| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
قصه اليوم رمضان كريم مع حبيبي
بما إنو بدو يبلش رمضان الشهر الفضيل قررت اترك حبيبي ! و ارجعلو عالعيد ، بس مشان طاعاتي تنقبل ، و من هالحكي .. لإنو مش منطق يرن علي بعد
| | LinkBack | أدوات الموضوع | انواع عرض الموضوع |
|
#1
06-06-2016
| ||||||||||
| ||||||||||
قصه اليوم رمضان كريم مع حبيبي بما إنو بدو يبلش رمضان الشهر الفضيل قررت اترك حبيبي ! و ارجعلو عالعيد ، بس مشان طاعاتي تنقبل ، و من هالحكي .. لإنو مش منطق يرن علي بعد ما أكون مصلية تراويح ! ولا منطق يرن و انا صايمة ! ولا منطق يرن بعد السحور ! خلص مش عارفة كيف بس حاسسها عيب ! قررت افتح معو الموضوع ! و احكيلو انو انا وياه لازم رمضان هاد ناخدو ع محمل الجد و نضل فيه ملزقين بسجادة الصلاة و ندعي انو نتزوج خصوصي ليلة القدر لإنو صرلنا خمس سنين بنستنا تزبط معنا بس ما زبطت ! صرلو خمس سنين بوعدني نتزوج ! لا زبط معنا حظ ، ولا حتى السحر ولا الحجابات ! ولا حتى الحب و الوفاء ! الأمور مش راضية تسلك معنا و تخلينا نكون لبعض ! بلكي رضى ربنا وفقنا ؟ المهم رحت بعتلو هيك هيك ! خلينا نفترق ، بس هالشهر ! بس هو يقبرني رد علي انو ما بقدر ! بموت بلاي ! ازا ما سمع صوتي نفسيتو بتتعب ! حكيتلو أصلاً صوتي بفطر ! لإنو حلو ! و ازا شاف صوري ! ببطل صيامو و بنقبلش ! من جمالي ! و جمال بوز البطة الي بعملو و بقدرش اتصور بلاه ! بس هو رفض و حلف يمين ازا بتركو ما يصوم رمضان و يمضيها سجاير و مية من الحمام ! بعد نقاش و جدال طويل قررنا الحل المرضي للجهتين ، و هو كالآتي : - فش حكي صوتي من أذان الفجر للأذان المغرب - بعد الفطور بلبس حجابي و برن عليه احكيلو صحة و بسكر الخط - بعد صلاة التراويح برضو بحط ع راسي و برن احكيلو تقبل الله و برضو بسكر الخط - من الساعة 12 بليل للتنتين ممنوع الحكي و هي فترة قيام الليل و الابتهال و الدعاء مشان الله يجوزنا هاي السنة - قبل تجهيز السحور هي فترة الكنكنة و الحب بس بأدب و حدود - قبل اذان الفجر برن علي بس مشان يشجعني اصلي الفجر و بنصلي مع بعض عالخط جماعة و بعديها بنسكر • خلال فترة الحكي عالتلفون الي هي قبل السحور متل ما اتفقنا يجب الآتي : - ممنوع الغزل غير بالدعاء مثل : أحبك بلله ، الله يحميكي ، الله يجعلك من نصيبي ، الله يهديك ، رفيق دربي الى الجنة ، شريكتي في الطاعة .. الخ - ممنوع التحدث عن صحباتي ، و النميمة على خواتو ، و استغابة اصحابو .. - في حال وسوسلو الشيطان و سألني شو لابسة يجب علي الرد ب لابسة توب صلاة لتجنب الرذيلة - ممنوع انو حدا فينا يغفا عالخط ، و يجب قراءة اذكار المساء مع بعض - التحدث في مواضيع تخص قصص الصحابة و بعض الوعظ الدينية ، - مسموحلو برمضان انو يتدخل بلبسي و مسموح انو يجبرني ازيد طول بلايزي من 3 سم إلى 5 سم - في حال افطاري لأسباب المرض و هكذا يسمح لي بتقصير بلايزي - يمنع منعاً باتاً تبادل الكلمات التي تثير المشاعر و ان شاء الله بيتقبل صيامنا أنا وياه لبيبي ، • شو رأيكم بالحل تبعنا ؟ و فكركم بنتجوز بعد الشهر الفديل ؟ بليييز شاركووني رأيكم و بليييز ادعولنا ولله بهبوو 😇 ودي المصدر: منتديات بنات فلسطين - من قسم: النكت والطرائف rwi hgd,l vlqhk ;vdl lu pfdfd #l`;vhj_fkj_lk;,sm  |
| الكلمات الدلالية (Tags) |
| #مذكرات_بنت_منكوسة |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ايس كريم الفراولة, طريقة عمل ايس كريم الفراولة بالزبادي | حنان | װ..مطبخ بنات فلسطين]●ะ< | 6 | 02-14-2015 10:56 AM |
| قلت له.. فاضي||حبيبي|| قل لـآ حيآتي للاسف اليوم عندي مبآرآه | ﻏچـړﭜﮧ ♕ | ~ أטּــآقـة آدَم ..װ | 11 | 04-13-2014 05:03 PM |
| أيس كريم بالسنيكرز -طريقة تحضير الأيس كريم بالسنيكرز 2013 | لمشتاقة لروحي | װ..مطبخ بنات فلسطين]●ะ< | 5 | 08-23-2013 12:38 AM |
| أيس كريم الفراوله -طريقة عمل الأيس كريم بالفروالة 2013 | شَرقيّہ مُتَمرّدْهـ | װ..مطبخ بنات فلسطين]●ะ< | 6 | 08-07-2013 07:47 AM |
الساعة الآن 12:55 AM
