|
الي مزاجو مش ييجي هون ويضحك بس اخخخخ هالموقف هههههه ع قد م كنت #متضايقةبس قرات هاد #البوست متت ضحك 😂 الي ساعتين أضحك .... اليوم كانت الزفة ، زفة العريس ، زفة العريس الي كنت احبو ، زفة العريس الي طار من بين ايدي .. وقفت ع بلكونة غرفتي الي هي قبال دارهم ، الي كنت اراقبو منها و هو رايح يكب الزبالة و هو طالع ع دوامو و هو نازل عالدكان ! وقفت عليها اتفرج كيف لابس بدلة و حالق شعرو و طالع بلمع لمع ، و اهلو و صحابو نازلين بغنولو و بزفو فيه .. و ابتسامتو من الدان للدان و مبينة عليه الفرحة ! الفرحة مبينة من حواجبو ! وقفت و مسكت كرت عرسو ، و بلشت أمزع فيه عالبطيء ، و أعيط ، و أتزكر كيف كنت اسهر الليالي ع هالبلكونة ع امل اشوفو ! كيف كنت مراقبتو زي الإم الي بتراقب ولادها و همة بكبرو ! زي الشب لما يطلب سندويشة فلال و يقعد يراقب تاع المطعم و هو بعمل فيها ! زي مراقبين التوجيهي الي عنيهم بترمش كل ست ساعات مرة ! كنت حتى لما أشوفو قاعد عالرصيف و بحكي بالساعات مع حبيبتو ، أتحمل و أصبر ! و أحكي ببالي ما عمرو تنين بحبو بعض اتجوزو ! بس لا !! ع دوري اتجوزو ! ع دوري صار في نصيب و هيها مصمودة فبيتها قاعدة بتستناه يجي يوخدها ! لما وصلت عند القصاصة الي عليها اسمها ، " كريمته " ، مسكتها و حطيتها بتمي و ضليت اعلكها اعلكها و اعيط و نبرة عياطي تعلا ! بعدين تفيتها بأقوى ما عندي ع راس واحد من الي بزفو فيه و منفعل و هو برقص ! كانو كل ما يرموه بالهوا ، أمد ايدي من البلكونة بلكي لقفتو ضليت اعيط و اصرخ و أنادي بس ما حدا سامعني ! كنت منهارة تقريبا و مو مسيطرة ع حالي ! رحت دخلت جوا و جبت مقص و رجعت عالبلكونة !و بلشت اقص خصلة خصلة من راسي و ارميها عالناس و أعيط ! لحد ما خلص شعري ، و صار راسي زي راس جوز الهند رحت دخلت و تناولت قلم حومرة ، و رجعت و بلشت احطها عتمي و ابكي و ألوح بإيدي ، احطها بدون سيطرة ضليت احط و ألف و أعيط ، احط و ألف و أعيط عبين ما حومرت كل وجهي فيها ! و كنت أهلوس و احكي كلماات زي " رااح الحبيب ، لييش يا غالي ، ااخ يا قلبي ، حرقتلي قلبي يا غالي " و أعيط و أعيط و أعيط .. خلصت الزفة بالحارة و ركبو سياراتهم و راحو عبيت العروس ! انا صرت أخبط راسي بدربزين البلكونة و أنوح و أرفع ايديني و ألوح فيهم .. أنوح بأعلى ما عندي لإنو حبي طار مني قدام عيوني ! بعد ساعتين عياط و انهيار عالبلكونة ، قمت ، و فتت اكمل انهيار بتختي ، مسكت تلفوني و انا ببكي مشان أنزل بوست " ذهبت أحلامي و زادت آلامي " لقيت نازل خبر عالفيسبوك ، " أنقر على الرابط ، و شاهد فتاة لبسها إحدى عشرة جني و هي تقف على البرندة ، لا تخرج قبل الدعاء لها " أنا نقرت ، و لما حضرت أكتشفت انو هاي أنا ! و في حدا كاين عامل زووم من الشارع و مصورر كلشي أنا عملتو ! من لما تفيت عالزفة للما قصيت شعري و حومرت وجهي للما بلشت أخبط راسي بالدربزين ! فبطلت عارفة عشو أبكي اليوم ؟ عأحلامي الي راحت ؟ ولا ع فضيحتي الي فاحت ؟ #ذهبت_أحلامي_و_زادت_آلامي #مذكرات_بنت_منكوسة #ههههههههههههههه الي ساعة اضحك مساء الروووقان |
ههههههههههههههه موقف رهيب مع انه كتير مقنع يعني وقريب جداً من الواقعْ فكرته حقيقة وانا بقرا بقول وين مشهد الضحك من كتر ما كان المشهد واقعي عوافي ذكريات |
؟؟؟؟؟؟؟؟؟؟😲😳 |
هههه يَ حرآآم والله كنت بددي أبككي عليهآآ يخخرب بيتتو هالبني آدم لـو مكآنهآ أبصر شعمل فيــه يعطيكِ العآفيــةة |
حزنتيني يا بنت موقف لا تحسدي عليه كنت حابب اعيط معك ولا عليكي ولا عالتخيل الي صار معك هههههههههههه نهفه ولا احلا شكرا الك خيتي |
ههههههه نزلوا دموعي من كتر ما ضحكت مو كافيها يلي فيها كمان فضيحه على الفيس هههه يسلمو مها |
ههههههههه حلوة بجد تحياتي لك |
ههههه يعني كل هالقصةة، وهو من الاساس مش كاين يحبها ولا بعرفها،، وكمان فضيحةة بالاخير بس حلوةة قصةة 11 جني ههههه |
هاي ايش بتستنى ازآ ما كان يحبهاآ ههههههه صرآحة فعلاً القصة شبه وآقعية كنت بقول النهفة بالنهاية بس انآ مآ ضحكت ’ لاآ زعلت عليهاآ يآلهوي بكفيهاآ اللي فيهاآ ههههههه تباًَ للي كتب هالبوست ششكراً |
ههههههه حلوة يعطيكي العافية |
| الساعة الآن 11:08 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.