| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
قصه اليوم كم ضايل للاذان
أنا من صحيت ، و أنا حاسة هاليوم نكد ! لإني أصلاً مش متسحرة ، إمي حلفتلي ميت يمين إنها اجت و صحتني عالسحور! بس أنا مش متزكرة إنو حدا
| | LinkBack | أدوات الموضوع | انواع عرض الموضوع |
|
#1
06-11-2016
| ||||||||||
| ||||||||||
قصه اليوم كم ضايل للاذان أنا من صحيت ، و أنا حاسة هاليوم نكد ! لإني أصلاً مش متسحرة ، إمي حلفتلي ميت يمين إنها اجت و صحتني عالسحور! بس أنا مش متزكرة إنو حدا حكالي قومي ! ضليت نص ساعة مصرة و أحكيلها لا ما حدا صحاني و ليش ما صحيتوني ! آ خر اشي فقعت معها و كان بإيدها مسبحة ، سلختني فيها بأحمى ما عندها ، حتى الخرزة منقوش عليها كلمة سبحان الله علمت ع رقبتي ، أنا عصبت و رحت ع غرفتي و أنا أسب ع حالي و لسا مصرة انو محداش اجا و صحاني ، كنت معصبة و بقمة عصبيتي ، و خلص مش شايفة قدامي ! ما صارت الساعة خمسة المسا إلا أنا مسخسخة من الجوع ! أي اشي بشوفو قدامي بقعد أطاوش فيه ! خلص جوعانة و مقهورة ! و مش طايقة الهوا نفسو ! قبل الأذان بساعة و أنا مرتمية ع أرض البرندة و بعيط من الجوع و فش فيني حيل حتى أقوم من مكاني ، إمي نادت علي ، بتقلي تعالي كنسي غرفة القعدة ! أنا أنصرعت ، كيف بدك أكنس و انتي شايفة حالتي ! إمي عصبت و بصوت حاد حكت تعالي كنسي بقلك ! هيها عالسريع بدهاش اشي ! أنا قمت بالويل عن الأرض و رحت بمشية ضابط لإني معصبة أجيب مكنسة الكهربا ، و صرت أطلع أصوات بتشبه صوت صهيل الحصان ، مع نبرة عياط ، لإني خلص واصلة حدي من الجوع ! شايفة إمي فخدة جاجة ! و خواني سمبوسة ! حطيت المكنسة عالأرض و اجيت أشغلها ، ما اشتغلت ، ضليت أكبس و أخبط بالكبسة و ما رضيت تشتغل ، آخر اشي عصبت ، اجيت أشوتها برجلي ، إجت رجلي بطرف الطاولة ، اصابعي تكسرو ، صرت أنط و أصرخ و ألقي موشحات ، إمي ما طاقت غبائي ، اجت شلحت حفايتها و صارت تضرب فيني ع جنابي و تقلي ، " ولك محملتينا جميلة انك صايمة ، ولك يا عاهة ، يا بقرة ، يا تيسة ، منتي مش حاطة فيش المكنسة بالكهربا ، اه يا كندرة ، كيف بدها تشتغل ، ولك يلعن امك .. الخ ! " المهم ساعة و انا أفلت حالي من بين ايديها ، بعدين حكيت ولله ما أنا مكنسة و رحت أفوت ع غرفتي ، و أنا ماشية بدي أحرد تعرقلت بأخوي الصغير ، وقع و اجا راسو بحفة الحيط ، و هات الي يسكتو ! إمي صارت تدعي علي ، أبوي صحي من عياط أخوي و اجا عالصوت ، التاني صايم و معمي قمارو عالمزبوط ! و فوق هيك صاحي من النوم ! يعني بخوف أكتر من الثور الهايج جوا حلبة مغلقة ! و طبعاً اول ما شاف امي بتدعي استوعب اني أنا ضاربة أخوي ! راح فك عصاية المكنسة ، هاي الي بتشفط ، الي بتكون حديد ، و لحقني فيها ، أنا فش فيني حيل أهرب ، صرت أعيط و ارجع لورا و أحلف إني ما عملت لأخوي اشي ، بس أبوي بهديك اللحظةة ما كان بستقبل ، عنيه حمر ، و بطلع دخنة من مناخيرو ، ضل يمشي باتجاهي لحد ما حشرني بالزاوية ، و نزل فيني ضرب لحد ما طعج عصاية المكنسة ع ركبتي ! المهم قمت ونا بعرج و بعيط ع غرفتي و حبست حالي ، و هيهم أفطرو و أنا لهسا ما أفطرت و حردانة .. - هلأ جد جد ، الحق ع مين ؟ ليش الواحد بنكد بس يجوع ؟ م/ن المصدر: منتديات بنات فلسطين - من قسم: النكت والطرائف rwi hgd,l ;l qhdg ggh`hk #;l_qhdg_ggH`hk #l`;vhj_fkj_lk;,sm  |
| الكلمات الدلالية (Tags) |
| #كم_ضايل_للأذان #مذكرات_بنت_منكوسة |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الكلاسيكو السعودي اليوم مباراة الاتحاد والهلال اليوم | صمت المشـاعر | ": صدىَ المْلآعِبْ ..•▪ | 7 | 10-14-2016 11:21 PM |
| حدث فى مثل هذا اليوم | هل كان حباً | الأפֿـُبآر والـأפـدَآث | 5 | 01-01-2016 10:21 AM |
| نكت اليوم | دلع ميدو | النكت والطرائف | 16 | 02-05-2014 10:56 AM |
| حدث في مثل هذا اليوم | Alaa ghanem | ะ» فِلِسطِيـטּ وآلقَضِيـةٌ |▪●™ | 6 | 01-09-2014 08:57 AM |
الساعة الآن 08:57 AM
