| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
تقوليش ليش حظي هيك واذا مش عاجبك افسخي منه تسمحيش لناس ب اشي
عادي اخطبي ،، و لما تشوفي انو في اشي غلط بخطيبك و مش عاجبك ، اتركي ،، تهتميش بحكي الناس انو هيها فسخت !! لما تتجوزي ، الناس ما رح
 |
| | LinkBack | أدوات الموضوع | انواع عرض الموضوع |
| |
|
#1
03-26-2016
| |||||||||||||||
| |||||||||||||||
تقوليش ليش حظي هيك واذا مش عاجبك افسخي منه تسمحيش لناس ب اشي عادي اخطبي ،، و لما تشوفي انو في اشي غلط بخطيبك و مش عاجبك ، اتركي ،، تهتميش بحكي الناس انو هيها فسخت !! لما تتجوزي ، الناس ما رح يعيشو معك ، هاي حياتك انتي ، مش مشكله اذا الاول راح بيجي غيرو ،، القصه نصيب !! اذا شفتي انو بخيل تسكتيش و ما تقولي بكرا بصير كريم ، البخيل مولود بخيل ،، اذا شفتيه عاطل اتركي ،، اذا عرفتي انو مش محترمك انسي ، اذا عرفتي انو كذاب اوعي تضلي! افرطيها من اولها ، بدل ميجي يوم وتندمي انك سكتتي!! انسي الناس ، ما حدا بعرف مصلحتك غيرك ،، اخطبي مره و مرتين و ثلاث ،، و استخيري مره ومرتين و مليون ،، وخدي وقتك ، انسي العمر ، العمر كلو ارقام ، و نصيبك نصيبك ،، مهو هاي فكرة الخطبه ، انسي قصة يتعرفو ع بعض ، التعرف سهل عادي ، المهم تعرفو بعض ، و تشوفي شوفيه صح و شوفيه غلط ، القصه مش لعبة او رحلة ، القصة حياة و عُمر ! الناس عجميع الجهات بتحكي ،، ترديش لما يقولو فلانه خطبت 9 مرات ،، هاي عالم فاضيه وبدهم موضوع ،، ما رح يعيشو معك ،، بالعكس يمكن بعرسك ييجو يزقفو و يرقصو ويوكلو و يروحو ويحكو عن فستانك قديش مكلف واذا ايجار او بيع ،، ما رح يعانو معك اذا كان في مشكله ! عادي لو تخطبي 900 مره ،، المهم ما تنخدعي بواحد مريض نفسي يخليكي تكرهي ام الحياه الزوجيه !! الناس عالحلوه معك ، اما عالمُرة ضدك ،، اذا شافوكي بتضحكي بضحكو معك ،، و اذا بتبكي بحلقولك ،، وبيقولو مش ناقصنا دراما ،، اذا اتطلقتي بيقولو : ابصر شو عامليتلو ،، ما بيقولو ابصر هو شو عامل !! تقوليش ليش حظي هيك وليش لهلا ما خطبت ولا تجوزت ،، وتقوليش ليش هاي خطبت وانا لا ، وتفكريش انك مش منيحه المصدر: منتديات بنات فلسطين - من قسم: زوايا عامة jr,gda gda p/d id; ,h`h la uh[f; htsod lki jslpda gkhs f had  |
|
03-26-2016
| #2 | |
 
 |
فعلاً لما تترك بالبداية أفضل بكثير من انها تعيش ع امل انه ممكن يتغير بالنهاية، لأنه لو ما اتغير ف راح تكون هي بالمشكلة مش الناس وراح تضطر بالأخير تتركه ووقتها بأختلف الأمر ف افضل انه تترك بالخطبة والله ببعتلها نصيبها الأفضل.. | |
 |
|
04-01-2016
| #3 | ||
| اقتباس:
اهلا وسهلا نورت محمود | ||
| |
|
03-26-2016
| #4 | |
 
|
كلامك صح الناس بدها شي تلت وتعجن فيه الزواج لا يوم واا لا ليلة الزواج عمر بس بدك حد يفهم انو من اول الطريق ولا من اخرها لانو تعيشي طول حياتك تا يصلح حالو ع الفاضي قليل جدا من يلي بيتزوجو بيتغيرو للاحسن ولكن الاختيار من الاول لما الوحدة تكون طمعانة بالمصاري والبيوت وهاي الاشياء بحياتها مارح ترتاح وتحس انو الحياة حلوة اما ىما الوحدة تختار حد لانو هيك وبدها اياه لانو ع طبيعتو فرح تلاقي كل الحياة بتضحكلها وفي التأني السلامة وفي العجلة الندامة كل حد ما بياخد غير نصيبه وربي يقول الطيبون للطيبات | |
| |
|
03-26-2016
| #5 | |
 
|
كلآمك سليم لآ غبآر عليه بس لآنكذب ع بعضنآ نظرة المجتمع المتخلفة مآبتحرم نحنا بنآت بمجتمع شرقي والخطوبة عنآ بمثآبة زوآج مع وقف التنفيذ يعني لمآ تفك الخطوبة تعتبر مطلقة ولهآ حقوق وللأسف الشديد دايماً بحطوا الحق ع البنت وانه هي الغلطآنة وفيهآ العيب مجتمعنآ مآبرحم يعطيكِ العآفية | |
| |
|
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| واذا جلست يوماً وحيداً تحاول ن تجمع حولك | غرام | همس القوافي , النثر و الخواطر | 6 | 04-04-2015 02:37 PM |
| ماهي غايتك من ردك على المواضيع في المنتدى (فريق حيفا) | نقآء | الـטּـِقآشآتُ الجَّآدة والـפـوَآر..! | 8 | 05-26-2014 10:19 AM |
| اجعلها عادتك اليومية , | قصي | ▪« قطوُفٌ دَآטּـيَة ]≈● | 6 | 03-10-2014 03:42 PM |
| هل صادفت هكذا أشخاص .. واذا صادفتهم هل تعتبر أسلوبهم فضول أم قلة أدب؟؟ | عيناك قدري | الـטּـِقآشآتُ الجَّآدة والـפـوَآر..! | 9 | 09-16-2013 01:53 AM |
| واذا بكــت السماء ... تضحك الارض | وجع الروح | زوايا عامة | 3 | 07-25-2013 05:01 PM |
الساعة الآن 01:29 AM
