| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
قلووب بسسيطة الجزء الثاني ،" لعششاق قصص الحب
قلوب بسيطة الجزء الثاني : وتاني يوم بعد ما رجعت من جامعتها ،، وهي ماشية عم تطلع حواليها بالناس ودكاكين بتشوف كافيه مكتوب عليه يلزمنا عامل .. بتدخل ع
| | LinkBack | أدوات الموضوع | انواع عرض الموضوع |
|
#1
02-03-2016
| |||||||||||||||
| |||||||||||||||
قلووب بسسيطة الجزء الثاني ،" لعششاق قصص الحب قلوب بسيطة الجزء الثاني : وتاني يوم بعد ما رجعت من جامعتها ،، وهي ماشية عم تطلع حواليها بالناس ودكاكين بتشوف كافيه مكتوب عليه يلزمنا عامل .. بتدخل ع صاحب الكافيه ،، ~ كيفك معلم * أهلين يا آنسة تفضلي شو بخدمك ؟؟ ~ كاتبين ع باب الكافيه بدكم عامل صح ؟؟ * اي وينو ؟؟؟ ~ اممممم بينفع بنت ؟؟ * بنت !! شايفتني مسخرة قدامك لحتى تتمسخري .. ~ لا والله بس محتاجة كتير أشتغل .. وصارت تشرحلو وضعها وهو مو متقبل فكرة بنت تشتغل بالكافيه .. وبعد حكي كتير وترجي لحتى يتقبل الفكرة اقتنع * ماشي .. ~ بس معلم عندي شرط صغير !! * كمااااان شو هو ؟؟ ~ بدي حط طاقية ع راسي مابدي حدا يعرفني ،، صح بنت بس ما حدا راح يدقق * والله أحسن إلي وإلك توكلنا ع الله ~ ونعم اﻷتكال .. إيمتا الشغل ؟؟ * هلاء أحنا عنا شغل جزئي يعني الصبح بدامو شباب والمسا والعصر أحنا لازمنا العصر والمسا ~ امممم طيب لمسا ﻷيمتا ؟؟؟ * لساعة 10 بس يلا شو رأيك دوامين بس لساعة 8 ؟؟ ~ أوخ كتير تمام وممتاز هيك بلحق ارجع ع سكن دغري .. * طيب لكان اتقفنا وبكرا بتقدري تبلشي ~ اوك تمام .. وطلعت من الكافيه مبسوطة كتير وطاير عقلها..... طااااااااااااااااخ ~ لك ايييييييه مالك شو أعمى ما بتشوف قدامك ضربت بدون ماتنتبه بشب طويل حلو وجنتل لا بس سبور وحاطتت نضارت وقعت هي وياه ع اﻷرض .. وقف هو شوي شوي .. ركز نضارتو ومسك العكازة وتسند عليها ليوقف وهي عم تبهدلو بقلها : معك حق أنا أعمى حقك ع راسي بس صارو البني أدمين هم العميان مو أنا تطلعت فيه ومتفاجأة وماتوقعتو يكون أعمى ومابشوف .. فاقد بصرو وحاطتت نضارات سود .. ~ بعتذر أمانة ما تواخذني يبعتلو قصو لساني + لا لا ما تدعي عن حالك هيك بتصيري خرسا .. ~ هههههه لا دايما بدعي ﻷنو لساني متبري مني + طيب ولا يهمك وأعتذارك مقبول ~ والله ما بعرف كيف هيك صار بس طالعة من الكافيه مبسوطة وهيك + هههه طيب فداكي شكلو الحبيب هو السبب ~ يا حسرة مين بدو يطلع فيي + ههههه لا ولو ع سلامتك ~ صح كلامي قاسي بس منيح ما بتشوف ﻷنو منظري بقرف وبعين الله وبس شو الحمدالله ع كل حال ومستورة اهم شي + اديش متفائلة وفعلاً اي والله اهم شي رضى عن الحال ~ أستاذ بدك مساعدة ؟؟ + لا شكرا إلك متعود ~ أكيد يعني مابدك شي ؟؟؟ + والله مابدي شي وحافظ طريق ع الكافيه .. ~ طيب تمام .. يلا سلام استاذ + سلام .. دخل هو ع الكافيه ومستحيل ينسى نبرة صوتها يلي كلها قوة ومفعمة بالحياة .. وصلت ع السكن وهية مزعوجة من حالها كيف حكت الشب هيك .. بس يالله صح هو أعمى بس والله بجننن وحلو كتير ربي يحميه ويكون معو .. وصار تاني يوم وخلصت جامعة بكير وصارت تركض ركض ع شغل وصلت لبست (اليونوفورم) يعني لباس موحد لكل يلي عم يشتغلو وصارت تشوف طلبات الزباين .. وماحدا منتبه عليها أنو بنت .. نادلها شب .. وصلت ع طاولتو بدها تشوف طلباتو !! ~ تفضل أستاذ شو بتريد + أهلين بالبنت القوية ~ كيف عرفتني + من صوتك ههههه مستحيل انسى صوتك .. ~ ايوواااه + شو بتشتغلي هون ؟؟ ~ إيه والله شو بدي أعمل .. وهاد أول يوم إلي بالشغل ،، دخيل عينك أستاذ منشان المعلم المحل + هههه طيب ولايهمك وفنجان قهوة مع سكر عالريحة ~ تكرم أستاذ على راسي وأهلا وسهلا فيك .. + ههههه يسلم راسك يا هلا . المصدر: منتديات بنات فلسطين - من قسم: قصص أدبية , روايات , حكايات , تاريخ الأدب والأدباء rg,,f fssd'm hg[.x hgehkd K" guaahr rww hgpf  |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قلوب بسيطة الجزء الاول ،، لغششاق قصص الحب | غرام | قصص أدبية , روايات , حكايات , تاريخ الأدب والأدباء | 5 | 02-13-2016 03:45 PM |
| في عمق الرجل - الجزء الثاني | رفيقة ٱلقمر | حـانة الآدباء والفـلاسفة والمفكريـن | 4 | 01-26-2016 08:52 AM |
| جوري ، الجزء التاني والأخير | رفيقة ٱلقمر | ابداعات أعضاء بنات فلسطين الشعرية والنثرية | 8 | 04-08-2015 03:21 PM |
| فقه الموت - الجزء الثاني | طائر الغرام | ▪« قطوُفٌ دَآטּـيَة ]≈● | 4 | 06-02-2014 11:57 AM |
| الجزء الثاني من / ليل الغريب | محمود | الــشعـر والـشعـراء | 8 | 08-01-2013 07:25 PM |
الساعة الآن 08:54 PM
