|
يلعن ابو التكنولوجيا ...ل عمر زوربا يلعن أبو الفيسبوك ع أبو اللي اخترعو ،، بطلنا نشوف حدا ولا نقعد مع حدا ولا نعرف حدا ولا نقرب على حدا !! بطلنا نقعد ع باب الدكان نشرب بيبسي و نفورها ،، بطلنا نطلع عسطح جيرانو و نرمي حجار صغيره ع ولاد الحاره ،، بطلنا نوخد معنا كيس بردقان و نزور اللي اجرو مكسوره و نوكل البردقان عندو !! نسينا اشكال الناس ،، لا بعرف مين جيرانا ولا مين جنبنا !! بطلنا نروح ع جارنا اللي اجا من العمرة يشربنا مية زمزم ،، العزا عالفيسبوك ، والعرس عالفيسبوك ، والخطبه ، واللمة ، والخِلفة ، والطوشه ، و ام ابراهيم غادرت المجموعه !! الاحساس صار عالفيسبوك ،، ابتسام تحس بوجع رأس ، و خالد يشعر بالنعاس ، و عمر يشعر بالحب ، ووفاء تشعر بالوحدة !! حتى اذا اضطرينا وقعدنا مع بعض خاوه ،، كل واحد وجهو ضاوي من موبايلو ، وعالفيسبوك !! وبتوصل معنا انو نحكي مع بعض عالفيسبوك واحنا جنب بعض !! فش لمة نسوان الصبح تحت الياسمينه ، صار في مجموعة بنات العيله عالواتس اب ، و نسوان الحارة ،، كلو تكبيس و سحب وتتش !! كانت جارتنا تفتح بالفنجان لكل نسوان الحاره الصبح وكلو كذب ،، و تفسر احلام غلط ، بس كانو مبسوطين !! هسا اذا حلمنا ما النا الا جوجل !! كانت جارتنا اذا طبخت صحن رز ،، تنادي ع امي من الشباك تذوق منو ،، هسا بنصورو و بنزلو انستغرام ، و بنوخد رأيهم بالصوره !! يا عمي بدي اقعد بالحاره ، بدي العب طماي ، بدي اتخبى بدارنا بالعقل ، بدون محدا يمسكني اونلاين عالواتس اب ، ولا اون لاين عالفيسبوك !! يلعن ابو التكنولوجيا ،، #رجعولنا_زمان #عمر_زوربا |
معك حق ملاكووو هاد وضعنا والأنكى من هيك انو صرنا نحكي مع بعضنا بالبيت عالواتس صارت التكنولوجيا والموبيل شغلنا الشاغل يعين الله ياسمينةةةة لعيونك |
للاسف التكنولوجيا قضت على مشاويرنا طلعاتنا وجياتنا الامور الاجتماعية خفت ويمكن تلاشت صار فينا نحاكي بعض كتابة بدل ما نسمع الصوت الله يفرجها شكرا شام |
يا عمي بدي اقعد بالحاره ، بدي العب طماي ، بدي اتخبى بدارنا بالعقل ، بدون محدا يمسكني اونلاين عالواتس اب ، ولا اون لاين عالفيسبوك طيب مين ماسكك ههههههه بس والله كلام واقعي يسلمو الملاك للطرح كتير حبيتو ^^ |
ماسكو كلشي لانه الانترنت ادمان موش طبيعي ملك شكرا لالك |
ااي والله رجعولنإا زماان حكي صحح كلوو .. والتكنولوجيآا دمرت ككل العلإاقات الآجتماعيةة ل الأسف عم نستخدمهآا آستخدام غلط طرح جمييل حبيبتي،، |
كلام صحيح الهواتف والنت قطعت كل العلاقات الاجتماعية بين الناس صار كل شي عن طريق النت موضوع رائع ملاك تحياتي الك |
صدقتي |
اقتباس:
شكرا باروو |
اقتباس:
النت سلبياته صارت اكتر تحياتي الك |
| الساعة الآن 03:02 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.