|
سلختني لايك عالكومنت فاحببتها بجنون ههههههه مرة زمان دخلت على بيج لمكياجات النسوان شفتهم منزلين صورة عيون مرسومات رسم عقولة امي : ( هيك كُل شرحة عين ) !! المهم كتبت كومنت ،، ماشاء الله عيون غزال ،، المهم بعد نص ساعه دخلت عالفيسبوك لقيت انو في حدا عامل لايك للكومنت تبعي الا هي وحده اسمها ( شرقية وافتخر ) ،، طبعا طبعا صرت احبها ، وعيوني لمعو ودخلت ع بروفايلها ، ونبشتو نبش تعزيلة عيد قلبتو فوقاني تحتاني ، كلو صور عيون مكحلة وبنات صافنين من جوجل ، وفراشات طايره وصورتين مكتوب عليهم : مستبدة والامر يروق لي ووقف يا قلبي و ريحني ،، و اللي جابك بجيب غيرك! طبعا صرت اغار عليها و هريتها مسجات اكلت راسها فوقاني تحتاني بحبك و بحب بروفايلك وصورك وانا قصدي شريف و قعدت اسبوع مقضيها صباح الخير و مساء الورد الجوري و ابعتلها اغاني ، طبعا هي ما ردت !! بس انا رسميًا خلص انبليت منتو عارفين شب اسباني وقلبي رهيّف و حساس و عاشق و دراما وهيك !! اخر مسج بعتت : عفكره بما انك ما بدك تردي ولا تعبريني ليش تعملي لايك عالكومنت تبعي؟! ليش تعلقيني فيكي؟! ليش تعلقيني ب حبال الوهم؟! ليش الغدر اللي فيكي؟! ليش هيك تعملي؟! انا عشقتك؟! انا حبيتك؟! طب اشمعنا اخترتيني من بين ٣ كومنتات؟! اكيد عجبك اسمي؟! اكيد عجبتك صورتي؟! عفكرة صورتي هاي بالعقبه وانا بالشباح الكحلي اللي عليه هايبكس وعليه رقم سته بالانجليزي؟! كنت متأكد انها رح تعجبك؟! طب ردي بكلمة عالقليله!! طب احكيلي اي اشي! ريحيني! انا محتار! ارحميني !! بعد ٣ ساعات اجاني مسج منها بيقول : ولك يا ***** ولك انا شب زيي زيك يا **** ولك اكلت راسي مسجات ، يلعن اخت اللايك اللي عملتلك اياه مش ضايل الا تنام عباب دارنا ،، تفووو عـ ***** !! طبعا و بما اني شب اسباني برضو ،، قلت لاااا هاي اكيد بنت مش شب و بدها ياني ما ابعت ،، يا عمي قلبي قلبي مدمرني ! بعتلها : عفكره انا عارف انك بنت يا شرقيه ، و بتحكيلي انك شب مشان ما ابعتلك ،، و انتي اثبتيلي انك البنت اللي بدور عليها ، اللي مستعده تحول حالها لذكر مشان ما ترد ع شباب ، بهنيكي ، انا هيك صرت احبك اكتر !! ( يومها بعتلي صورة ،، خلاني انخرس رسمي :/ بديش اشرح كتير عن الصوره ، بس خلص صدقت انو شب و بتخوت ،، وعملتلو بلوك اصلاطن :( المهم كتبلي تحت الصورة : طب وهيك؟! انا شب ولا بنت؟! ) خلص باي ، اصلا انا بكرهكو :( تحكوش معي ،، بطلت اكتبلكو اشي ،، طب شو اعمل ، مهو ما كان في بنات وهيك ، وانا اطرم وصدقت ، طب مهو كان كاتب شرقية :( و حاطت صورة عيون بنت :( طب هوه ليش يفوت عبيج مكياجات وهيك؟! طب انا ليش افوت :( طب ليش يحطلي لايك عالكومنت؟! مهو عارفني اسباني :( بطلت العب :( هاتو الطابه هههههههههه تاليف عمر زوربا |
:114: :114: اعلق و لاآ مآ أعلق :136: حآل الشآب العربي للأسف ههههههههه اسبآني قلتلي آه هههه هاد عمر زوربآ عليه كل نهفة و لآ هي الله يسعدك |
ههههههههههه يزم والله انك مو طبيعي مش هيك يعني ول يزم مؤيد زوربا وانا ما بعرف صاير تألف من ورآي ولك مآشي يآ كبير بس جد الشعب الإسبآني بجنن :p ! |
هههههههههههههه اصلا الحق على الفيس يلي خلاه يعمل حساب ويعملك منو لايك حرقلك مشاعرك يا اسباني هههه باي حارة من اسبانيا طيب هههه والله نهفة يسسلمو عالادراج اخي |
اقتباس:
وفعلا للاسف بركضو ورا اوهام لهيك مو كل حدا بتأمن عالفيس نورتِ ميناس |
اقتباس:
هادا ابن عمي عمر يخرب بيت اهله مصيبه هههههههههههه عليه شغلات تابعه انت انحبس اكم مره اخرها كم سنتين نزل بوست زواج ابن وزير هههههههه هلا بعيونك محمد نورت |
اقتباس:
هههههههههه كله لابس ببعضه الشاطر الي ما بوقع شفتي انحرقت مشاعره للاسباني هههههههه نورتي رفيقه القمر هلا فيكِ |
هههههههههههه طيب مآ جربت تنزل انت زوآج بنت رئيس الوزرآء مشآن نجيبلك عش وحلآوة :p ! |
هههههههههههههههههههههههههاي لك وحياةةة الله موتت دحككك مؤيد انا وإختي والله نزلت دمعاااتي من كتتتتر الدحككك الله يسعدلي الكاتب الكبيير والمؤلف العظيمم عمر زوربا ويسعدلي ياككك ي رب ع انككك دحكتني صارلي زمااان ما دحكككت هيك يسلمو ايديك ي رب جوريااااتي لألبك ي طيب |
اقتباس:
مش ممنوع بس في الاردن مناكل هوا وبمنعوونا من الدخول خليها مستوره يا زلمه هههههههههه حبيبي محمد |
| الساعة الآن 12:50 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.