|
حكمة اليوم انا هبلة وعبيطة وبريالة لما قررت ادخل المطبخ,, هاد يا اخوان القصة وما فيهاقبل ما يأذن المغرب بنص ساعة ... كنت مروحة من جامعتي وتعبانة وحالتي حالة ... وصلت عال3 فتت عغرفتي رميت حالي على هالتخت وصحيت عال6 ضليت عالفيسبوك لل7 وبعدها بعيون ناعسة وجسم مرهق وريق ناشق تقدمت على المطبخ ... كانت امي واختي غارقات بالطبيخ غرق ... اختي تحرك اللبن .. وامي بتعمل بالرز وبتجلي ... انا حكتلهم مرحبا...ما حدا رد علي ... المطبخ قايم قاعد .. فانا صرت الفلف بالمطبخ اشوف شو عاملين اكلات .... رن تلفون اختي حكتلي سوسو حركي اللبن على بين ما اجي ... واياكي وشددت على الياء توقفي تحريك وراحت ! امي خلصت شغل المطبخ وطلعت وضليت انا واللبن والنار لحالنا ...قعدت احرك .... صرلي 5 دقايق بححرك وايدي بلش يصير عندها شلل اطفال ... خشبت مثل الخشبة حكيت بترك التحريك شوي وبشوف الفيسبوك .... شو رح يصير يعني .... تركت اللبن عالنار يغلي ويغلي ويغلي ووفتحت الفيسبوك هون شفت صاحبتي عبلة got engaged انا شفتها من هون وما ضل براسي عقل ... صرت اضرب اسداس باخماس ... هاي الحولة خطبت قبلي ... واتصل على سميحة واحكيلها شفتي خطبت الغولة عبلة وانا وياكي معنسات ... وبلشنا حش فيها .. اصلا بتعرف مليون شب ... ابصر كيف علقته .... ورايحة جاي بالمطبخ وصوتي كل ما بالو بعلى والقهر والكيد لي جواتي بطلع .... وانا الولح بأيدي .... اجت ايدي على طنجرة الرز ووقعت .... الي هي امي تركض على صوت الطنجرة ..شو عملتي يا كلبة ! ... انا هون وقفت مكاني وحكتلها شوي وقفو المشهد رجعت الرزات الي انكبو على الطنجرة وحكتلها خلص هيك ... فكرت حالي نفذت الي هي اختي مثل الثور الهايج وانا لابسة احمر ... تركض باتجاهي وتحكيلي شووو عملتي يا غضيبة باللبن ..!لبن شو يعني لبن !|ارفع عيوني على طنجرة اللبن ... " " مفرفط " فانا بدي اصلح الوضع ... عليت الغاز اعلى شي ... وصرت احرك في ... لشميت ريحة اشي مشعوط .. هو راس اختي ولا اللبن ما ركزت ... بس بتذكر انه مسحوا بلاط المطبخ كله فييي ..... واخر كم شعرة كانو براسي صاروا بايدين امي ....غير ابن عمي الي كان معزوم وبدو يخطبني ... وبعد ما سمع هالقصة ذهب ولم يعد اصلا عااادي اصلا انا صرت احكي لبلبليبلين واتأتأ بنص الكلمات .. من البوكس الي ضربتني يا اختي ف حكمة اليوم هي بتعرفيش تطبخي ابعدي عن امك بالمطبخ .... وتلتهيش بالفيسبوك #هديل_قاسم |
ههههههههه لازم تتمسك بهاي الحكمه خربت كل شي من هبلها ههههه يسلمو حبيبتي على الطرح المضحك الله يسعدك |
اقتباس:
.. نورتي |
ههههههههههههههه طار العريس خلي عبله تنفعك بإنتظآر الجديد |
اقتباس:
,, نورتي عسولتي |
ههههههههههههههههههههه بعين الله قصة حلوةة |
تدوووم هالضحكة رحااال.. مرورك الاحلى نورت |
هههههههههه يقطع شرك ع هالموضوع عوافي عوافي ههههههه |
الله يسعدك دايما امير نورت |
| الساعة الآن 08:15 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.