|
التكنولوجيا وما ادراك ما التكنولوجيا....راق لي كتب واحد غاضب عن التكنولوجيا 😡 يلعن أبو الفيسبوك ع أبو اللي اخترعه 😠 بطلنا نشوف حدا ولا نقعد مع حدا ولا نعرف حدا ولا نقرب على حدا 👀 بطلنا نقعد ع باب الدكان نشرب بيبسي و نفورها 😥 بطلنا نطلع عسطح الجيران و نرمي حجار صغيره ع ولاد الحاره 😁 بطلنا نوخد معنا كيس بردقان و نزور اللي اجرو مكسوره و نوكل البردقان عندو 🍊🍊🍊 نسينا اشكال الناس 😏 لا بعرف مين جيرانا ولا مين جنبنا 😞 بطلنا نروح ع جارنا اللي اجا من العمرة يشربنا مية زمزم ☹ العزا عالفيسبوك 😳 والعرس عالفيسبوك 😱 والخطبه ، واللمة ، والخِلفة ، والطوشه ، و ام يوسف غادرت المجموعه ❗❗❗ الاحساس صار عالفيسبوك 😎 نوال تحس بوجع رأس 😫 و وائل يشعر بالنعاس 😴 و محمد يشعر بالحب 😍 وامل تشعر بالوحدة 😔 حتى اذا اضطرينا وقعدنا مع بعض خاوه كل واحد وجهه ضاوي من موبايله ، وعالفيسبوك 📱 وبتوصل معنا انو نحكي مع بعض عالفيسبوك واحنا جنب بعض 👎🏼 فش لمة نسوان الصبح تحت الياسمينه 👩👩👦👦 صار في مجموعة بنات العيله عالواتس اب و نسوان الحارة كلو تكبيس و سحب وتتش 😑 كانت جارتنا تفتح بالفنجان لكل نسوان الحاره الصبح وكلو كذب 😂 و تفسر احلام غلط 😜 بس كانو مبسوطين 😀 هسا اذا حلمنا ما النا الا جوجل 😮 كانت جارتنا (أم ايمن) اذا طبخت صحن رز تنادي ع امي من الشباك تذوق منو 👅 هسا بنصورو و بنزلو انستغرام و بنوخد رأيهم بالصوره 📷 🎑 يا عمي بدي أقعد بالحاره 😣 بدي العب طماي ، بدي اتخبى بدارنا بالعقل ، بدون محدا يمسكني اونلاين عالواتس اب 😰 ولا أون لاين عالفيسبوك 😭 يلعن أبو التكنولوجيا 😡😠😡😠 يا عمي رجعولنا أيام زمان |
ههههههههههههه صادق ياشيخه يخرب بيت الانترنت ايام زمان احلا يسلمووو علي الطرح |
والله صدق بطلو الناس يعرفوا اخباربعض ولايزوروا بعض متل زمان^^ يسلمو الملاك على الرح الرائع ودي |
اقتباس:
نورتي بحضورك اميرة كل الشكر الك |
اقتباس:
مشكورة ع مرورك الحلو |
والله الحياة فعلا مااشية بالعكسس ما احلى اياااااام زمان وقعدة زمان وروح ايام زماااان طرحك واقعي جدا الملاك يسسعدك ع الطرح |
كلامك كتير صح يسلموو ع الموضوع يعطيكى العافيةة |
رؤؤؤعه كتير يسلموو دياتك |
باختصار الله يرحمنا ويرحم ايام زمان مقارنه كبيره لكن التقنيه اصبحت من الحياه اليوميه الاوروبيون يستعملون هذه التقنيه لمصالحهم المنفعه اما بالوطن العربي اعدين بيستعملوها للايل والالنا مشكوره على المجهود الوطن والغربه |
فعلا ايام زمان احلى ولمة العيلة بتجنن شكرا الكو عالمرور الحلو |
| الساعة الآن 12:20 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.