|
مجرد فضفضه ليش هيك العالم ؟ الموضوع طويل شوي إذا حاب تستفيد يا ابن الناس اقراها لعل شعورك او ضميرك من جوا يحس بالذنب اتجاه نفسك ليش الجهل بنتشر أكثر من العلم جد ليش ليش لمن شفنا الغرب صنعوا الجوالات كلنا رحنا شرينا وإذا نزل جوال حديث بنروح بنشتري الجديد ليش ؟؟ لانه هداك صار قديم والموضة تبعته راحت ليش الشخص الي م عنده جوال صار دقة_قديمة وليش الي ما عنده ..فيس وواتس وتويتر واسك وشات وسناب شات صار معقد وجاهل ليش الشخص الي بيقرأ كتب صار اسمه معقد وممل ليش الشخص الي بحاول يعمل أنشطة ومساعدات الخ صار اسمها فصحنة وتباهي ليش كلشي بنشوفه بدنا نعمله حتى لو كان غلط بس المهم اقلد فلان او فلانة ليش إذا صاحبتك خطبت وخطيبها احلى منها بتحكييي يييي على شو ماخدها مش فاهم وليش إذا صاحبك اشترى سيارة جديدة بتحكي مصاريها بالحرام او الله اعلم منين جاب مصاري طيب ليش شخصياتهم عالفيس والواتس والسكايب كلها قوية ما شاء الله ومثقفين وفهمانين طيب هدول وين بكونوا بالمحاضرات هبايل ليش البنت الي بتحكي وبتوصل صوتها للحق صارت قليلة أدب والبنت الي بتحكي بالمحاضرة بحكولها مفلسفة والشب الي بسأل بنت عن شي بالمحاضرة قاعد_بزبطها والشباب هالايام همهم الوحيد الحشيش والسكر والبنات إلا من رحم ربي وغير هيك بتبااااهو جددددا في حالهم وكله بقلد في كله والله لو بتقلدوا بعض بأشياء إيجابية ما حد بيحكي شب يحكي تعال ندرس خلي يصير عنا هدف بالحياة عشان نوصل اله طبعا بالأحلام لانه نص الشعب عايش يوم بيومه وعايش لانه الله خلقه وبده يكملها مضطر ما في بنت تحكي لصاحبتها ولك اصحي لحالك جربتي كتير بكفي لازم تصيري احسن لازم تصيري وحده تانية لا تخلي نفسك تتمني شخص يكون شريكك انتي بجهدك بشطارتك بذكائك بطموحك بتقدري تاخدي احسن شب بس جد صار نفسي اشوف حدا مختلف كلكم صرتوا تشبهوا بعض حتى الشباب نفس الشعر والقصة والتحديد والصبغة والبنات نفس الشي نفس اللبس والمكياج والبرم ملهاش طعمة صرت مشتهي حد يحكي والله قرأت كتاب كذا يا الله شو استفدت من جوا منه والا حد يحكي نفسي اوصل لحلمي نفسي اصير شخص مهم بالحياة او حد يحكي راح اهلك حالي ليل ونهار بس حتى ما اتنازل عن طموح واحد عندي كلهم همهم واحد ... بدهم مصاري وهمه حاطين رجل على رجل بدهم شغل بس بدهمش يشتغلوا بدهم يحبوا بس بدهمش بالحلال بدهم يلعبوا بأعراض الناس بس محدش يجي بشرفهم وبدهم يتمسخروا ع البنات انتي طويلة ..قصيرة .بيضا ...سمرا ... عفرا تلبس طويل..قصير..مشلح. .مخمرة. .مشحره بتحكي بتدلع قروية مدنية.فلاحه مخيمجيه لاجئه كله بينتقد بكله وكله مش عاجب كله اترك الخلق للخالق لو كل واحد منا شايف عيوبه قبل ما يعيب الناس لضل مسكر تمه ليوم الحساب كونوا غير .. صار لازم تتغيروا ..صار لازم تصيروا احسن صار لازم تكونوا قدوة لغيركم ولجيلكم المسخم مجرد_فضفضة عجبني فنقلته ما حدا يدعي علي هههههههههه |
مش الكل على الموضة ومش الكل بجرى وراء الموضة فى اشياء لازمة ولازم نشتريها وفى اشياء على الفاضى يعنى ما الها اى فائدة شكراا الك حبيب العمر موضوع جميل يعطيك العافية ننتظر المزيد تحياتى |
اقتباس:
في شباب وبنات من اورع ما يكون هو الموضوع تحليلي اكتر منه واقعي بكل الاحوال في هيك عينات بالمجتمع اهلا وسهلا همس وشكرا لاضافتك نورتِ |
خليني افضفض معك بالله .. هنعيش ونموت واحنا مش متغيرين لان قلوبنا مش على بعض ولا صادقين مع بعض .. علطول بنختار مصلحتنا لانو ماحدا لحدا ماحدا بيفكر انو هنموت وما هناخد الا العمل الصالح والشاطر يلي بدو يثبت حاله وهو مابيسوي فرنك وعايش على اكتاف البشر ربنا يصلحنا احسن من كل شي |
حلوووو كتير اهم شي هاي الكلمة اترك الخلق للخالق |
كلامك صحيح 100% وبينطبق ع غالبية المجتمع الاغلبية بيتطلعوا من ناحية سلبية لغيرهم ولما يشوفوا شئ بيأوله لالف قصة وقصة ولما يشوفوا فلان معاه بيحسدوه وكمان الغالبية عينيهم ع غيرهم وبيطلعوا شو شراء فلان ومين خطبت فلانة ومع مين حكت فلانة وومن وين المال لفلان\ة وغالبية الشباب بيسعوا وراء الحكي الفاضى ومعاكسة فلانة والتعيب ع فلانة وغالبية البنات بيتطلع ع فلان مين خطب وبتعيب عليها وبتشوف هاي لابسة ع الموضة وبتعمل زيها وفي الماركات طلعت موضة جديدة بتروح بتشتريها لو بدنا نطلع ع الموضة ونشتري ع الموضة بيخلصوا الفلوس والموضة ما خلصت وهي الي بيشوفه اغلبية الشعب ما بيشوفوا هلان\ة خلصت توجيهي بمعدل عالي ليش ما اصبح مثلها وابذل جهدي لاكون زيها وفلان\ة خلصت الجامعة بمعدل عالي ليش ما اصبح مثلها وفلا ن\ة ختمت المصحف اكثر من مرة ليش ما اصبح زيها بس غالبية الشعب بيطلع ع غيره من ناحية عيوبه ما بيشوف شو عيبه ويعدل ع حاله قبل ما يعدل ع غيره واذا ظل هيك الشعب ولا عمرنا راح نطور ولا نتقدم شكرا لك ع الطرح |
اقتباس:
لما ما يكون في خوف من الله وتقوى توقعي اي شي مشكور الك لمداخلتك الرائعه |
اقتباس:
يسعدك رحال نورت يا طيب |
اقتباس:
ما بشوف الا عيوب الغير اما عيوبه ما بشوفها الطمع والحقد والحسد هي صفه كتير من الناس مداخله جميله ومفيده شكرا الك اختي |
بسم الله الرحمن الرحيم بتعجب منك مؤيد تسال هيك أسئله والحق ظاهر قدامك ما بدو اصلا نقاش اوك انظر معي خطوه خطوه لك الحديث الشريف وفصل ما اقول ولك حريه الرئي بعدي أن كنت جاهز للنقاش ليش ؟ او ليه ؟ او لماذا ؟ انظر للحديث الشريق الذي رواه سيدنا محمد قبل 1400 عام لَتَتْبَعُنَّ سَنَنَ مَنْ كَانَ قَبْلَكُمْ شِبْرًا شِبْرًا وَذِرَاعًا بِذِرَاعٍ حَتَّى لَوْ دَخَلُوا جُحْرَ ضَبٍّ تَبِعْتُمُوهُمْ قُلْنَا يَا رَسُولَ اللَّهِ الْيَهُودُ وَالنَّصَارَى قَالَ فَمَنْ يعني هناك تقليد أعمى لما يأتينا من الغرب والآية الواضحة الجلية القطعية الدلالة، قال تعالى: ﴿وَمَنْ يَبْتَغِ غَيْرَ الْإِسْلَامِ دِيناً فَلَنْ يُقْبَلَ مِنْهُ﴾ نحن لا نكره التطور ولا نكره التقدم والموضه لكن بحق الله وشريعته وضمن حدوده رح اناقشك وحده وجده .................................................. ليش لمن شفنا الغرب صنعوا الجوالات كلنا رحنا شرينا وإذا نزل جوال حديث بنروح بنشتري الجديد هذا لما تقاعصنا عن العلم واتبعنا الجهل وأصبحنا نترك أولادنا يتطاولون على معلهم فضاع التعليم فمن أين نأتي بجيل متعلم .. الا من رحم ربي وهذه كله من الاساس .. أذا الاساس بالاصل فاشل ولو كان لو تابعه ابنه لما أنتج هذا النوع من الجيل لانه وكما يقول سيدنا محمد كلكم راعا وكلكم مسؤل عن رعيته ليش ؟؟ لانه هداك صار قديم والموضة تبعته راحت ( اقول لك هنا لانه مفهوم القناعه اصبح غائب ومفهوم الاسراف اصبح عاده مع انه ذكر بالقراءن عن المسرفين ( فأنهم أخوان الشياطين ) ليش الشخص الي م عنده جوال صار دقة_قديمة هون يا مؤيد مش منظور ولا في مجال للتوازن الا التوازن العقلي فبترجع لعقول الحيطين فينا وانا بعرف ناس لغاية اليوم ما بتحمل جوال واذا حملت جوال فبكون من الفقر الي عايش فيه او بحكيلك بدل ما اشتري جوال بيطلع حقو مبلغ انا بطعمي فيه ولادي احسن فكل واحد بنظر للامر بمنظور الوضع الحياتي ألو ومش كل الناس معها مصاري فايضه عن حاجتها ولي معه بنظر للي ما معو وبصير يجرح فيه بدون ما يعرف شو السبب وليش الي ما عنده ..فيس وواتس وتويتر واسك وشات وسناب شات صار معقد وجاهل عندك ناس بتطلع لهيك برامج انها بتهدم المجتمع بجميع أخلاقياته واحنا بنعرف شو يعني هدول البرامج وتعال اليوم ابن وبنت 14 سنه حامله جوال فيها هالبرامج هاي طيب شو تأثيرها على هالجيل الي بالعمر هاد اذا هيك احنا بنهدم مجتمع اسلامي بجميع عوامله انا مش ضد هالبرامج انا ضد استعمالها بطريق يضل فيه ابنائنا احكيلك ليش لما الام تغفل عن أطفالها وبتابع دردشه على الجوال ومستعد اجيبلك اثبات مسموع من دردشات عن الجوال واطفالها حوليها طيب اطفالك ما بدهم عناية بلاش ما بدها تربايه والاب كذلك وبنفس المنظور لما بدك تقعد على البرامج هاي وتنسى ولادك وتربايتهم لا تلوم الناس لما تلعب بعرضك لانك قاعد بتلعب بأعراض الناس ولا تقولي البرامج هاي ما ألها دخل اكبر تواصل ما بين الناس بالخفاء هاي البرامج ليش الشخص الي بيقرأ كتب صار اسمه معقد وممل اكبر كتاب نقرء منها والي لازم أنراجعه كل يوم ما بنقدم عليه الا من السنه للسنه الي هو القراءن الكريم حسن البصري كان كل يوم يقرء ويختم اجزاء ويراجع ولما سألو لما يا امام تصنع هكذا قال انظر الى كتاب ربي فأره النور يعاكسني بما معناه الي بدي اوصلك ياها فلا تحكيلي كتب اذا اول كتاب نزل ما بقرءو فيه فكيف بقية الكتب من تأليف الانسان أذا نرجع لكتاب الله اول شي حتى ما يصير النقد الي بتحكي فيه ليش الشخص الي بحاول يعمل أنشطة ومساعدات الخ صار اسمها فصحنة وتباهي لا تدع الجاهل يسلك عليك طريق بعلمك فهذا قول الجاهل لك لن يقول لك هذا الكلام الا الجاهل فلا تنظر أليه وأكمل لانه تبسمك بوجه أخيك صدقه فكيف الاعمال الملموسه فعمل وأنظر للاجر من الله ولا تتكلم عن أعمالك فقط فعمل لوجه لله ليش كلشي بنشوفه بدنا نعمله حتى لو كان غلط بس المهم اقلد فلان او فلانة اظن ذكرتلك الحديث لتتبعن سنن من قبلكم ليش إذا صاحبتك خطبت وخطيبها احلى منها بتحكييي يييي على شو ماخدها مش فاهم وليش إذا صاحبك اشترى سيارة جديدة بتحكي مصاريها بالحرام او الله اعلم منين جاب مصاري رح جاوبك يا مؤيد بكلمتين الحسد والغيرة لن تنتهي الا عند حوض النبي محمد عليه السلام بشربة ماء فأن شربتها كل نزاعات النفس هذه تذهب وتصفا وأرجع للاحاديث ستعرف معنى كلامي طيب ليش شخصياتهم عالفيس والواتس والسكايب كلها قوية ما شاء الله ومثقفين وفهمانين طيب هدول وين بكونوا بالمحاضرات هبايل حكيتلك ورح اظل اعيد وازيد لما تركنا كتاب الله وسنت النبي ومتابعة الصحابه حصل هالحكي أتبعنا الغرب بكل شيئ حتى جهلهم اصبح تعليم لنا صاحبة كان عمره 17 سنه وكان قائد جيش على عهد ابو بكر رضي الله عنه وكانخليفه وكان يطلب من الاءن بعمر ابن الخطاب ان يشاركه أمور المدينه فأين نحن اليوم من هذا أقرءو عن تاريخ الصحابه ستتعلمون ما هيه الرجول والتعليم والادب والاخلاق الخ تركنا تاريخ رسولنا وصحابته واتبعنا هتلر وغيره من الغربين كقدوه نفتخر بها ليش البنت الي بتحكي وبتوصل صوتها للحق صارت قليلة أدب والبنت الي بتحكي بالمحاضرة بحكولها مفلسفة والشب الي بسأل بنت عن شي بالمحاضرة قاعد_بزبطها والشباب هالايام همهم الوحيد الحشيش والسكر والبنات إلا من رحم ربي وغير هيك بتبااااهو جددددا في حالهم وكله بقلد في كله والله لو بتقلدوا بعض بأشياء إيجابية ما حد بيحكي شب يحكي تعال ندرس خلي يصير عنا هدف بالحياة عشان نوصل اله طبعا بالأحلام لانه نص الشعب عايش يوم بيومه وعايش لانه الله خلقه وبده يكملها مضطر ما في بنت تحكي لصاحبتها ولك اصحي لحالك جربتي كتير بكفي لازم تصيري احسن لازم تصيري وحده تانية لا تخلي نفسك تتمني شخص يكون شريكك انتي بجهدك بشطارتك بذكائك بطموحك بتقدري تاخدي احسن شب بس جد صار نفسي اشوف حدا مختلف كلكم صرتوا تشبهوا بعض حتى الشباب نفس الشعر والقصة والتحديد والصبغة والبنات نفس الشي نفس اللبس والمكياج والبرم ملهاش طعمة صرت مشتهي حد يحكي والله قرأت كتاب كذا يا الله شو استفدت من جوا منه والا حد يحكي نفسي اوصل لحلمي نفسي اصير شخص مهم بالحياة او حد يحكي راح اهلك حالي ليل ونهار بس حتى ما اتنازل عن طموح واحد عندي كلهم همهم واحد ... بدهم مصاري وهمه حاطين رجل على رجل بدهم شغل بس بدهمش يشتغلوا بدهم يحبوا بس بدهمش بالحلال بدهم يلعبوا بأعراض الناس بس محدش يجي بشرفهم وبدهم يتمسخروا ع البنات انتي طويلة ..قصيرة .بيضا ...سمرا ... عفرا تلبس طويل..قصير..مشلح. .مخمرة. .مشحره بتحكي بتدلع قروية مدنية.فلاحه مخيمجيه لاجئه كله بينتقد بكله وكله مش عاجب كله اترك الخلق للخالق هون كنقاش عام بجاوبك وبرجع وبحكيلك لو اتبعنا منهج الاسلام الصحيح رح نلقى شغلات أخذوها الغرب عن دراسه منا واستعملوها واحنا تركناها لانه ما اتعلمنا شو يعني الاسلام كل فهومنا عن الاسلام النواهي ولا تقرب حدود الله وصوم واعتمر وحج وجاهد طيب وباقي ركائز لااسلام وينها علمونا ياها طيب السرول الكريم ما ترك شيئ الا وعلمو اعطونا ياه اشرحوها مع انه في لكن ما في أذان تستمع فكل ما ذكر مرجوعه الى الله وسنة الحبيب المصطفى فقط |
| الساعة الآن 08:57 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.