|
ما احلى الضرب بالحاره امام البنات اهالينا زمان لما كانو يضربونا ( بالحاره ) ما يحلالهم الضرب الا و بنات الجيران واقفين عالبرنده :60: بعرفش ليش بصيرو يضحكو ولكو على شو بتضحكو وانا قاعد باكل شلاليط وكفوف وين الدُعابة بالموضوع قال وانا بصير ابتسم انو عادي مش متوجع من ضرب ابوي وبصير اعمل انو مزح ، وبصير اتفرج على البرنده وابتسم :110: انو يعني مالكو بابوي بمزح معي بس لما يزيد الضرب ،، بصيرو دموعي ينزلو لحالهم و بتخف الابتسامه ،، والبنات بتزيد ضحكتهم !! وبحاول اهرب جوى باب البيت ابوي برجع بسحبني برى ،، طب ليش يابا كمّل الجولة جوى يا غالي ،، جوى بالبيت اريحلك اقعد عالكنباي و اضربني ،، ولع ارجيله وانتا بتضربني بس الوالد كان يحب الضرب بالهواء الطلق و عالعيان ،، والمشكله اذا كنت لابس شورت و سحل من العنف بالضرب قال بنات الجيران بحكو : يييييييي يا عيبووو هههههههه:120: و في بنت بتصير تنادي ع اختها ،، جووووهره ، ولك جووووهره تعي بسرعه تعي تعي شوفي هالمنظر شو تشوف يختي:110: واحد قاعد بنشمط شلاليط و كفوف ،، عشو بتناديها تشوف منظري بلا شورت ههههههههههه:99: حسستوني اني برنامج جويل خليكي اجلي يا جوهره ،، شو بدك بهالشوفه واحد شرتو ساحل ،، ودموعو نازله ،، وقاعد بعبط برجل ابوه من الضرب طب يابا ما تعبت ؟! مش حابب ترتاح؟! القصه مش رويال ريمبل يابا ،، طب ما اشتقت لفنجان قهوه مع الوالده تحت الليمونه طب اتركني وارجع كمل بس يفوتو البنات عن البرنده :144: قال وكان يمر جارنا ويسلم ع ابوي و هو بضربني ،، و ابوي يرد عليه عادي ، و جارنا يضل ماشي ،، طب تع انقذني يا كبير ، اكسبلك حسنه !! لهالدرجة الاستهتار والعنف بس هو زمان الموضوع جدا طبيعي كان لو بالايام هاي بيجي واحد بصور ابوي فيديو ، و بنزلها عالنت : اب اربعيني يعذب طفله حتى الموت في المنطقه الفلانيه وبنزل العنوان لا يفوتك ، بروح عليك نص عمرك ، فيديو يستحق المشاهده ! مع انو بعد القتله ،، ابوي بعطيني شيكل اشتري بوظة اكل البوظه ودموعي ساحله و تبع الدكانه بقلي ،، شو ابوك قتلك بتستاهل و بقرصني من ذاني كمان ابن الهبله:60: هو انا ناقصني يا خال ناقصني حضرتك يا_عمي_زمان_احلى ههههههههههههههههههههه اخ يما :19: |
ههههه اي والله زمان احلى ، بضربونا وبعدها بتبلش حنيتهم تطلع طيب وين كانت هالحنيةة كلها وانتو بتضربو فينا هههه ، وصادق بحكايةة الجوال والتصوير حبيتها اكثر اشي بالقصةة هههه ، |
يسعدلي ياك محمود شفت يا اخي اكلنا ضرب لشبعنا بزمانا ههههههههه نورت يا طيب |
هههههههههههههه يا امي. شو هاد بجد من الاخر جبتها بزبط احلى شي بنات الجيران ههههههه والله انك نهفه لطشه مرتبه والله ِ يسلمووو =) |
اه لطيش انا بس فيني االف نكت كمان هههههههههه نورتِ رانيا عقبالك يختي :60::60: |
والله العظظيم زمآن منضضربت هيهي :60: بسس يلي متزكرهه بسس انضضرب آكسسب آشيــــــــــــــــــــآآء هيهي ')) يسلمو خخيو زكرتني لمآ ضربوني آهلي و عزبوني :30: ههه وردهه |
هههههههههههههههههههههههههههههههههه تضرب مؤيد المشكله اني طول الوقت متخيلتك انت بالموقف شو اعمل هيك طلع معي بس بجد فرطت ضحك وعنجد اااااااااااخ يمااا واحلى تقييم لعيونك |
هههههههه بس انو بينضرب وبنكت كمان هههه بجد نهفةة من الاخر يسلمو حبيب العمر تحيااتي |
ههههههههه يا ريت يرجعو يضربونا وبعطونا شيكل متل اول يا ننوش عالاقل منحس انه لنا قيمه هلا في حقوق الانسان ممنوع الضرب بحبسه ابوي لو ضربني بجبله الشرطه ههههههههههههههههههه |
لا ولك ياسمين هادا زمان ايام لما كنت البس شورت ههههههههههههههه ههههههههههه هلا بلبس بدله ما احلاني وانا ماكل شلاليت بالبدله حلو يمسكني من الكارفته ههههههههه ينعن موسكو فرطيني ضحك |
| الساعة الآن 06:52 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.