منتديات بنات فلسطين

منتديات بنات فلسطين (http://www.bntpal.com/vb/)
-   همس القوافي , النثر و الخواطر (http://www.bntpal.com/vb/f12/)
-   -   يآ بحْر حٓيفآ 🌊 (http://www.bntpal.com/vb/t54403/)

رانيا 02-19-2016 05:35 PM

يآ بحْر حٓيفآ 🌊
 
يا بَحَر حَيفا رُوّح خَبِر الّخلّجَانْ..

عَن شَعب عَاش برِفقتك هادي
وبلاد رَفْعَت للعُلىَ بُنيّان
بِالّمَجد فَوّق ربُوعها غَادي
باعهَا الثالوث للشِيطَان
قَطَعّ أواصِرها وشَتَت اولادي
احمِل مَعَك مِن رِيحِة الجِيران
زَعتَر الكَرمِل للأهل زُوّادي
واتْذَكَر الأسماء عَ الحِيطَان
من سَاحِة الّخَمْرَة لَمَدخَل الّوَادِي

بِوَادِي الصَلِيب اتهَدَم العِمران
تشتتوا الخِلاَن وتسَكَر النَادي
وبِوَادي الجّمال اسْتَوطَن السَجَان
بَدَلّوا السُكَان وسَكَتوا الحَادِي
والبَهاء أبو العباس بِالصُوَان
وَسَّع بوابُو لّصَلاَة عبَادِي
نادي المُؤتمر للحِزِب عَطشَان
لوَقفِة شَهَامِي وعزّ بينادي
لرفاق كَانوا خِيرة الفُرسَان
اتحدوا بِوُحِدة شَعب سَدَادِي
واجَهُوا الطُغيان والعِدوان
كَانوا عَلى الأسيَاد أسيَادي
تْغَيير العَدال عَلىَ الّمِيزان
وصَار الّوَطن عَم يشحَد شحَادِي
كِثرَت الأحزاب بِآخر زَمان
صَاروا جَماعَات وفِرَق مَدادي

حَيفا... عَ اسمِك نَسَلوا الخِيطان
عَهد الّمَضَى بأمجاد أجدادي
الشَام عَ بوابِك حَفرَت العنوان
جَايّ بصَهِيل الّخَيل شَدادي
رَح ضَل عَ عَهْدِك انَا هَيّمَان
غَنِي لياليكي وزيد إنشادي
يَاما ليَالّي بعِروتِك سَهْرَان
بِالّحُب اصحَى وحِبِك زيادي
دَوّزِن عَ مَوّجِك أجمَل الألّحَان
وغرد ع صوت البلبل الشادي

بِعتذر مِنِكْ... انا عَشقان
جبَالِك وبَحرِكْ وجَوِّك النَادِي
باقي انا ع الوَعد مِش نَسيّان
خَبِي بموجة بحرك الولهان
اسم اللي حَبَيّتهُن.. حُب مِش عَادي..



طــيف 02-19-2016 06:04 PM

انتقاء جميل

عوافي

السماء 02-19-2016 06:13 PM

طرح جميل
وكلمات معبرة
ان شاء الله بترجع النا
يعطيك العافية تايتنك

عهد 02-19-2016 07:10 PM

كلمات كتير رائعهتسلم الايادي ع طرح المميز
ان شاء الله بترجع النا

ملك روحي 02-19-2016 08:31 PM

حيفاا عروس البحر ^^

كلمات جدا انيقةة واختيار قمة بالذوق غاليتي


انشالله بترجع كل ارض مسلوبةة لاصحابهاا


الف عافيةة غاليتي للادراج


تحيااتي

غُرورْ ✿ 02-20-2016 08:20 AM

جدآُ جميلةةُ

سلمُ المدآدُ ومآجلبُ


أزهاريُ وhttp://www.bntpal.com/vb/images/rating/rating_5.gif

الصياد 02-20-2016 10:39 AM

قصيدةة جدا جميلةة،
انتقاء ذوق ومميز،
يعطيكِ العافيةة رنوش..


الساعة الآن 02:08 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.