|
قصيدة جحــا ... هشــام الجخ قصيدة جحــا ... هشــام الجخ شعور سخيف انك تحس بان وطنك شئ ضعيف صوتك ضعيف رايك ضعيف انك تبيع قلبك وجسمك وانك تبيع قلمك واسمك ما يجبوش حق الرغيف سألوا جحا عن سر ضحكه قالك اصل اتنين وشبكوا اللي كان من تحت ميت واللي كان من فوق كفيف ده شعور سخيف وشعور سخيف انك تكون رمز الشحاته تبني مبني للشحاته تعمل وزاره للشحاته يا ساقيه دوري عدي فوقي ودوسي نصبوا عليا وشحتوني فلوسي ربطوني فيكي حتي ما اتغميت هم اللي فرحوا ووحدي انا اتغميت انا اللي صاحب البيت عايش بدون لازمه ولما مره شكيت ادوني بالجزمه مش لاقي تطفح اديك هاتولنا جيبولنا ودولنا وادونا هنجيب منبن ؟ هنجيب منين نديك؟ مش لاقي تطفح اديك طافح يا بلدي غدايا ولوعتي غدايا وادي الاحبه التقوا واتجمعوا عدايا انا اللي زارعك دهب بتأكليني سباخ ماان كان ده تقل ودلع بذياده دلعك باخ لا شوفت فيكي هنا ولا شوفت فيكي ترف كل اللي فيكي قرف كرامتنا متهانه واللقمه باهانه بتخلفينا ليه لما انتي كرهانا يعني ايه لما تبقي هبة النيل يا بوبه وكل يوم المايه تقطع ؟ يعني ايه لما اشتكي غلو الفاتوره يقولوا تشكي بس تدفع ؟ لما قش الرز ثروه بتتحرق ؟ واما نفط الامه ثروه بتتسرق ؟ واما جلادك علي ولادك بيبطش ؟ واما علمك ما يلاقيش ياكل فيطفش ؟ يعني ايه نرفع ادينا بالسلام لاجل الغزاه ؟ ويعني ايه لما ابقي ماشي في حالي اتشد اشتباه ؟ يعني ايه لما اتحبس اربع سنين حبس احتياطي ؟ حبس اعتباطي يعني ايه مش حاسه بالعمر وغلاوته ؟ بتصبي مر العمر ليه دانا كنت هوهبلك حلاوته ؟ انا عمري ما اتامرت ولا حطيت شروطي ومكان ما ترسي مركبك ببني شطوطي انا كنت جيشك لما مماليكك باعوكي انا كنت يوسف لما عشت سنين عجاف وضلوعي دي اللي في معركة قادش حموكي وشفايفي دي اللي ما بطلتش في يوم هتاف انا كل شبر في ارضك اتمرمغت فيه وكل يوم عشتيه انا اتعذبت بيه بتكرهيني عيونك السودا وايامي اللي فاتت مانتيش حبيبتي من النهارده حبيبتي ماتت مع صوت ادان الجرس في الشده صاحينلك من امتي كان الحرس هم اللي باقينلك؟ بعتيني علشانهم وعنيكي معصوبه ياهل تري خاينه ولا زيي مغصوبه ؟ كل الكلام اتقال والشعر بقي ماسخ والصبر علو جبال والظلم شئ راسخ وطن وغرقان في النطاعه كل شئ ريحته نطاعه علمونا بالعصايا ورضعونا الخوف رضاعه علمونا في المدارس يعني ايه كلمة قيام علمونا نخاف من الناظر فيتمنع الكلام علمونا ازاي نخاف وازاي نكش بس نسيوا يعلمونا الاحترام فا ما تزعلوش لما ابقي مش بسمع كلامكم مستني ايه من طفل ربوه بالزعاق غير المشاكل والخناق كل اللي بيقلك بحبك دول نفاق انا لما قلتلك بحبك كان نفاق الحب يعني اتنين بيدوا مش ايد بتبني وستميت تيت تيت يهدوا الحب حاله الحب مش شعر وقواله الحب يعني براح في قلب العاشقين للمعشوقين يعني الغلابه يناموا في الليل دفيانين الحب يعني جواب لكل المسجونين هم ليه بقوا مسجونين ؟ يعني اعيش علشان هدف علشان رساله يعني احس بقيمتي فيكي اني مش عايش عواله يعني لما اعرق تكافئيني بعداله الحب حاله الحب مش شعر وقواله الحب حاجه ما تتوجدش في وسط ناس بتجيب غداها من صناديق الزباله الحب جواكي استحاله راقتني كثيراً http://www.youtube.com/watch?v=7xffh8ceU-w |
روووووووووووووووووووعه جدا راقتني كثيرا كلمات معبرة جدا يسلمو عالانتقاء الرائع |
في قمة الرووعة مشكورة عالطرح الراقي والجميل تحيآتي لإلـكـ |
| الساعة الآن 11:24 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.