|
فضفضة ل بنات فلسطين بـ اسمي أتحدث : منتديات بنات فلسطين صرح شامخ وغالي بأعضائه وادارته صرح المؤسسين تعبوا فيه لحد ماوصلوه للي انتوا شايفينه اليوم واجهتهم مشاكل ومتاعب ومصاعب كتيرة ورغم هيك مااستسلموا ولا يأسوا صمدوا وتحدوا وحاولوا مرة وتنتين وتلاتة لحد ماقدروا يخلوا الموقع يقف ع رجليه لما أسسوا الموقع هذا أسسوه عشان يجمع جميع الأصناف والأجناس من الناس بمكان واحد نتعرف عليهم وع حياتهم وعاداتهم نصاحبهم نتآخى احنا وياهم نفيدهم ونستفيد منهم أسسوه عشان أقدر أنا وأنت وأنتِ نزيد وعينا بهالدنيا نزيد ثقافتنا وعلمنا نزيد ديننا وايمانا نطلع مواهبنا المكبوتة ومشاعرنا الدفينة نفرغ طاقاتنا السلبية بالكتابة بدون مانجرح حدا ولا نأذي حدا اختارو التكنولوجيا سبيل ليخلونا نرتقي بفكرنا بعقلنا بحياتنا المنتدى عالم واقعي بنجتمع فيه بنتبادل الأفكار والآراء ونتعرف ع ناس بنحبها وبتحبنا بنصادقها وبتصادقها كذاب اللي بقلك انه عالم وهمي احنا بنتعامل مع بشر مش مع آلات كاتبة حبوا بعض خافوا ع بعض اتقوا الله في بعض احنا اليوم عايشين بكرا ميتين ماحدا فينا بعرف بكرا راح يصحى ولا لا كلنا راح يجي علينا يوم ونترك بعضنا للأبد سواء تسكر المنتدى أو حدا منا تركه لهيك خلينا نترك جوانا ذكريات حلوة لبعض حتى الأسى والجروح والوجع اللي انوجعناه من أي حدا ننساه ومانتذكر له الا كل شي حلو ومنيح عمله معنا واللي ماعمل معنا شي منيح يذكر خلينا نخترع له أعذار ونشوفوه بصورة حلوة جواتنا حتى لو كان سيء المرحومة عطر الأندلس الله يرحمها مبارح كانت بينكم هيها اليوم ودعت كل الدنيا مش بس المنتدى شو تركت أثر وراها ماتركت الا كل شي حلو ومنيح ومحبة الأعضاء ودعائهم لها دايماً اليوم عطر الاندلس بكرا احنا ماحدا دايم ماباقي الا وجه الله حاولوا تصفوا نفوسكم وقلوبكم شوية ماتستنى حدا يجي يصالح أو يجي يعاتب ابدأ انت وخليك الأحسن واوعك تفكر انه هذا ضعف بالعكس هذا أصل القوة وعنوانها كلنا بتمر علينا لحظات بنضعف ونفسيتنا بتتعب بنكون فيها بأمس الحاجة ل حدا بنرتاح له حتى نفضفض ونحكي شو جواتنا له لكن هنا الكل بخاف يحكي كلمة ل أي حدا وانا اولكم لانه كله بفهم وبفسر ع كيفه وماحدا بحط حاله مكان الشخص وبتخيل ردت فعله لو فكرنا للحظة انه احنا بنتعامل مع بشر أخوة لنا ومتل مااحنا مابنحب حدا يعاملنا بهالطريقة نحنا كمان مانعامل حدا بطريقة احنا مابنحب نتعامل فيها اعقدو جلسة مع انفسكم عاتبوها ازجروها اجبروها تحب لغيرها اللي بتحبه لنفسها حاولوا تفتحوا صفحات جديدة بيضا مع بعضكم مايملاها سواد نهائي حتى لو كان غصب عنكم هالشي لانه ماحدا دايم ل حدا والنقطة السودا اللي بنحطها ع أي حدا الشيطان بكبرها جوانا بدون مانحس حتى يملا قلبنا كله سواد نضفوا قلوبكم طهروا أفكاركم حبو بعضكم بجد قسماً بالله مافي شي مستاهل نآخد وزر وسيئات تتسجل بصحيفتنا عشانه واحنا بأمس الحاجة لكل حسنة تتسجل لنا كلنا بنغلط ومافي بني ادم معصوم من الخطأ بس الغلط انه نقع بالغلط ومانصلحه نقع بالغلط ومانعترف فيه نقع بالغلط ونكرره كلنا بننقهر من الظلم ومن العوج ومن الغلط ومابنحبه لكن ليش مافي بمرة حاولنا نكتمه جواتنا وتعايشنا معه وسامحنا اللي غلط بحقنا ربنا قال والكاظمين الغيظ والعافين عن الناس مش أي حدا بقدر يعمل هيك الا القوي ليش مانكون أقوياء من جوانا ليش ليش مانمد ايدنا ونقول احنا مسامحين رسولنا قال وخيرهما الذي يبدأ بالسلام شو ماخدين من الدنيا والله ماراح ناخد منها الا عملنا وماراح ننجوا الا برحمة ربنا وسعة عفوه خلوا صدوركم أوسع من هيك وروحكم أسمى وأرقى من انه ترخي ودانها للقال وال قولنا وتعطي الشيطان فرصة يتسلل فيها لقلوبنا ويخلينا نحقد ع بعض بعتذر ع الاطالة بس شوية شغلات كانوا بخاطري وحكتلكم ياها بتتمنى تتقبلوا كلامي بكل رحابة صدر وان شاء الله مابكون بينا الا كل خير ومحبة |
و الله كلامك صحيح 100 % |
لا بأس بشيء من المحبة طالما ستشعرنا بالأمان شكرا الك زميلة .. بحب هالمواضيع :136: |
لأجل الصراحة الحكي كثير ف ما قريته كله ، لكن فهمت المضمون تقريباً ومعك حق واحنا بهذه المكان حتى نتسلى ونغير جوا الملل اللي بنعيشه في الواقع احيانا ونعبر ونكتب شغلات ما فش مجال انه تنحكى او تتساوى بالواقع ، ولازم تكون العلاقةة القائمة بهذه المكآن مبنية ع الاخوة والمحبةة والتسامح ، يعطيكِ العافيةة ، |
عشقت هذا الصرح لعشقى لبلد الصمود شكراً لكلماتك الطيبه التى يخرج مدادها منقوش بكل حس نقى تقبلى وجودى تاركاً خالص التحايا وكل تقدير |
الله يسامحك حنين لساتني كنت عم ببكي ومو عرفانه شو السبب زيدتيا لدمعاتي مجرد سؤال مر ع بالي وكان بدي اطرح موضوع هلأ لنناقشو بس انتي سبقتيني بالخير بتعرفي شو السؤال يلي مر ع بالي وخلاني أبكي انو ممكن أترك المنتدى لأي سبب معروف كان أو مجهول شو بترك ورايا وشو بيكون شعوري بوئتا ؟ ما حسيت غير ودمعاتي ع خدي انو صارلي شي 5 سنين بالمنتدى ورغم انو مالي احتكاك مباشر بالأعضاء لكن عليم الله أديشكن غاليين عندي وكتير بشتائلكن وئت غيابي وبالفترةةة الأخيرةةة عم لاحز غيرة ونميمة وغيبةةة ورمي حكي من بعض الأعضاء ع بعض طيب ليش؟ الدنيا كلا مو محرزةةة كل هالئد ونحنا هون مشان هربانين من مجتمعنا ومشاكلو والنفسيات يلي حولنا فليش يكون في كراهيةةة ونحنا كلنا ما منعرف بعض غيرمن خلال حروف وكلمات وشاشةة حتى ما منشوف بعضنا من وراها انو ما شي بيبقى غير المنيح والكلمةةة الطيبةةة فليش نحنا هلأ كلنا موجوعين وتعبانين ومجروحين من كل يلي عم بيصير حولنا وعم نتألم لألم بعضنا وعم بنبكي ليل نهار ع كل يلي بيصير بفلسطين وسوريا واليمن وليبيا والعراق ومتل ما حكيتي حنين عن المرحومةة عطر تركت سيرةةة حلوةةة وكلنا عم ندعيلا وكلنا حبيناها للصبية وهيااا راحت بلحزةةة وماضل غير سيرتها الحلوةةة ف ياريت نصفي ئلوبنا لبعض وماحدا يحمل بألبو ولا يبحبش ع عيوب غيرو او أسرارو حتى يحكيا ي ريت كلنا نسامح بعضنا وانا بحكي عن حالي انا مسامحةةة كل حدا أساء لإلي بالسر وبالجهر سوا كنت بعرفو او مابعرفو ومتمنيةةة انو لو حدا زعلان مني أو شايل بألبو انو يسامحني كرمال الله مو كرمالي ربي يسعدكن جميعا ولا يحرمنا هالصحبةةة الإلكترونيةةة الحلوةةة جورياااات الكون لعيونكن |
كلام سليم لا غبار عليه انا عن نفسي ما عندي اي حقد ولا كره لاي انسان حتى لو كان في انا من النوع الي بحاول اتقرب واسامح مره وتنتين وعشره لكن يا حنين يا اختي الكريمه لما انا افتح صفحه جديده مع شخص كان في خلافات كتيره معه ويحكي عني كلام بظهري مره وتنتين وتلاته ويخوف الناس من علاقتي ويشوه سمعتي شو بدك احكيله شكرا انا بوكل امري لله ومن ناحيتي مسامح الجميع وعند لله ما بضيع اشي كلامك على العين والراس واكيد هادا بدل على معدنك الطيب واصالتك وتربيتك ودينك انا فخور فيكي يا حنين بجد انتي من الاشخاص الي بحترمهم جدا |
بالنسبة الي ما كرهت حد يمكن يصير سوء تفاهم بس ما وصلت لدرجة الحقد والكره والغيرة من بعض الاعضاء الله يسامح الجميع ازا غلطت بحق حدا هون يسامحني وازا حد غلط بخقي هيوتني مسامحته وربي يشهد على كلامي الله يهدي النفوس ونرجع نحب بعض اكتر ونكبر عقولنا ونوسع صدورنا وقلوبنا ومتل ما حكيتي حنين ما حد بموت وبياخد معو الا عمله وتعامله مع غيره و الله يهدي البال ويهدي الجميع |
وأنآ ككمآن بصرآحه مآ قريته لككن فهمت الموضوع من ردود .. الأعضآء .. .. بس حآبه اقولكك شئ انتي لآتتعبي نفسكك بهذآ الشئ لأنكك رآح تتعبي .. ويمككن تنطردي انتي مآككتبتي الموضوع الآ انكك شفتي الي شفته انآ من أول مآولدت لين اجيت لهنآ وانآ مسآلمه .. بس اجيت هنآ شآب رآسي .. من اشيآء .. مآككنت متوقعه إن في هذآ الزمن فيه نآس بهذآ الشئ فيه نآس هنآ .. مستحيل أنسى جروحهم رغم اني مسآمحه لأبعد حد .. انآ انسسآنه عصبيه .. وعندي ربو بس اعصب يزدآد الربو عندي واتعب .. حتى اني اتمنى الموت ومآككنت اتوقع ان شئ زي ككذآ يتعبني ..! يمككن اقول انآ غلطآنه .. بس المشككله اككثر الاعضاء هنآ بيعآنون بهذآ الشئ .. ابي اعرف وين ديننآ رآح .. مش احنآ مسلمين ! ترى احنآ عبر شآشه نتوآصل ككيف وجه لوجه ..!؟ بس بعض الأعضاء هنآ تحسسهم اطفآل مش فآهمين إيش ورى شآشه .. ! الله يهدي الجميع .. وانآ مآتعديت ع احد قلت رأيي بككل صرآحه اشككركك حبيبتي # تنبيه اي عضو هنآ انصحه نصيحه لآتحتكك ككثير بآلأعضآء لأنكك رآح تنجرح ككثير وشككراً 🌹 |
تعقيب ع كلامك نجود لفت نظري فيه كلمة تنطردي سؤال مين اللي بده يطردني ؟! طالما ماخالفت قوانين المنتدى ماحدا له الحق يطردني منه حتى الادارة نفسها مابتملك حق تطرد أي عضو بدون مايكون خالف قانون من قوانين المنتدى ! أنا لما بحكي خلينا نمد يد المسامحة بكون غلطت وبدي طرد ؟!! |
| الساعة الآن 10:27 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.