منتديات بنات فلسطين - قصيده عن حال بعض البنات هالايام

لقيت قصيده مضحكه عن حال بعض البنات في هذه الايام تفضلوا...............

البارحة جاني من الحب مرسال من عقب مابيني وبينه خصيمة

وانا ترى في الحب مانيب فعّال ولا بعد ولّع بقلبي هشيمه

ولا بعد غنّيت في ساعة وصال ولا بعد ذقت الفراق وجحيمه

ولا جرى دمعي على الخد همّال ولابعد جربت مرّ الهزيمة

حتى وردني تالي الليل جوال وانا على شاهي وبسكوت ديمة

الرقم بايخ لكن الصوت قتال كنه مثل صوت المذيعة حليمة

قالت مساء الخير يا طيّب الفال قلت ارحبي ترحيبة مستديمة

بالعود والصفرى ودلة وفنجال واجبك يا بنت الأصول الكريمة

ردت بضحكة ثم قالت وشالحال؟ قلت اشهد إن الحال عقبك سقيمة

قالت وهي تضحك بعد مثل الأطفال وانا بعد كني بدونك يتيمة

من يوم قالتها تزلزلت زلزال من فجعتي كني مسوي جريمة

قلت ارفعي صوتك ترى مابه ارسال كذاب لكنّ المصيبةعظيمة

قالت أقول اسمع ترى هرجنا طال ممكن تصاحبني تراني وسيمة

واسمي الحقيقي أول حروفه الدال لكن يسمّوني البنات الزعيمة

صحيح أحب الفخفخة واعشق المال لكن تراني طاهرة مستقيمة

ما عندي امغازل ولا لعب يهّال ما عندي إلا في الشرف والحشيمة

بس الصراحة قلبي لشوفتك مال واصبحت وحدك جالس في صميمه

فكّر بعقلك واترك القيل والقال واحذر تطيع اهل العقول العقيمة

وارسل علي الحين خمسمية ريال اشحن بها جوال أختي غنيمة

أو طقم غالي فيه خاتم وسلسال اروح به في عرس ولاّ عزيمة

قلت الحقيقة مانيب رجل أعمال ولاني بتاجر والموارد عديمة

أنا الصراحة شبه عطّال بطّال وعلاقتي بالفقر جدا حميمة

والراتب الله يرحم الحال ما زال محدود والمصروف ربي عليمه

والدين بالآلاف والبنك شغّال ياكل فلوسي بالربا والظليمة

والسوق طايح والغلا ضيّق البال والموت والله صايراكبر غنيمة

قالت تحمّل بس والحمل ينشال خلك شديد الباس صلب العزيمة

ياخي تصرّف جعلك اتصير نشّال اهم شي إن النوايا سليمة

لابد تفهمني على كل الأحوال ما دمت من أهل العقول الفهيمة

قلت إيه والله فاهم اللي على البال لكن ترى هذي علينا قديمة

يا بنت هذا صاير اليوم موال للي تبي تلعب على ابن اللئيمة

يا بنت ما تدرين كم فيه محتال يلعب على الحبلين وانتي غشيمة

يا بنت كم من جاهلة دمعها سال من عقب ما جات العواقب وخيمة

والبنت لا اقفى عرضها بيد الأنذال والله ما يبقى لها أي قيمة

قالت تبي ولاّ فخلّك على جال مهوب ناقصني نصايح حكيمة

عز الله إنك للأسف منت رجّال وانك قليل الذوق ما فيك شيمة

يا لعنبواللي ما يسطّرك بنعال حتى يعلمك الغزل يا بهيمة

تفو عليك وصكّت الخط في الحال مدري تفو هي مدح وإلاّ شتيمة

**قصيده مضحكه عن بعض بنات هالايام
هههههههههههههههه

وبهديها الى كل بنت تعرف شاب من وراء اهلها
وتدري انها ارخص عنده من نعاله

----------
قصيدة اخرى

يابنت ياللي للحضارة تنــــــــــــادين ودك على الموضة أبرمج مســـاري

يابنت قولي وضحي وش تريـــــدين أفكارك السودا تثير انبهـــــــــــــاري

يا بنت ليتك تفهمين وش تقوليــــــن غروك واصبحت بجهلك تمـــــــاري

تي شيرت وبلوزة وجنز وفســـاتين وتنوره فيها غدى الساق عــــــاري

تنورة من ضيقها حيل تشكــــــــين لبس تماريبه بقولة حضــــــــــاري

وقصة فرنسية لشعرك تقصــــين متمنية لبوسي وفيفي تـــــــــجاري

عاداتنا دستي عليها برجلـــــــين وعاداتهم صارت بعينك شعــــــاري

يابنت لايخدعك ناقص الديــــــن انصحك واردد حذاري حــــــــــذاري

عن درب مريم طلبتك لاتحديــن عن الشرف والدين يابــــــــــنت داري

لاتخدعك قولة برستيج تــدريـن أعدائنا يبونك شروا الجـــــــــــــــواري

قولي لهم تخسون مانتم بكفوين من دوننا تاقف سباع الصحــــــــــــاري

من دوننا تاقف رجال ســـلاطين أرواحهم ترخص بيوم الطـــــــــــواري

بناتنا من نسل ذات النطــــــــاقين حضنهن القرآن عن كل طــــــــــاري

يا بنت ياللي للبداوة تنــــــــــــادين يحق لي أفخر بمثلك وأمــــــــــــــاري

وسلامتكم تقبلوو تحياتي...

اتمنى انها نالت اعجاابكم