| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
قصه اليوم اغلب البنات مع الرقص بالاعراس
زي كل يوم قصه ما قبل النوم قصتنا اليوم عن تعو نقرا دايما بالأعراس كنت أعاني من مشكلة إني البنت الوحيدة الي بتعرفش ترقص ! سبحان الله بتحس كل أنثى
 |
| | LinkBack | أدوات الموضوع | انواع عرض الموضوع |
| |
|
#1
05-31-2016
| ||||||||||
| ||||||||||
قصه اليوم اغلب البنات مع الرقص بالاعراس زي كل يوم قصه ما قبل النوم قصتنا اليوم عن تعو نقرا دايما بالأعراس كنت أعاني من مشكلة إني البنت الوحيدة الي بتعرفش ترقص ! سبحان الله بتحس كل أنثى بس تنولد بيجي معها ملحق " سيستم رقص " ، كل ما تسمع أغاني بشتغل لا ارادي ! إلا مني أنا ! يدوب زابطة معي أمشي أصلا ! المهم قبل فترة كان عرس بنت خالي ! حكيت هاي المرة بدي أكسر حاجز الخوف و أرقص ! هاي المرة بدي أروح عالبيت أقل اشي مطلوبة من تلت عرسان ! بس كالعادة أول ما فتت الصالة أجاني مرض التلزيق بالكرسي ، و صرت استنا انو تيجي وحدة تقومني تسحبني من ايدي تحرجني كالعادة ! بس ولا وحدة عبرتني ! فخدتي الشمال تورمت من قرصات إمي مشان أقوم ارقص ، بالآخر استجمعت طاقتي و قمت دحشت حالي بين الي برقصو ، لحد ما وصلت وسط الحلبة ! الكل حولي برقص ، و بشطح ، و بهز ! مع العلم انو الأغنية كانت " شيك شاك شوك " و معروف انو هاي الأغنية لكبارية الرقص بس ! يعني انا مش عارف شو قومني ! في وحدة كانت من كتر الاندماج مغمضة عيونها و ماسكة شعرها لفوق و ضاربة بوز شمال و بتحرك خصرها حركات لولبية عالبطيء ! رحت أقلدها ، و أعمل نفس الحركة ، انطعج عامودي الفقري ، و للحظة حسيت سيخ حديد دخل بضهري من الوجع ! بعد خمس دقايق استرجعت عافيتي و حكيت لا خلينا بالسيف سايد ، و أمد لحافي ع قد رجلي ، و أعمل بس الي أنا بعرفو ، صرت بس أحرك خصري يمين شمال بهدوء و أغني مع الأغنية ، و أحاول احمي ! أول ما حسيت حالي حميت و بدي ادخل بالجو ، خلصت لأغنية و الكل قعد مكانو ، أنا ضليت بنص القاعة ، استحيت ارجع مكاني لإنها هزيمة هيك ! ، ضليت مصرة ع موقفي ! بالرغم من إنو الكل معطيني نظرة مين هاي العاهة .. و بعد مرور أسوء عشر دقايق بحياتي ، اشتغلت أغنية الجميع بحبها ، حتى الصراصير ! أغنية "جيناك بهاية " ، ما دقت الأغنية غير أشوف الكل تشنج من مكانو و قام ! و الكل بلش يزحف ببطىء باتجاهي مع حركات زكرتني بالاستعداد الحربي ، حجات بتقفز و بتشوبر بإيديها ، نساوين بتهز و بتمشي بتهز و بتمشي ، بنات بتمشي و بتهز بنفس الوقت مش عارف كيف ! المهم كل ما حميت الأغنية تزيد سرعتهم ! أنا قلبي حسني إنها نهايتي ! بعز ما الأغنية مولعة ، صرت أحاول أرقص زي الباقي بس الأرداف بتخبط فيني من جميع الاتجاهات ، آخر اشي اجت وحدة وزنها لا يقل عن 100 كغ ، بتهز هز أمامي و خلفي بنفس الوقت بقوة خمستلاف ريختر ! خبطت فيني ! تجلعكت ! كوعي لزق بركبتي ! و قبل ما أتماسك تعرقلت بولد صغير ماسك فستان امو و هي بترقص و بعيط و كل وجهو كيك ! بعد ما تعرقلت و وقعت عالأرض هون بطل في توازن نهائي ! و ما حدا شافني من الغبرة و الضباب ، ما ضل كعب من أبو التنين سانتي لل 20 سانتي إلا و انغرس بجهازي الهضمي ! دعسو علي تقلت بس ! لوهلة حسيت حالي واقعة بين أقدام حيوانات الجاموس أثناء هجرتها من ضفة نهر للأخرى ! بتعرفو كيف بكونو يركضو و حوليهم غبرة و نصهم بموت لإنو بندعس عليه ؟ بس الي بحضرو ناشونال جيوغرافيك راح يفهموني ! المهم يومها روحت بكسور و ثقوب متعددة ، و عقم من الرعبة ، غير اني جهازي الليمفاوي نشل و فقد قدراته .. و من وقتها بحضرش غير حفلات اسلامية متدينة ممنوع الرقص فيها . المصدر: منتديات بنات فلسطين - من قسم: النكت والطرائف rwi hgd,l hygf hgfkhj lu hgvrw fhghuvhs #hglukn_hgpvtd #g]f;,_u_,[id  |
|
05-31-2016
| #2 | |
   
 |
ههههههها تبا موتيني ضحكك .. لسا آمبيرح رايحةة ع فرحح آخخت رفيئتي نفسس المششهد هآدا ب الزبطط ههههها تباا بععرفش كيف بيرقصو ككانو ججد وضحكت أنا ورفئااتي ليوم الضحكك وككنا رح ننضرب من ككثر ضحكنا | |
| |
|
05-31-2016
| #3 | ||
| اقتباس:
مسكينه امها تقرصها بدها تخلص منها منوراني وهم | ||
| |
|
05-31-2016
| #4 | |
|
هههها هماا ككل ألأمهات هيككا بدهم يجوزو بناتهم ف بيئعدو يخلوهم يرئصو ب الأفراح ههههههها | |
| |
|
05-31-2016
| #5 | ||
| اقتباس:
ههههههههههههههههههههه اي والله واخر مكان تختاري منه عريس كل القوايا هناك | ||
| |
|
05-31-2016
| #6 | |
|
ههههههههههههههههههههههههههههههههه التشبيهات قتلتني اصلا عادي الرقص مش منيح المهم الاخلاق | |
 |
|
06-01-2016
| #7 | ||
| اقتباس:
| ||
| |
|
05-31-2016
| #8 | |
 مَجِنِوِنِ أّحٌبِ غٌيِّرګګ
|
ههههههههههه اااخ يمما متت ضححك جاي عنا عرسس الله يسستر بس ماا يصير متل هالموااقف ششكرا للنهفه البتجنن عوافي | |
| |
|
06-01-2016
| #9 | ||
| اقتباس:
منوراني | ||
| |
|
05-31-2016
| #10 | |
  ام العز
|
هههههههههههه حرام عليك صرت ادمع من كثرة الضحك شو بيرقصوا ولا بحلبة مصارعة الحمد لله ما بيعملن بنات العيلة عنا هيك يعطيك العافية شكرا لك بانتظار جديدك غاليتي | |
| |
|
| الكلمات الدلالية (Tags) |
| #المعنى_الحرفي #لدبكو_ع_وجهي |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| فَوٌق اْلت٘لٍال الٌبعِيدٓه جِائو ليَلِعبو ^^ | رانيا | ะ» رُكُن آلصۈرٍ ..! | 9 | 01-28-2016 07:29 PM |
| صوره-البنات طول اليوم بالمطبخ بعملوا الفطور | بنات فلسطين | النكت والطرائف | 7 | 06-23-2015 01:25 AM |
| الرقص على الزجاج | شهد الياسمين | زوايا عامة | 13 | 05-07-2014 02:46 PM |
| بصراحة كيف بتقضي اغلب وقتك ؟ | رقة قلب | الـטּـِقآشآتُ الجَّآدة والـפـوَآر..! | 10 | 11-29-2013 09:52 AM |
| للكل شي فوائد حتى الرقص - ما هي فائد الرقص | حيرتني | حـواء وأنـاقتها | 6 | 09-05-2013 10:53 PM |
الساعة الآن 12:55 PM
