|
وأكشنها يا آذار ! وأكشنها يا آذار ! http://www.bntpal.com/vb/img/bntpal_1458728768_555.png شو قصة هالشهر؟ شهر 3 بس بيني وبينك؟ هذا شهر ينحكى فيه ! بتعرف ليش؟ لإنو شهر الاعياد والعطل قد مبدك نبلش؟ "عيد المعلم"، هذا عيد حلو بستاهل، ولا شو رأيك؟ مش بقولوا "من علمني حرفا صرت له عبدا"؟ وكلو كوم "وقم للمعلم وفه التبجيلا كاد المعلم ان يكون رسولا" ! كوم تاني، اي رسولا هذا؟ دخلك مش تا يكون في إحترام وتقدير للمعلم بالاول؟ طب مهني الطلاب بستنوا المعلم ليدير ضهرو ويكتب عاللوح عشان يبلشوا الطلاب يرموا عليه طبشوره !! عفكره هذا مثال بسيط من كتير شغلات هبل وخطط بعملوها الطلاب فالمعلم، ويمكن المعلم بحالو بكون عايف حالو مش طايق طلابو وما مصدق لتخلص الحصه ! انا شخصيا بطلت استغرب صرت اتوقع كل اشي .. "يوم المرأه العالمي"، هذا يوم عظيم هه بس كإنو بتبلش تتفجر العواطف بهالعيد؟ او خليني اقول كل الشباب فجأه بيوم وليلة بصيروا شعراء وبتبلش الاشعار : "انت الحبيبه انت الام انت الاخت انت كل شي بحياتي" "الحياة صحرا بلا مره !" "انا ايش؟ انا لمين؟ وك انا إلك يحشيشة قلبي" "هذا مش يوم العالمي للمره، انت عالمي كل يوم !" يقطعك ما اكذبك يخي !! قلبك مهو كوز رمان، معقولي متخربط بين يوم المرأه العالمي وبين واحد نيسان؟ وانتي يا مره، إذا في يوم خاص إلك وفش يوم خاص للرجل يبقى هذا "عز" شو بدك احسن من هيك؟ يوم خاص فيكي، يلا عيشي، بس بيني وبينك؟ هذا مش يوم العالمي للمرأه، هذا يوم العالمي للكذب ! "عيد الام"، هذا عيد حلو عند الكل وانا متأكده كل الناس بتحبو وبستنوه كمان، النهار كلو بكون حلو بهاليوم، مو؟؟ اوكي كلو منيح، بس انت يللي صرلك فتره مش شايف امك كيف لازم ومش سائل عنها ويمكن بتعطيهاش شيكل، ويمكن بتشوفا كل يوم وبتعبرهاش زي الخلق ويا دوب تحكي معها كلمتين ع بعضون، فجأه بتزوها ب 21 الشهر مع ضمة ورد ملونه وهديه وبتبوسلها ايدها؟ وقال في منون يللي بتصور معها سلفي ليحط الصوره عالفيس بوك شوفوني يا ناس "انا الابن المثالي "، طب كلو كوم ومرتو كوم تاني، هي اكذب منو عفكره، مرتك يللي مش طايقه امك من الاساس، بتستنى العيد لحتى تجيب هدايا حلوه وتعمل حالها كتير منيحه وبتحبا كتير لحماتها، وبتبلش التفاهات عصفحات مواقع التواصل "يطولنا بعمرك يا احن ام واحلى حماه بالعالم" وببلش السباق بين السلفات، مين بدو يجيب هديه احسن من التاني لحماتون !! وعفكره عرفت إنو في يوم خاص لعيد الطفل ويوم خاص لسيعة الارض !! واكشنها يا آذار .. وطير وفرقع يا بوشار .. وما بصير اكتر ما صار .. انك تحكي عن "واقع" عايشو وعن اشياء بتشوفها بتعيشها دايما بمجتمعك "بالعاميه"، بتحس انك بتقدر تعبر بسهوله اكتر من الفصحى .. فأنا متأكده كل يللي حكيتو وصل .. 23.3.2016 ليكون في بعد عيد ونسيتو؟ هه :142: :137: |
ضضل ععيد العطلهه :148: عنجـآدد حكيكك بمكآنو لهيكك نآهه ضضد ههيكك آععيآإد ☺ ') يلي بدو يععمل ععيد و يحتفل فيو ع الآققل ييكون يفهم شمعنى ههآد الععيد ؟ ') نـآهه بححب مـمآمآ و مبسستنآ ععيد الآم ششآن أعبرلهآ بسس في هآد اليومم ؟ ') ككل يوم ببوسسهآ و بججنهآ هيهي ') يسلمو سسمرهه ع الموضوع البججنن ☺ ') نججومي وردهه |
هههه شهر حافل بالاعياد اندارية الناس فاضية محتارة شو تعمل شكرا سمرةة ع نهفاتكك |
كلامك صحيح انا ما بحب هيك اعياد يعني ما بعرف الواحد امه الا بيوم عيد الام الام كل يوم لها عيد لازم نكرمهم ونكافيها الام اكبر من هيك الام بدها كلمة كلها حنان حب احترم بس للاسف الناس مظاهر خداعة وكلها اعياد ما الها لزوم والله اعلم هالمرة عيد شو هههههه طرح مميز يسلمو حبيبتي ودي لك |
هآي الأعيآد للنآس اللي بتنسى امها طول السنه .. او للي ما بحترم المرأه ف حيآته او للي ما بقدر الأستاذ اللي بدرسه هدول الأعيآد للأصنآف هآي من النآس . عشآن بفتكروهم بس ملنآش دعووةة فيهم ^^ |
شكرا صبايا وشكرا قيصر، ننوش انبسطت بالنجوم، مع انو آخر همي ينحط نجوم بالموضوع او لاء، بيهمني تحبوا وتفهموا اكتر، لإنو باقي الاشياء بعتبرها ثانويه، قربك لي حياة حلو انو خليتك تضحكي شوي، الله يديم البسمه، تولين معك حق، الام بدها تقدير من ولادها كل يوم مش يوم بالسنه، العقل بالراس زينه، قيصر اكيد مالناش دعوه بهالناس، يمكن لإنو انا وياك مستحيل نكون متلون واي واحد بفكر بالطريقه اللي منفكر فيها، الاشي كتير مستفز، لهيك حبيت حط هالموضوع واعبر إنو قديش هالمناسبات تافهه، لإنو بالنسبه الي هالمناسبات هيي "عدم" مش لازم تنوجد من الاساس ولحتى يللي بيآمن فيهون بعد ما يقرا موضوعي ليكتشف إنون مالون معنى ! لا بقدموا ولا بأخروا .. والله يعين كل واحد ع عقلاته وخصوصا يللي بآمنوا بوجود متل هيك ايام بالسنه .. :137: |
كلها اعياد ملهاش لزوم بدعة ما لها اصل من السنة بس شو نعمل بهيك عقول الله المستعان مشكورة سمره موضوعك في محله ودي |
عنوان الموضوع لحاله فصل كل شيء اكشنها يا اذار هي فعلا اكشن من صناعتنا لتصوير فلم بالي لا معنى لها ونحن بالاصل مقصرون باتجاه كل واحد ممن نعيد لهم الا المرأة هي بلى لحالهااا هههههه يسلمو على النهفة وصدق ما قلتي هههه |
واكشنها يا آذار .. وطير وفرقع يا بوشار .. وما بصير اكتر ما صار .. هههههههههههه آه في عيد ميلآدي بسس أنآ أجلتوو ل 2 ههه حلوو الإششي عجبني |
| الساعة الآن 02:49 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.