منتديات بنات فلسطين - انطلاق فعاليات برنامج 50 سؤال (مع ملكة الاحساس)

السلام عليكم ورحمة الله وبركاته

بسم الله الرحمن الرحيم

مرحباا صباايا وشباب منتدى بنات فلسطين

اليوم انا حابة اعرض عليكم فكرة عجبتني كتيير وحابة اطبقها هون بالمنتدى

بدي انبهكم انو هادا الشي مش رح يكون موضوع بل هو برنامج حبيت اغير الفكرة

رح اعطيكم معلومات اكتر عن هالبرنامج مع العلم انو رح اكون انا مقدمة هالبرنامج

اسم برنامجي رح يكون ( 50 سؤال مع ملكة الاحساس )

وهادا البرنامج رح يكون مكون من 5 فقرات كل فقرة رح تحتوي على 10 اسئلة فبالتالي حيكون مجموع كل الاسئلة 50 سؤال

بالنسبة للفقرات حيكون الها اسماء يعني

الفقرة الاولى اسمها ( البطاقة الشخصية للعضو ) يعني نتعرف على العضو من ناحية الاسم والعمر ...الخ

الفقرة التانية اسمها ( نعم او لا ) يعني العضو بس هيجاوب بنعم او لا فقط ولو في اي توضيح اكتر للاجابة فهادا بيكون كرم منو بيفيدنا اكتر

الفقرة التالتة حيكون اسمها ( أسئلة عامة يعنى رح تكون اسئلة نقاش) يعني رح اطرح 10 اسئلة للعضو مختلفين ولازم بهاي الفقرة يكون الجواب كامل

الفقرة الرابعة حيكون اسمها ( اوصف العضو بكلمة) رح تكون عبارة عن 10 صور ل 10 اعضاء وهادا الضيف يلي رح نستضيفو رح يوصف العضو يلي رح يشوف صورتو بكلمة فقط مش اكتر

الفقرة الخامسة والاخيرة اسمها ( وجه رساله للعضو يلي بالصورة ) رح تكون بردو عبارة عن 10 صور وضيفنا حيوجه رسالة للعضو يلي رح يشوف صورتو

مع العلم انو ضيفنا رح ابعتلو دعوة عالخاص لنعرف ازا ممكن اعمل معو لقاء او لاء وكل عضو رح يقبل دعوتي لازم يحكي تعهد برنامجي وهو:

تعـــــــــــهـــــــــــد

اتعهد انا العضو / .................................................. .

ان اكون اكثر صراحة ومصداقية وجرأة وقدرة على مواجهة اي سؤال بكل شفافية ملتزما بقواعد برنامج ( 50 سؤال )
وحريصا على حق اي عضو في معرفة الحقيقة كاملة

الموقع أدناه/.......................

هاي كانت فكرتي بتمنى تعجبكم وبتمنى الاقي منكم تفاعل كبير ..

انتظروني انا ملكة الاحساس مع ضيف حلقتي ..

..تحيااااتي..