منتديات بنات فلسطين - قلووب بسيطةة الجزء التالت لعششاق قصص الححب

قلوب بسيطة

الجزء الثالث :

جابتلو طلبو دغري .. واهتمت بطاولتو ..
وكل شوي يدردشو مع بعض بس ع السكيت
منشان معلم الكافيه
وتمرق من جنب طاولتو هو يسئلها سؤال وهي تجاوبو .. وتسئلو سؤال وهو يجاوبها
وكل يوم صار يتردد ع الكافيه ع فترة شهر وشهرين يضلو قاعد عشانها لساعة 8
ليخلص دوامها ..وتعرفو ع بعض مظبوط
هو أعجب فيها وبشخصيتها
هي مو بس اعجبت فيه حبت شخصيتو المتفهمة للحياة ..
وهي مارقة من جنب طاولتو ،،
+ شو رأيك تاخدي أذن وتطلعي بكير
~ ليش !!
وشافت طلبات طاولة جنبو .. ومرقت مرة تانية من جنبو ..
+ عازمك ع مشوار
~ بس ما بطلع مع غربا
وعلا صوتو : بالله شوووو ؟؟؟؟؟
الكل يلي بالكافيه تطلع عليه واستغربو !!
ضحكت وتلبكت من جنانو
~ طيب خلص خلص هسس :$
~ هههههه ماشي مستنيكي
واخدتت إذن وطلعت بكير وشافتو مستنيها عند الشجرة جنب الكافيه .. كان جو مطر وحامل شمسية
~ شو وين استاذ ؟؟
+ هههه بدون استاذ وعازمك ع مشوار نلف فيه الخليل كلها
ههههههه طيب حاضر ..
وصارو يتمشو وطول الطريق ضحك ومزح
ونسيت أنو هو أعمى
وهو نسي أنو أعمى
صار يشوف الدنيا بمخيلتو كلها الألوان .. بعمرو ما نبسط هيك من وقت ما خلق ع دنيا وصار عمرو 25 سنة وهو شايفها سودا
+ بتعرفي كنت أدعي ربي يرجع نظري بس لشوف العالم كيف عايشة .. بس هلاء !!
~ هلاء شو ؟؟
+ هلاء عم ادعي لحتى شوفك وشوف لون عيونك شوف جمالك شوف البنت القوية
~ هههه اه طيب طيب
+ يييي علينا هلاء بتغير السيرة ﻷنها خجلت وحمرو خدودها
~ شو عرفك
+ حاسس فيكي يا بنت ..
وهم عم يقطعو الشارع سوا بتمرق سيارة بسرعة كتير وصاحب السيارة معلي صوت اﻷغاني
ومش شايف حدا قدامو ..
بيمسك إيدها وبشدها لورا لحتى ما تقطع الشارع
وبيوقع هو وياها ع اﻷرض ..
وبتمرق السيارة بسرعة وبدون ما تدعسها ..
~ هل الواطي كان دعسني والله لو مهدي شوي كنت شبعتو بهادل
+ هههههه روقي روقي
~ لك انت كيف هيك حسيت عليه ؟؟
+ اﻷعمى بحس اكتر من أيا أنسان تاني ..
لدرجة إنو إيديكي ناعمات ودافيات كتير
انتبهت أنو إيدها بإيدو .. وسحبت إيدا ..وهم لسا باﻷرض بالشارع ..
~ لكان يلا يلا قوم تشرشحنا وأحنا باﻷرض
+ هههههه طيب ..
وضلو كل يوم يلتقو .. تتصبح ع صوتو
ويتصبح ع همسات صوتها
يطلعو مشاوير ويمسكلها إيدها لحتى تساعدو بالمشي
بس هو ياويلي شو كان مبسوط بحنانها .. ودفا إيديها
كانو يقعدو دايما تحت شجرة .. ومكان كلو شجر و خضار
ودنية برد ويحكيلها : شو شايفة
~ امممم دنيا برد شوي مو شوي كتير هههه ومغيمة شكلها راح تمطر ..
+ وفي صوت ولاد صغار !!
~ اه في عيلة صغيرة قاعدين وعم يلعبو ولادوهم ^^
+ بتحبي الولاد ؟؟
~ كتييير ويكون عندي 10 ولاد بس بنفس الوقت مابدي
+ ليشش ؟؟
~ ما بدي يعيشو بفقر ويتعذبو متلي
+ لا طمني راح يعيشهم أبوهم عيشة حلوة وماراح يحتاجو شي
~ شو عرفك ؟؟
+ هيك قلبي حسني وهلاء يلا كملي حكي شو شايفة كمان بحب شوف دنيا بعيونك
~ هههههه طيب ..