منتديات بنات فلسطين - العفو عند المقدرة بقلم حسام الزهراني

السلام عليكم ورحمة الله وبركاته

لاغــاب صـــوتك ارتــــحل
وقضيت عمري في سكوت
بقــــول يالله فـــي عــــجل
تفني لي العمـــر وأمـــوت

مثل البحر لا هاج موجه وارتطم
في مركبٍ عاني ويسكنه مجروح
وشلون بعد الجرح ودك يبـــتسم
وامواج بحرك سببت داخله نوح

مثل الكفـــيف ليا حلم انه بصــير
وفتح عيونه ومالقى غير الظلام
وش تعتقد عقب الغمـامة بيصير
غير الدموع اللي على هذا المنام

مثل اليتيـــم اللـــي تمنَّــــى والــــديـــه
مـــن كثـــر ما يسمـــع ترى هذا يتــيم
يصيح يمه،،، ويروح صوته ثم يجيه
يقــــول لا تصــــرخ ترى صوتك عديم

مثل الرعد في جور صوته لا ضرب
يفجـــع قلـــوب أطفالنا من ضـــجته
يرســـم ملامـــح طفل تملاها العجب
يمســـك يديــن أمـــه ويقـبض مدّته

مثل الصدر في سكرته اليا شهق
يألـــم ضــلوعٍ بايتـــه في نومها
ميت ألم ميـــت تعب ميــت زهق
تعلن ضلوعه ضعفها من خوفها

شبهت لك معنى غيابك في سطور
وبينت لك وشلون يرهقني الغياب
أرجوك يا معنى السعادة والعطور
ترفــــقي في حالتي يكفــي عذاب

وش يشبهك ؟؟
وانتِ بدايــات الدفا
وش يشبهك ؟؟
وانتِ حكايات الوفا

من يشبهك ؟؟
وانتِ لك أنفاس البخور
من يشبهك ؟؟
وانتِ في الهيبة غرور

يا الناعسة ،، يا الناعمة ،،
يا آخر نهايــات الشتـــات
يا الحالمة ،، يا الظالمة ،،
يوم أغلب حروفك صفات

حني وعــودي مســـكنك ،،
قلبـــي ينــاديك بخـــــجل ،،
يفرش عروقه لحضرتك ،،
وترقص شرايينه وتهل ،،

أوعدك صفحة وتنطوي،،
والجرح عنّــــك بسهره
يلا تعــــــالي وأصفحي
والعفو عنـــــد المقدرة،،