منتديات بنات فلسطين

منتديات بنات فلسطين (http://www.bntpal.com/vb/)
-   الـטּـِقآشآتُ الجَّآدة والـפـوَآر..! (http://www.bntpal.com/vb/f4/)
-   -   معادلات حياتية (http://www.bntpal.com/vb/t52878/)

الملاك البريئ 01-13-2016 10:33 PM

معادلات حياتية
 
اربع طلاب +لمبة كاز + حرمان + عدم مصروف = طبيب او مهندس او دكتور


اما اليوم:

لابتوب + أي باد + مدرسة خاصة + مصروف عالي = توجيهي راسب



تعليقكم ....

سمــره 01-13-2016 10:44 PM

ههههه حبيتون للمعادلات من قد مهني واقعيات ..
واحد من الاسباب هو "التطور" و"كتر الدلال"، هاي من وجهة نظري، لإنه كتر الدلال بيرخي الولد وبصير يعمل اللي بدو ياه وببطل يهتم، وليكي هالاشي ما بينطبق عكل الاولاد،
لإنه في اولاد بكونوا مدللين وبنفس الوقت بكونوا جديين شاطرين وفهمانين ..
والتطور اللي إحنا عايشين فيه، تطور رهيب وبالنسبه إلي تطور زايد عن حدو، ما بعرف لوين ممكن نوصل فالمستقبل من هالتطورات !!
ع فكره زمان كان في دلال برضو بس مش متل هالايام لإنه الحياة زمان كانت بسيطه وبنفس الوقت مكنش في كل اشي، كان اشياء معينه محدده،
بس اليوم متوفر كل اشي لهالسبب الولد هالايام بيتمرد ع اهله من كتر الدلال وبعمل يللي براسه،
في اهل هالإيام بسترجوا يقولوا لأ لإبنون؟ بقيم قيامتون منشان يجبولوا غرض معين ..
ما بعرف إذا ممكن يكون في تفسيرات تاني ..
شكرا ملاك :137:

البريئة ! 01-13-2016 10:50 PM

بغض النظر عن اهمية التعليم


ببسآطة اللي عندوو اللاآب و الآيبآد ووو
مش بحآجة لشهآدةة ’ او مش بحآجة للتعليم
كونو مركن على حآلوو بالمصآري اللي معآه


لكن اللي مآ معوو يآكل و حيآتوو بسيطة
بيتعلم لليجيب شهآدةة و يشتغل
لأجل يصرف على حآلوو


..


كتر الدلآل و المصآري بخرب مش بعمر
و طبعاً هالحكي مآ بينطبق عَ الكل


شكراً .~

الملاك البريئ 01-13-2016 10:51 PM

بزيد على كلامك سمرة شغلة
انه اكبر مساوء الانترنت هو تدني معدل الدراسة لدى الطلاب
ماخد عقلهم لدرجة كبيرة
بايامي ما كان لا نت ولا شي
وكنا ندرس وما في وسائل ترفيه كتيرة لتلهينا
بعتقد هاي كمان شغلة

الملاك البريئ 01-13-2016 10:56 PM

مزبوط ميناس
لاحظي اغلب المتعلمين هم الطبقة الفقيرة
بدفعو دم قلبهم ليتعلمو

قصي 01-13-2016 11:07 PM

يستحضرني الآن موقف لصديق لي إلتقيت به في إخدى المحلات التجارية
وسألته عن اخر اخباره وتفاجئت بحديثه عندما قال لي انه انقطع عن الدارسة الجامعية وطلب منه والده بإدارة إحدى محلاته التجارية
وعندما سألته عن رائيه في الموضوع قال لي أنه ليس بحاجة لشهادة حتى لو كانت تحمل الدكتورة
لأنه ببساطة شهادته لن تجني له ربع الأموال التي يتقاضاها من خلال عمله في إحدى المحلات التجارية

والقصة تلخص حال الكثيرين وما وصلت إليه الأمور الآن

الأمر الأخر الذي أود إضافته هو ان الله عز وجل يعطي الإنسان شيء ما ويحرمه شيء اخر
وهناك حكمة إلهية وراء ذلك
ولو دققنا النظر كثيراً لوجدنا أن أبناء الفقراء والبسطاء هم أشخاص يمتلكو الموهبة بالفطرة وان الله عوضهم فقرهم في العلم والفهم والعقل الكبير


الملاك البريئ 01-14-2016 12:37 AM

صح قصي
الشهادة هلا بطلت تطعمي خبز
واللي متعلمين اغلبهم شهاداتهن عالرف
واشتغلو غير تخصصهم

الصياد 01-14-2016 12:39 AM

كل جيل بدلل اطفاله حسب الاشياءء المتوفرةة بزمانه ،،
والدلال ما بعنيش بكل الحالات انه الطفل يطلع سيء او فاشل بدراسته وتعليمه ،
واغلبيةة الدول المتقدمة بتتجه لادخال التكنولوجيا في التعليم واستبدال الكتب واشياء كثيرةة
باجهزة حديثةة ، وممكن نفقد اشياء لكن راح تتوجد بدال منها اشياء تانيةة ومهن جديدة وفرص
جديدة للجيل الجديد ،،

وبالنهايةة المسألةة الي حكتيها نسبيةة وما بتطبقش ع الكل ،، يعطيك العافيةة

حبيب العمر 01-14-2016 01:05 AM

كان زمان الشهاده الها عز
وكان الطالب يعرف انه
مش بسهوله الاب وفر اله مصاريف الجامعه
لهيك كان في اصرار ونجاح
كانت الحياه بسيطه لكن جميله
والاسره متكافله ومندمجه مع بعضها
بذكر انا انه لما دخلت الجامعه
ابوي كان وضعه مش ولا بد
احنا عيله كبيره
4 ولاد و3 بنات يعني
خالي قدم اول دفعه
وعمي قدم دفعه
والباقي الله يسره


اليوم في دلال ودلع
والشب ما بعرف قيمه التعب
والمصاري كيف اجت ومنين اجت
لهيك ما بحس بقيمه الدراسه


شي اخير
اول كان الي معه شهاده اشي كبير
اليوم المتخرجين على افى من يشيل
لشو يتعلم لو بدو يقعد عاطل عن العمل
يتعلم صنعه ابوه افضل
مش معناته انا ضد العلم


اشكرك ملاك
ما بعرف لو قدرت او فهمت مقصودك

الملاك البريئ 01-14-2016 01:06 AM

بس الدول المتقدمة استخدمت التكنولوجيا للفائدة
اكتر منا
نحنا جيلنا وولادنا عم بقضو فراغهم بدل الدراسة عالفيس والنت
لهيك المعدلات عم تتدنى اكتر واكتر


الساعة الآن 02:07 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.