منتديات بنات فلسطين

منتديات بنات فلسطين (http://www.bntpal.com/vb/)

- حصريـات بـنات فلٍسطين (http://www.bntpal.com/vb/f102/)

- - كل شي ممكن ! (http://www.bntpal.com/vb/t52844/)

كل شي ممكن !

http://www.bntpal.com/vb/img/bntpal_1452636312_877.jpg

"ممكن" هالكلمه مش دايما منقدر نثق فيها !
لإنه ممكن اي إنسان تمرق عليه ظروف، مواقف،
حتى مشاكل صعبه اللي يحجبوا عننا الصوره المزبوطه والقرار الصحيح ..
ممكن .. أي إنسان اليوم يكون تحت، وبكرا يلاقي حالو صار فوق ! واللي فوق يصير تحت !
ممكن .. اللي بحاجة إلنا اليوم، إحنا نحتاجه لبعدين !
ممكن تنقلب الأدوار بأي لحظه ..
انا إنسانه بتعامل مع "جميع" الناس بحياتي اليوميه، كل يوم ممكن صادف حدا بلون وشكل جديد ..
مش لازم يكون في عندي دكانه، محل اواعي، او سوبر ماركت عشان اصير اتقبل كل الناس،
او كل الطبقات الاجتماعيه اللي إحنا دايما مقسمينها بعقلنا !
لإنه بالواقع وبالاصل كل الناس نفس الشي والاحترام المفروض يكون لكل الناس، هالتصرف بعتبره نوع من الإنسانيه ..
الإنسانيه مش معناها اننزل صور بالفيس لأطفال سوريا وغزه ..
الإنسانيه ممكن نعيشها كل الوقت ونحسها للناس اللي موجودين حدنا، معنا وحولينا ..
بس إحنا دايما مفرقين بين الناس وحاطين حدود وتقسيم اجتماعي تافه وفاشل !
ممكن .. كل شي ممكن ..

كتير اشياء بفكر فيها، موجوده جواتي وبعقلاتي،
واوقات كتير بلاقي حالي عم بعبر عنون ولو بكلمات بسيطه،
متل اللي بصير معي فالمدونه ..
حبيت شارككوا باللي كنت أفكر فيه ..
بتمنى تحبوا هالكلمات و"تحسوا فيهون" ..

:137:

الإنسانيه ممكن نعيشها كل الوقت ونحسها للناس اللي موجودين حدنا

صدقتِ و الله

كلماتك حلوة و بتلامس الواقع

مشكورة

كلام جميل ورائع
انتي من الشخصيات المميزه في المنتدي سمرة

يعطيك العافية علي كلماتك
تقييمي

الإنسانيه ممكن نعيشها كل الوقت ونحسها للناس اللي موجودين حدنا، معنا وحولينا ..
كلامك كتير حلو بيلامس القلب ومن الواقع
رائعه واكتر سمره
يعطيك العافيه.

افكارك وارائك دايماً مميزة ،
وحبيت كلمآتك ورسالتك من الموضوع ، خاصةة
انه باللهجةة العاديةة الي بنحكي فيهآ بشكل يومي
وبتوصل آسرع واقوى ،، يعطيكِ العافيةة ،،
موفقةة دائماً ،،

بسمه، تسلميلي إنبسطت إنك حبيتي الكلمات ..

مؤمن، شكرا كتير ع حكيك وتقييمك يللي بيرفعوا من المعنويات ..

غروب كتير انبسطت بوجودك، يمكن اول مره بتشاركي بموضوع إلي لقلة مواضيعي ..

الصياد، شكرا كتير ع حكيك الحلو، مزبوط عادةً بالعاميه الحكي بكون مفهوم اكتر ..

:137: