|
قصه اليوم نايم_والبحر_عايم - أنا من الناس الي بتخاف تنام بالباص :/ لإنو مهما كانت المسافة بعيدة ، بضل عندي فوبيا من أشيا كتير ! فوبيا إنو يروح علي المكان الي نازلة فيه ، فوبيا إنو تلفوني ينسرق ، فوبيا إنو حدا يكون بتأمل وجهي ونا نايمة ، فوبيا إني يخطفني معجب من اول لمحة ! 😰 بس بستغرب كيف كتير ناس ما بفرق معهم اشي ، و بنامو بالباص و ممكن يشخرو او يعبطو الي جنبهم عادي ! 😳 أنا عمري ما عملتها ، بس اليوم ، طلعت ع دوامي مش نايمة غير ساعة بس بالزبط !! و لما إجا آخر الدوام ، كنت شايفة كل الناس روسهم مخدات ! كنت ماشية بين الباصات زي واحد عامل عملية و هارب من المستشفى و هو لسا تحت أثر التخدير ! عيوني مسكرات و بتمايل يمين شمال و فاتحة ايدي و بمشي بسرعة و بتعرقل ! و مش عارفة استوعب لسا أي باص اركب ، سمعت واحد واقف جمب باص بنادي طبربور ماركا زرقا ، اول ما لمحت كلمة طبربور رميت حالي عالباب رمي ، شايفين الدرجتين الي بكونو عباب الباص ، تسلقتهم تسلق ونا بزحف ، و تشعبطت ع أول كرسي ورا الشوفير ! فش فيني حيل ! نص غافية ! النص التاني سايح من الشوب ! وصلت الكرسي ونا ماسحة ببلوزتي شحبار كنادر نص أفراد المملكة ! مرقت أول عشر دقايق ! وحنا لسا بنفس المكان الي ركبت منو ! أزمة رهيبة ! شوب ساحق ! و فوق هيك الباص مشغل شيلة ، من هدول الي بنعسو تاعون طريق جرش ! صرت كل شوي أنقز ألاقي حالي كاينة غافية و راسي واقع ع كتفي ! رحت عبطت شنتتي مع انو فش فيها غير ليرتين و نص ، و علبة عطر خالصة ، و سندت وجهي ع قزاز الشباك مشان ما يضل يلولح زي راس الكلب الي بحطوه ع تابلو السيارة ! و من الشوب و الحم ، وجهي بلمع ، ملمسو مائي ، ممكن ازا بتحط إصبعك ع وجهي ، يغوص و يسلم ع جمجمتي ، قد ما أنا سايحة ! المهم الطريق طولت ، صارت نص ساعة و أنا لسا بعيدة عن بيتي ، و أغنية الباص مصرة تنيمني ! بنص الطريق طلع جمبي شب وسيم ، وسيم يعني جميل بامتياز ! واضح انو موظف شركة بس لو الحياة تعطيه فرصة ممكن يصير موديل و يعمل دعايات عطر غالي ع mbc ، أنا جمبو من السعادة غفيت مبتسمة و حلمت حلم جميييييل ، انو هاد الشب الوسيم خطفني و عشنا بسلام بحياة خالية من القروض و الديون ! ، وقتها كاين هو و كنترول الباص و شب عالواقف صافنين بوجهي ، مو لإنو وجه ملائكي لا ! لإنو وجه مبتسم بالرغم من انو مبتل و بالرغم من ارتجاج القزاز الي مسنود عليه زي الهبلة ! و كانو بتطلعو ببعض و بضحكو علي ! 😷 المهم بدون طول التفاصيل الكندرائية ، صحيت بمجمع الزرقا ! الكنترول صحاني ! ساعة و أنا أقبع وجهي عن القزاز ! حتى علم عليه دائرة من الفاونديشن و شوية جلد من وجهي ! قمت زي المجنونة ادور ع تلفوني ما لقيتو ! و لما سألت الكنترول حكالي ما دخلني ! مش ضروري تنامي و تبتسمي بالباصات ! نامي بدار أهلك ! أنا مو زعلانة ع اشي هلأ غير إنو ليش تحققو مخاوفي التلات ! و الرابعة تاعت الخطيفة ما تحققت ! ليش ما خطفني الوسيم الحقير ؟ واكيد لي عوده بقصه جديده |
ههههههههههههههههههه حبيتهاااا الله يسامحه هالوسيم كتررري من هالنهفات اكليل شكراا ^^ |
|
ههههههههه تلآقي الوسيم فقع ضحك عليهاآ حلوةة كتير يسسعد قلبك |
|
هههههههه حبيت القصة حلوة كثير انا بانتظار جديدك المميز |
|
ههههههه حلوة كثير حبيتها بانتظار جديد گ |
ههههههههههههه حلوة كتير بانتظار نهفات جديدة ودي |
هههههههههههههههههههه نصيبك عاد شو بدك تعملي قصة حلوة كتيييير كتييير بانتظار جديدك اكليل |
هههههههههههههه لك وينك من زمان زمان عن قصصك الخرافيية ارجعي نامي طيب يمكن يرجع يخطفك ههههه يسعدك ما اجمل طرحك |
اقتباس:
لا خلا ولا عدم |
اقتباس:
لا حرمني الله تواجدك |
اقتباس:
الاحلى تواجدك لا خلا ولا عدم منور |
اقتباس:
المشكله نادرا اقعد عالجهاز عموما ان شاء الله استقر وارجع ادخل كويس منوراني |
هههههههههههههه عجبتني نصيبها يسلمووو اكليل |
اقتباس:
كل الود اكليل |
هههههههههههههههههههه هههههههههههههه ربي يسعدكك والله ضحكت من قلب هههه نصيبكك بنتظار جديدككُ |
| الساعة الآن 06:56 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.