشيطان ع جنب ، بتقلو ارتاح يا غالي ، وهي قاعده بتغير لإبنها الحفاضه ، ورجليه مرفوعين لفوق ، بتشلفقلو الحفاضه شلفقه ، وبتحط الرضاعه بتمو ، وبتزيحو ع جنب ، وبتمسك موبايلها ، بتمسح الشاشه ب اصبعها الابهام وهي بتفكر ، بتفوت عالفيسبوك وهي بتقول بعقلها ( ولك هي مطولة معك يا بارد ) قصدها عن جوزها طبعا ، بتفوت ع اكاونتو ، وبتفوت عالبوست تبعها ، بتحط لايك ، وبتكتب تعليق : يسعدلي ياكي يا عمري ، بحبك اكتر ❤ عفكره طبيخك اليوم كان بشهّي كالعاده ، والله نسيتيني طبيخ اهلي ( الفقرة تبعت اهلي هاي جكاره ب اختو مشان تروح توصل لحماتها ، شفتي شفتي ابنك يما شو كاتب لمرتو؟! مش عاجبو طبيخك بتطلع من الفيسبوك ، زي الحية اللي لونها ذهبي مزيّت ، وبتقعد وبترتاح ، وبتمسك الريموت ، وبتمد رجليها عالطربيزه اللي قدامها ، وبتمد ايدها ع صحن القطايف اللي جنبها ، وبتسلخ حبتين مع قطر ، ومشان تضل بالسليم ، بترجع ع اكاونتها وبترد ع تعليقو : يا حبيبي انتا ، اكيد لا غنى عن اكل اهلك هون بتكون طلعت من القصه زي الشعره من صحن الشوربه ، وعملت حرب مع جوزها ، واختو ، و امو ، والحزين هو اصلا راح ينام نص ساعه بعد الفطور ميشين كومبليت ورقّع يا كبير |
ههههههههههههتباً المسكين وقع بمشكلة مآ بيعرف تفآصيلهاآ انآ مرةة نزلت بوست مع الشسمو و حسيتو مش مهتم لهيكك قصص بطلت اشآركك معوو شي عادي يعني ههههههه انآ عارفة عن هالعآلم المهم غسلت اديهاآ و لاآ لأ هههههه الله يقرفهاآ حلوو ’ يسسعدكك |
ههههههههه وقع المسكين الله يعينه شكرا لك على النكتة يعطيك العافيه دمت بخير |
هههههه مسكين شكرا لک يعطيک العافية تحححياتى |
ههههههههههههه شو بدو يرقع ليرقع راحت عليه هههههههههه يسلمووو دياتك مؤيد روعه |
اقتباس:
ههههههههه شو بعرفني اكيد ما غسلت ايدها بس اكيد غسلت مخها بعد الجريمه يسعد صباحك وبتضل نهفه |
اقتباس:
الشكر الك كمان نورتِ |
اقتباس:
هههههههه اشكرك للحضور نورتِ |
اقتباس:
وكلمه حلوه وبنتهي الموضوع وبرجع بسلخ مرته كفين وبغير الباسويرد هههههههههه يسعد صباحك وساموو |
| الساعة الآن 10:39 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.