المشاركة الأصلية كتبت بواسطة امہير القہلہوب

طابت أيامكم
أسعد الله اوقاتكم بكل خير


مممم الله يسعد كل اوقاتك واوقات المتابعين لهاد الفكرة وبتشكرك عليها ..

كيف حالكـ ؟

تمام الحمدلله

وكيف هي الدُنيا معكـ ؟

هيها داحلة وماشية بحلوها ومرها الحمدلله علي كل حال

هل تقبل عادة ًدعوات كهذه على أرض الواقع ؟؟
مممم مش دايما
هل أنت من الأشخاص الذين يفضلون شرب القهوه؟؟
مابحب القهوة ونادرررر جدا لما اشربها

هل هناك مكان معين ترتاده وتشعر بالطمأنينة إذا ما دخلته ؟
ممم غالبا كل الاماكن الي برتادها مؤلوفة وبكل الاحوال بشعر بالطمانينة وماعندي اي قلق او خوف من اي شي ابدا

لحظــــة !!

سـ اقطع حديثك فقدجاء الجرسون لِـ أخذ الطلب
قهوتك سادة أم وسط أم سكر زيادة ؟؟ أم أنت لست من عشاق القهوة !!
لست من عشاق القهوة

تفضل القهوة ^^





حسنا ً
حكمتك ومبدأك في الحياه؟
كن صاحب الاراء والفكر ولا تكن مقلد ! وكن مميزا ولا تكن تبعا لاحد ! وقل الحق مهما كلفك الامر !

شخصية تاثرت بها ؟
مممممم مابتاثر بشخصية حد لانو الي شخصيتي وكريزما خاصة فيني لكن انا حبيت عبدالعزيز الرنتيسي وشخصيات علي الساحة الفلسطينية ثقافية وسياسية وعسكرية ..

تؤمن بلبس الاقنعه لتتكيف مع الحياة من جميع النواحى؟
لا طبعا .. مابحب اابدا اكون ب100 وجه هوا وجه واحد مافي غيرو والي عاجبو عاجبو والي مش عاجبو البحر قريب .. بغيرش نفسي علشان ارضي غيري .. وبحكيش عن حد حاجة مابستاهلها

هل تختار عادة ً طلبك حسب ذوقك أم تترك الاختيار للمستضيف ؟
مممم حسب نوع الاستضافة لو كان بالبيت بطبيعة الحال حسب المستضيف لكن لو طلب رائي واصر علي هالشي راح احكي مايروق لي
هل مازلت الى الأن تسعى في الوصول الي حلمك أمأنه تحقق ؟
ممم فيه احلام كتيرة تحقق فيها البعض وباقي البعض الاخر نطمح للوصول اليه ان شاء الله


اسمحلي ان اسافر بك نحو الخيال ..

اثبتت التحاليلالمخبرية أنك تعاني من فشل في عمل الكلى ( عافانا الله واياكم وأبعد عنا وعنك المرض )
وأنت بحاجة لعملية زرع كليه ..
وكان هناك اثنان فقط يمكنهم منحك احدى كليتيهم ..
هما : أخاك .. وابنك ..
من ستختار؟ ولماذا ؟
ممم ماراح اقبل لا اخد من اخويا ولا ابني لانو بفضل اموت واتعذب ع انو اسبب ضرر لاخويا او ابني ..

هل لك قوانين وأنت تتناول قهوتك أو مشروبك المفضل كأن تبدء
بشيء معين وتنتهي بشيْ معين آخر؟؟ مممم لا ماعندي قوانين لكن الكولا فش مجال لازم كل يوم اقل شي لترين هع



هل أنت من الاشخاص الذين يفضلون شربالقهوة ساخنة ام باردة ؟
ممم مش من الهواة لكن بشربها لو كانت بنفس وحرفية معمولة وسخنة طبعا

مرة أخرىلحظــــة !!

هاتفك يرن هل ستجيب عليه؟
مممم لو كان الاتصال مهم جدا بطبيعة الحال ساجيب لكن لو غير مهم لن اجيب
أأنت من الأشخاص الذين يضعون هواتفهم على الوضع الصامت أثناء تلبيتهم دعوة كهذه
أم تتركه على الوضع العـآم ؟
مممم جوالي بنسبة 95% بوضع الصامت باي وقت من الاوقات نادر جدا لما يكون عام لاني مضغوط ولما اشوفه ويكون في حد رانن برجعله حتي لو كان غريب
هل تهتم بأمر التَجمع على القهوة أو الطعام؟؟
ممم بحب اكل مع جماعة مش لحالي هيك الواحد بيحس باشي حلو مع الجماعة ههه بس برضو لو اكلت لحالي مافي مشكلة

سبق لك وتعرضت للسرقة ؟

ياااااااااااه كتيرررررررررررر سرقات الكترونية مش ع ارض الواقع

هل تعرضت لصدمة في حياتك ؟ وما هي ؟
طبعا كتير صدمات وكلها في وفاة واستشهاد ناس عزيزين ع قلبي ! واكبر صدمة كانت وفاة اعز صاحب عندي في 2013
إذا استعرضنا معـــــًا أجمل محطاتك في :

الطفولة ، السفر ،الدراسة

فماذا سنجد في جعبتك من مواقف
لم تزل قائمة في الذاكرة؟
الطفولة لما كنت صغير بالروضة كنت بسمع موسيقى وطرب واشياء عند شخص بالجندي كان ! ومنطرب ههههه اهلي راحو ركبو السيارة ونسيوني ههه وانا بعد سنة لما اتذكرت نفسي فلحقتهم هههههههه

وموقف اخر انو تربيت بمركز القطان للطفل وتعلمت الحياة صح بهالمركز وكتير استفدت وكانت صورتي معلقة بالمركز ل 5 سنين كاملة هههه " انشهرت "

الدراسة / اكتر موقف بتذكره لما تهاوشت مع معيد وكنت بدي اضربه ههه وحاليا صار حبيبي هههههه

آيه قرآنية تجعلها دائماً نصب عينيك؟
الا بذكر الله تطمئن القلوب
سأختار مجموعة من اعضاء لك الحريةة بكلمة او نصيحةة او اهداء او حتى نقد

#ارائي

البريئة >> مش موجودة لكن انا لازم اضيفها / لا يكتمل الصف الا فيها فهي علي بداية الهيكل الهرمي للمنتدي يليها تولين و بارو و نبض كنواب ادارة ومراقبين .. في حال غبت فانا واثق انو المنتدي بايدي امينة

مؤمن / حبيبي مدير ع اعلا مستوى

الصيااد / يعجبني فيك الكاريزما تبعته وهدوئه وركازته

تولين / راقية وهادئة ومطيعه

ملك روحي / مميزة في الطرح والتفكير ودائمه التالق

غاردينيا / تفكيرها مثالي ومميز وبتحكي يلي عندها بدون اي قلق وخوف وهالشي بيعجبني

غروب / عندك الكثير الكثير من الابداعات الي بنتظر يجي يوم من الايام تفرجينا ياها .. رقيقة الاحساس والقلب وبجد انا انبسطت انو كنتي انتي اول وحدة هنئتني بانو شريت المنتدي وبعتتلي تقيم وانو دائما دوم بتهديني ورد برغم انو انا مابرد هالشي لهيك احلا وردة لالكـ ☺

هل كان حبا / يعجبني كلامك واتزانك في بعض النقاشات

السماء تحبني / مممم مابعرف بصدق

انثى الياسمين / من الناس الي عندهم روح وكاريزما خاصة واداء مميز

وتين / مثابرة ونشيطة وعصبيه وصاحبة افكار ☺

وجع / عودتها مميزة واضافة شي مميز للمنتدي ولازال عندها الكثير

بارو / مميزة ومتالقة وصاحبة افكار رائعة وبحب شوف ردودك وافكارك بكل مكان .. بشكرك ع اخر وردة تلقيتها منك ☺

لونلي هيرت / بحب تابع مواضيعكـ ونقاشاتك لانو بتكون مميزة دايما .. و يعجبني صراحتك تماما

عاشقةة وطن مجرووح / يعجبني تواضعها وردودها المميزة

حبيب العمر / مميز جدا بتواجدك

سمرة / قلتها وبقولها اكتر حد بحب شوفو بيناقش باشيا هيا هالبنت ههه لانو الكلام يلي بدي احكيه بجد بلاقيها حكيته .. بحب صراحتك تماما متلك متل لونلي


( وتأكد ان صدورنا تتسع للكثير الكثير .. فلا تتحرج)

هههه طبيعي انو تتقبلو رائي لانو الي بعترض هههه بقصو هههههههه


الغربة والوطن في نظر أمير القلووب ماذا تعنيان ؟
من اكتر الناس الواعية والي تشرفت بمعرفتها هالرجل

سمه تعتز بها كثيرا في شخصيتك؟
مممم بحبش اجامل وبشوش 24 ع 24
هروب الكلمات من مخيلتك عندما تكون
في أمس الحاجة لها كيفتعالجها..؟
ممممممممممممم عادي بسترجعها ع طول دايركت ههه حتي لو خاني التعبير

ماهي التجربــه التـي تتمنــى تكـــرارها؟
تجربة طفولتي في مركزالقطان

رائـــــع .. إذن ،،


ما هي التجربة التي خضتها ولا تتمنى أن تتكرر؟؟
مممم تجربة شغل بيني وبين واحد مصري نصب عليا ب 700$ هههههههه



حسنا ً

رأيك بـ ملك روحي .. مميزاتها وعيوبها ؟؟؟
ممممم احكيت رائي فوق ومابشوف عيوب لاحكيها

أمير القلووب :

هذه الورقة كان قد كتب فيها اسئله
وهي موجهه إليك
ما هو اقصى حد من التهور كنت قد فعلته بحياتكـ..؟
انو ادفع الالف الشواكل علي مواقع الويب

( إحترس ممن تودد إليك ، وقد كان من عادته خصومتك )
هل تؤمن بهذهـالعبارة...؟
ولماذا..؟
هوووووه طبعا اؤمن وبقوة وحصل هالشي معي قبل اسبوعين ! تودد لي عدد من الاشخاص الي بالعادة بيحبونيش ! وبالاخير هههههه اجو بدهم يزحلقوني من المكان الي انا فيه هههههههه لكن خابو وخسئو لانو محدش بيقدر يعمل هيك شي معي خصيصا

هل تهتم بِـ امرالتحلية مع القهوة أو بدونها ؟
لا

وماهي افضل انواع الحلويات لديك؟؟
مممم كل الحلويات بحبها ولعل احلا وازكى اشي بالنسبالي " بفاريا "
عفوا ً ..
مبلغ الفاتورة ( 12 دولار )
هل تفضلت مشكور بدفعها .. لأني لا أملك المال ؟
لو وضعت في هذا الموقف .. كيف سيكون شعورك ..!
انتبه .. شعورك وليس تصرفك !

هههههه بطبيعة الحال راح ادفعها سواء معك 12 ولا 2000$ انا بحب اعزم بحبش انعزم ! وغير هيك انا بعزمش من بنت ههههههههه

واااو
أجد الوقت قد أُنتهى بسرعةة
معرفتكيش وانتي بتحكي بالفصحى

استمتعت جدا ً و أنا معك بِـهذهـ الدعوة

شكرا لالك ملك علي هالاستضافة وانا انبسطت بالاجابة علي هالاسئلة

لحظة : نسيت سؤال ضيفي السابق هل كان حبا :
3 امنيات تتمني تحقيقها ؟؟
اشتغل شغل حلو وابني مستقبلي ومستقبل اهلي وافيد اهلي وعيلتي ووطني

وسؤال حبيب العمر : ما رايك بانتفاضه القدس
هل تفضل ان تبقى هكذا سلميه جماهيريه
ام تكون مسلحه وضرب العمق الصهيوني
وتدخل الفصائل على الخط؟
مممم طبعا افخم شي بالدنيا هيا هالانتفاضة ربي يقويهم ويشد ع ايدهم وان شاء الله بتستمر لحتى ينتهى هالاحتلال الغاصب
مممم مش سلمية وان شاء الله بتصير مسلحة وبتضرب الكيان في عمقه لقدام

اسئله حنين الروح :


من أي بلد أنت ؟!
من الصومال قصدي من فلسطين ههه
كيف وصلت للمنتدي؟!
مممم بالصدفة
تقييمك ل بنات فلسطين بشكل عام ؟!
جميل بوجودكم

واسئله ملك روحي :

اجمل تجربه خضتيها بمنتدى بنات فلسطين؟
تجربة الادارة
العضو الاقرب لك ؟
الكل سواسية
وردة وحدة لمين تهديها ؟
ممم لاكتر حد اهداني ورد في موضوع اهدي وردة لعضو
اسئله البريئه :


اديه عمرك .؟
22.5

ايش بتعمل بحيآتك .؟
بلعب ههههه قصدي بدرس وبشتغل وماسك كبشة اشياء وبدرب وبأدرب

كيف بتقضي وقتك يومياً .؟
هههه يادوووب اكم ساعة بالبيت عالنت ! وكل الوقت برا البيت من جامعة لشغل لجامع لكذا لكذا وهيك الحياة صعبة

سؤال كماني المزاج :

ما قيمة الانسان لديك ؟؟
هوا كل شي

اسئله عاشقةة وطن مجرووح :
فِيْ عَصرْ الفُوضىْ الأَلكترونيهْ
كَيفْ تَحرصْ عَلىْ أَنْ لآ تُؤثرْ المُخدرآتْ الأَكترونيهْ (( الفَيسْ .. تويترْ .. وَ مَوآقعْ التَوآصلْ وَ الدَردشهْ )) عَلىْ عِلآقآتكْ العَآئليهْ وَ العَآمهْ
خُصوصاً بَعدمآ صِرنآ نَعآنيْ إِدمآنْ عَليهآ ؟
ممم انا بطبيعة الحال عندي قناعة انو انا باثر علي الشي مابتاثر فيه يعني انا بستخدم الفيس وتويتر بمقدرتي ومش ادمان بقدر ابعد عنهم لو بدي وبقدر استخدمهم وقت مابدي ! بالنهاية انا صح بتواصل مع حبايبي والناس القريبة الي عبرهم بس مامعنى هيك انو ياثرو فيا ..



لطفا ً قبل أنتغادر
لا تنسي الشرط :
( وعلى ضيفي السابق ان يشارك
بأسئلة أقصاها ثلاثة اسئله وكحد أدنى سؤال واحد

سؤال واحد / ايش اكتر اشي عملتو بحياتك واستفدت منه !

تفضل " امير القلووب "

شكرا لك مجددا علي الاستضافة وسعدت بالتواجد هون

تحياتي لك وللجميع