|
عذرا .. آنتهى مشواري هون !! يسعد مسساككم سؤال ببالي وبعرف راح تحككو دائما اسئلتها زنخةة بس معلش اتحملوني ايمتا ممكن تحس انو مشواركك انتهى بالمنتدى وانو ما ضل عندكك شي تئدموو ؟؟ وحسيت هيك من ئبل ؟؟ طيب قررت تترك ورجعت بقراركك ؟؟ ولو صح ليش رجعت وع أي أساس يلاا لشوف فضفضتكم |
ايمتا ممكن تحس انو مشواركك انتهى بالمنتدى ممكن لما يجيني وقت ماأقدر ألاقي فيه وقت أقعد ع النت وانو ما ضل عندكك شي تئدموو ؟؟ بالنسبة لنقطة هاي فما راح تجي لانه كل يوم بكون عنا كلنا شغلات نقدمها سواء لانفسنا او لغيرنا وحسيت هيك من ئبل ؟؟ حسيت هالاحساس صراحة طيب قررت تترك ورجعت بقراركك ؟؟ ولو صح ليش رجعت أنا تركت المنتدى فترة تقريباً سنتين أنا متعلقة بالمنتدى كتير وصعب أتركه أبدي طول ماهو موجود وانا موجودة مهما غبت برجع غيبتي كانت بسبب ظروف ومابنكر انه كانت بارادتي أول الامر لكن صارت ظروف قاهرة جبرتني ماأفوت نت طول المدة اللي فاتت وماكنت افوت الا فيس من رصيدي كلنا بتمر علينا فترات بتتعب نفسيتنا وبدنا نبعد عن كل شي لكن لما نرتاح بنرجع والحمدلله السنتين كفيلات يريحوا النفسية شوية ويرجعونا نختلط بالعالم والبشر من جديد لكن بموقف صغير بنرجع لنقطة الصفر وهلم جرا يعني مسألة الترك للأبد بالنسبة لي فكرة مستحيلة الا في حالة وحدة بفضل احتفظ فيها لنفسي مشكورة غاليتي ع نقاشك وردي لكِ |
اسالك سؤال حنين ما حسبتي ولو للحظة انو المنتدى وعلاقة الاعضاء ببعض وهم ؟؟ وانو كلو مبني ع شي افتراضي وما بستاهل هالانتماء الي عم تحكي عنو ؟؟ |
أنا فيا طبع صعب أغيره بحب الانتماء والاخلاص والوفاء مابنسى أي شي مر بحياتي ولا أي شخص ظهر في حياتي سواء الواقعية أو الالكترونية والانترنت مو عالم وهمي احنا بنتعامل مع بشر مش مع آلات الكترونية منتدى بنات فلسطين من 2010 أول مكان عرفته أول مادعست رجلي الانترنت وراح يضله لاخر يوم بعمري أفضل مكان برتاح بوجودي فيه وربنا مايجيبلي يوم ماأشوف المنتدى فيه أنا بحن كتير لأيام زمان ونفسي كل أعضاء المنتدى تبع زمان يرجعوا حالياً مافي منهم الا يادوب 5 اعضاء هنا وانا بينكم انتم مالي تقريباً تلات شهور لكن بحبكم كلكم وراح يكون صعب عليا أفارق حدا فيكم العشرة مابتهون الا ع ابن الحرام حتى لو عشرة الكترونية أنا موفايتة للنت أتسلى حتى أعتبره وهم ومايفرق معي |
حلوو حنين ربي يسعدكك ويسلمو لمشاركتككك يسعد مسساكي ^^ |
ايمتا ممكن تحس انو مشواركك انتهى بالمنتدى عِندمآ أنَشغلْ بِـ مَسؤوليآتْ كَثيرهْ تُلهينيْ عَنه لآنيِ أعتبرهُ هِوآيهْ :) وحسيت هيك من ئبل ؟؟ نًعمْ .. وَتركتْ المٌنتدىْ فَترهْ مِن الزمنْ لآنشغآليْ بِـ دِرآستيْ ثمَ عُدتُ مُجدداً اليهْ طيب قررت تترك ورجعت بقراركك ؟؟ ولو صح ليش رجعت رُبمآ .. لآأعرفْ سَببْ عَودتيْ :) شُكراً لِـ النِقآشْ تَحيتيْ |
عذرا .. آنتهى مشواري هون !! يسعد مسساككم سؤال ببالي مساء النور وبعرف راح تحككو دائما اسئلتها زنخةة بس معلش اتحملوني متعودين عالاسئله الي متل هيك ولا يهمك ايمتا ممكن تحس انو مشواركك انتهى بالمنتدى والله كل يوم بحس بهادا الشعور وكل يوم بفكر اترك وبرجع بقراري لانه لازم ييجي وقت لنترك ازا مش اليوم بكره بعد شهر وانو ما ضل عندكك شي تئدموو ؟؟ بتمر علي هاي الحاله بشكل دائم وحسيت هيك من ئبل ؟؟ هالاحساس موجود كل وقت طيب قررت تترك ورجعت بقراركك ؟؟ ولو صح ليش رجعت هون الزبده ملك روحي عن نفسي انا الي شي 6 سنين او اكتر بالمنتديات صارت عندي شي عاده او روتين طبعا النت ملان شغلات لقتل الفراغ لكن بكل صدق انا هون شفت ناس كتير انبسطت معهم بعرف منتعامل من ورا شاشه بس هدول اشخاص حقيقيين موجودين عالخارطه مو جايين من الفضاء في امكانيه اتواصل معهم بره المنتدى صح لكن المنتدى اله طعم خاص فيه الفائده والضحكه والحزن والفرح فيه المعلومه فيه كل شي حابب تبحث عنه في ناس هون بتحب تشوفك او تشوفها طبعا اون لاين مش شخصي انا والله مبسوط هون رغم انه تفكير الخروج الدائم بالبال وممكن ييجي باي وقت وبدون اعلان ولو خرجت بكل امانه ما بعمري رح ارجع وهادا الشي الي مأخر قراري يسعد مساكِ يا طيبه |
ايمتا ممكن تحس انو مشواركك انتهى بالمنتدى لما ينتهي المنتدى. لانو بصراحه ما في بإزن الله عائق معين يشغلني عنو حتى بعد الزواج ازا الزلمه طلع من البيت بفوت او ازا كنت باي وقت فاضيه هههههه ما راح اتركو ابدا. لانو الكل بلبيت وحتى خطيبي بعرف اني متعلقه فيه واكيد ما راح يحرموني من اشياء بحبها لهيك ما حيفرقنا الا انا والمنتدى الا ازا سكر وبطل حدا يفوت فيو '❤ وانو ما ضل عندكك شي تئدموو ؟؟ لسى لا في اشياء كتير بدي قدمها بلاخر المنتدى شان نفيد ونستفيد ') وحسيت هيك من ئبل ؟؟ ايه حسيت هالشي طيب قررت تترك ورجعت بقراركك ؟؟ ولو صح ليش رجعت ايه تركتو فتره وبس ما بعدت كتير شوي وبعدين رجعت لانو صار معي نوع من اليأس بس رجع الامل الي من جديد =) يسلمو ملوكه بتشنني يا عسل =) |
فكرت مرة بصراحة ونزلت موضوع بتركي اله لسبب ما بقدر اذكره الا لشخص واحد بس رجعت بقراري لاني ما قدرت وكانت لحظة غضب وعصبية الله اعلم يمكن يجي يوم وظروف بتخلينا ما نقدر ندخل بتعرفيش شو مخبيلنا الزمن وانا هلأ بدخل لحتى عبي فراغي ولحتى شوف ناس حبيتهم وتعاملت معهم لفترة طويلة |
موضوع جميل لي عودة للإجابة |
| الساعة الآن 11:33 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.