|
البسكليت وعمر والمارثون بالغلط والله بالغلط ........... فتت على محل العاب اطفال اسمو (توز ار اس )!!!!! محل مشاء الله عليه كبييير جدا وفي ابو مليون لعبه ولا لعبة اعرفت اسمها ولا كيف بنلعب فيها اصلا.... بس الي قهرني بالموضوع انو في ابو 315 ولد بشترو العاب ... وكل اب ماسك ابنو وبشتريلو لعبه... شي بقول لابنو هاي لانك بترد على ماما ....والي بقول هاي لانك جبت 12.5 من 20 بالامتحان ...والي بقول هاي لانك حليت الواجب .... والي بقول هاي مشان اكلت سندويشتك ....والي بقول هاي مشان اتنام بدري ...والي بقول.....وقفت بزاويه ولطمت بصمت وندبت حظي المعتر.... بذكر حالي من الصف الاول وانا بطلب من ابوي يجيبلي بسكليت... وكل سنه كان يحكيلي السنه الجاي... وبالصف الخامس اقتنع يجيبلي بسكليت من فرحتي.. انشليت... اتشنجيت... دمعت عيني من الفرحة...اسمعت انو اسامه بدو يبيع بسكليتو ...هون انا انشليت رسمي... رحت ركض على البيت حكيت لابوي وحكالي احكي لابواسامه ابوي جاي يشرب عندك فنجان قهوه بعد صلاة العشاء ... رحت وخبرتو وضليت واقف على باب بيتهم من صلاة الظهر للعشاء استنا ابوي !!!! اجى ابوي ومعاه ابو بلال تبع محل البسكليتات مشان يفحص البسكليت.....قعد ساعه ابو بلال يفحص بالسكليت... كيف لعاد محنا بنشتري مرسيديس و ضل ابوي و ابو بلال يقنعو بابواسامه انو يبيعو ب 20دينارر بدل 24دينار وبعد ساعتين زمن قال خلص مبروك .... طرت من الفرحه و ركضت على البسكليت عشان اركب عليه ....صرخ ابوي وقرصني وقلي استنااااااا روح جيب ابن خالتك عمر يدربك عليه هظاك عندو بسكليت من سنتين ...رحت ورجعت ركض وانا شايل عمر على كتافي شيل....شو بدنا بطوله السيره ....ابوي قال لعمر ما بتخلي ايهاب يسوقو غير لما ادربو عليه عمر ما صدق وفعلا اشترينا جنزير و قفل مشان نربط البسكليت على باب البيت ... و صرت كل يوم اصحى من 8 الصبح مشان عمر يدربني عليه هو بسوقو وانا بركض وراه ... هو بسوقو وانا بكرض وراه...وكل يوم ابوي يسال عمر ها كيف صار ايهاب ...يقوله لسا ما علمتو على الطلعات ... وثاني يوم يقوله ابوي هاي كيف صار ايهاب يقوله لسا ما علمتو على النزلات . وكل ما ابوي يساله .... عمر بطلع بقصه لسا ما علمتو على الكوربات ...ما علمتو بين السيارات ... ما علمتو بين الزواريب ...ما علمتو على الدوار... وضليت على هاي الرشه شهرين زمن خربت 3 ابوات و قطعت 14 شبشب واشتريت ب50 ليره دوا سماط وقطعت ابو 2000 كيلو ..... وهو عمر يسوق وانا اركض وراه عمر يسوق وانا اركض وراه .....و في يوم قررت خلص اني اسوقو البست البوت ونزلت للبسكليت ..... سعقت ادمرت انشليت بكيت انحرق قلبي لقيت الجنزير مكسور ومالقيت البسكليت جبتو ونسرق وما ركبتو .... لا وفوق كل هاد ابوي قلي مارح اشتريلك غيرو مشان تتعلم ....... هون انا نسيت فكره اني العب على بسكليت و سجلت بسباق مرثون انتظروني كالعاده بقصه جديده |
ههههههههههههههههههه نفسي تجيبي قصة نهايتها سعيدة استمري يختي ❤❤ |
حلوووة كتير كالععادة ننتظر القادم |
يسلمو ايديكي حلوةةة وناطرين جديدك جوريةةة |
هههههههههههه عجبتني استمرري |
هههههه لك قسم لي قلبي أربآع أربآع :132: شو هلحظ. اللي مآ عنده حظ أصلآ ولك :138: حبيتهآ كثير القصة عن جد في آنتظآر قصة المقبلة بكل شوق :64: |
ههههههه حلوه كتير على الاقل طلع بشي وصار ممكن يشارك بالمرثون هههه يسلمو عسوله على الطرح الجميل |
هههههههه ياحرام لا طال سما ولا ارض يسعدك حبيبتي ع القصص يلي بتتحفينا فيهم بانتظار جديدك اكييد |
| الساعة الآن 03:26 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.